可將靚景一覽無遺的落地大玻璃與大量舒適的梳化卡座依舊。
食物由從前主打的創作壽司轉了做「強勢加盟」的自家製烏冬。呢個烏冬好巴閉，每天在店內新增的烏冬房自家製，用上日本麵粉、鹽和經蒸餾處理的軟水混合後先在 28 度存放 2 小時，按壓後再在 18 度存放 18 小時，共經兩次熟成製成。店內分別供應讚岐烏冬和京都烏冬兩種，前者較粗身，滑溜彈牙，適合放湯做熱烏冬，如配海鮮番茄、宮崎地雞等﹔京都烏冬則較薄身，同樣煙韌帶麵粉香，用來配溫泉蛋、牛肉等做冷烏凍都一流。
不趕時間，來食烏冬記得唔好散點，皆因餐廳目前主力做半自助形式的午/ 晚餐，價錢視乎所選主菜而定，除各款烏冬還有其他食物如鐵板龍蝦、和牛等選擇，午市約二百零蚊起跳，晚市則四百幾蚊起，仲包埋可在 buffet counter 自取多款壽司刺身天婦羅及鐵板燒，比單點一個烏冬閒閒地都要百幾二百蚊性價比高得多！
美國牛肉、溫泉蛋自家製烏冬(冷）($308 半自助午餐主菜之一 )
薄切的美國肉眼片輕輕用上湯灼至半熟，肉味濃郁，溫泉蛋富蛋香，撈埋加了味0林、木魚、甜清酒等調成的醬汁同鳥冬一齊食，滑溜好吃。
海鮮番茄湯自家製烏冬 （熱） ($288 半自助午餐主菜之一)
湯底由瀨戶內海沙甸魚、靜岡縣鰹鮪魚、和歌山鯖魚及北海道海帶等熬足 24 小時而成，濃郁清甜，再加埋番茄及多款新鮮海鮮如蜆、蝦等同煮，鮮味澎湃。
鐵板燒鹿兒島和牛西冷配照燒汁 ( $780 半自助晚餐主菜之一)
A5 級的鹿兒島和牛輕輕燒至半熟，脂香豐腴，肉質軟腍，伴以繽紛的日本時令蔬菜做配菜，視覺與味覺都照顧到。
鐵板燒波士頓龍蝦配牛油海膽汁 ($680 半自助晚餐主菜之一)
波士頓龍蝦肉質彈牙，味道鮮甜，配埋自家以牛油和海膽調配的醬汁更惹味提鮮。
四季禪
地址：銅鑼灣金朝陽中心二期 29 樓
電話：2970 3218
營業時間：12nn-3pm，6pm-10:30pm
收費：現金及信用卡，設加一
交通：港鐵銅鑼灣站 A 出口
泊車：時代廣場 $27/hr
平均消費：午市$300、晚市$550
歡迎你 like 我哋 U Food Facebook Page / U Food Instagram ，取得我哋更新更快嘅資訊！
