元朗最近就出現咗間勁吸睛嘅韓燒店「韓板」，原來它與任食火鍋店 K-POT 部隊鍋屬同一品牌，今次新店主攻年輕人市場，全店用上落地大玻璃設計，感覺超開揚，一室鮮黃色，感覺年輕有活力，加埋牆上一大排電視機，全部清一色播住 K-pop MV，韓粉一定睇到眼都唔眨。
一般韓燒店的抽氣系統都是安裝在天花，這裏連抽氣都有型過人，全用橫向式設計，從地底排走油煙，在香港的韓燒店前所未見。由於抽氣更貼近爐邊，所以能更有效吸走油煙，食完韓燒衣物都唔會沾到味道。餐牌則走電子化，全店用 iPad 點菜，方便易用，啱晒年青人心意。
菜式夾雜了地道和新派韓食，像招牌菜「六味小豬豬」，個名夠晒可愛，其實它是「八色五花肉」的濃縮版。大廚精選了 6 款最啱香港人的口味，包括海鹽、香草、味噌、辛辣、蒜蓉和咖喱，用香料醃製一天而成，最特別是咖喱味，用了黃咖喱、秘醬醃製，帶點東南亞風味，微辣辛香，好入味。
食唔晒 6 款，則可以點「三味小豬豬」，可從 6 款口味中自選 3 款，價錢只是 $138，好經濟。其他食物價格都比坊間韓燒店平易近人，例如 $298 已可食到牛肉拼盤，有齊牛肋骨、牛舌條、一口牛、雪花牛肉；$338 海鮮拼盤也不乏靚料，如 8 吋長巨虎蝦、珍寶帶子等，燒香後超鮮味。遲些還會推出更多新派韓燒食物，如人參蝦膠、漢堡牛肉釀大蘑菇、人參釀墨魚膠等，超有創意，大有機會成為下一間人龍店！
特別推介：
六味小豬豬 $238
跟足韓國口味，精選了海鹽、香草、味噌、辛辣、蒜蓉、咖喱 6 款味道，全部醃足一日，非常入味。食唔晒，可自選三款味道（$138），選擇夠晒彈性。
牛牛盛盆 $298
$298 可食到 4 款不同牛肉，包括原味牛肋骨、牛舌條、一口牛、雪花牛肉，分別選用美國牛肉、巴西牛舌，質素相當不錯。
海鮮盛盤 $338
有齊帶子、虎蝦、鮮鮑魚、魷魚，海鮮 size 相當巨型，當中虎蝦更有 8 吋長，一盤足夠三四人分享。
6 吋泡菜煎餅 $48
內混有泡菜、洋葱、青紅椒絲，口感爽脆，辣度適中，用鐵 pan 奉上，食時熱辣辣，好惹味！
海鮮泡菜湯 $128
海鮮配料有蝦、扇貝、青口，湯底以泡菜、大醬等煮成，濃郁辛辣，配上超吸辣的豆腐，食起來辣勁十足。
韓板燒肉專門店
地址：元朗又新街 31-51 號富祐閣地下 7B3 號舖
電話：2650 0968
營業時間：11:30am-3pm、5pm-2:30am
收費：現金及信用卡，設加一
交通：港鐵元朗站 B 出口
泊車：門口咪錶位
平均收費：$300
想睇更多？即上 新餐廳 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
