哈韓族超鍾意食醬蟹，可惜香港唔係四圍都食到。最近尖沙咀就開了間韓燒店，有韓燒食之餘，仲有得食醬蟹醬蝦，做法正宗，相信好快會成為另一醬蟹熱店！新店位於地庫，穿過條樓梯就到達餐廳，格局簡單，黑色汽油桶座椅、鋼面圓枱，配搭灰黑主調，隨意得來又有型。身處地庫，雖然沒有窗戶幫助排走油煙，但勝在通風系統做得好，每張枱都設有伸縮煙囪，就算食完 BBQ 都不怕沾到滿身油煙味。
燒肉主要分為牛、豬、雞和海鮮 4 大類，當中以牛的部位最刁鑽，除了基本的牛排骨、牛胸肉等，還有牛外脊肉、牛板腱肉、牛鮮橫膈肌這些特別部位，在普通燒肉店一定搵唔到。先說牛板腱肉，是牛背近頸的位置，由於經常活動，所以肉質特別嫩滑彈牙，肉味亦超濃郁。除了燒肉，餐廳的另一賣點就是醬螃蟹和醬大蝦，韓籍大廚用醬油、蜜糖、雪梨、蘋果、海帶等炮製成醬汁，再放入韓國螃蟹和越南大蝦醃兩至三日，讓醬油鮮甜、鹹香完全滲入其中。像醬大蝦，每隻都有 15cm 長，啖啖肉不在話下，入味之餘，鹹甜味道亦很平衡。而醬螃蟹亦跟足韓國食法，附上紫菜飯糰，將飯放在蟹蓋上撈勻一齊食，滋味無窮！
韓流村
地址：尖沙咀漆咸道南 53-55 號嘉芙中心地庫
電話：3622 1854
營業時間：5:30pm-4am
收費：現金及信用卡，設加一
交通：港鐵尖沙咀站 P3 出口
泊車：附近咪錶位
平均消費：$300
(原文摘自《U Magazine》)
