被稱為「QQ意粉」的fusilli lunghi bucati憑著酷似公仔麵的外型以及口感，成為最近網絡最熱門的料理。今次幫大家集合了有售fusilli lunghi bucati的兩大超市，下文更附一鍋到底韓式玫瑰醬煙肉意粉食譜，煮法輕鬆惹味掛汁，即睇邊度有得買+食譜：
快速查看售賣點+價錢：
大家可以在百佳網店以及意大利超市Mercato Gourmet找到這款Fusilli lunghi bucati，兩間超市價錢相約（$62-$65/500g），有興趣的朋友不妨買來試試！目前百佳網店暫無存貨，但跑馬地Fusion以及陽明山莊Fusion都有少量現貨，大家可以開啟返貨通知隨時掃貨！
Fusilli Lunghi Bucati建議的煮麵時間為11至13分鐘，想要保持口感，最好在煮至10分鐘時開始試味，避免煮過頭而失去彈牙的質感。
百佳網店：按此
Mercato Gourmet網店：按此
同場加映：一鍋到底韓式玫瑰醬煙肉意粉食譜
Click圖睇詳細食譜：
1.冷水落油、鹽，水滾後落意粉，煮12分鐘，撈起備用。
2.熱鍋落煙肉，炒出油後加入洋葱、蘑菇及車厘茄炒香。
3.加入韓式辣醬、茄汁及牛奶，再放入意粉翻炒即可。
這款QQ意粉口感食落比較像是長形通心粉，未有想象中彈牙，喜歡有咬口的話可以嘗試縮短烚意粉的時間！不過意粉中間空心，可以吸收更多醬汁，食落好入味~
同場加映：韓式食譜大熱料理玫瑰醬寬粉
玫瑰醬寬粉做法：
1. 寬粉浸水10分鐘備用，韓式辣醬、茄汁、豉油、蒜蓉、蜜糖、味醂攪拌成醬汁備用。
2. 炒香煙肉、洋蔥到金黃色，加入蘑菇、蝦仁略炒。
落牛奶、忌廉、寬粉和玫瑰醬。
3. 寬粉中小火煮到軟熟，煮大約10到15分鐘（時間按寬粉包裝指示而定），期間需不時攪拌以免黏底，收水即成。
完成啦！寬粉口感Q彈煙韌，吸收滿滿的甜辣玫瑰醬，醬汁充滿奶香又開胃，牛奶和忌廉中和韓式辣醬的辛辣，很適合不能吃太辣的朋友，除了蝦和蘑菇，大家也可以按個人喜好落想要的配料！
同場加映：【開箱速遞】最新影片
人氣食譜排名
-
港式美食
自炒冬蔭功蝦仁意粉
Padthai我就唔識炒，主要係啲粉我覺得屬於難handle，我怕炒到碎飲飲，出街食啦。😂第時會試嘅，當我信心好啲嘅時候。 今日見我有些少蝦仁同青檸，心諗不如整個差唔多色水嘅嘢食吓啦，咁又剛好有二百克意粉喺度，有啲洋蔥，又有啲冬蔭功醬，呢個組合炒出嚟唔會太差啩。 開頭嘅做法同平時茄汁炒意粉都差唔多，都係爆香啲洋蔥，落蝦落意粉同茄汁，兜勻，最後落個冬蔭功醬再兜一兜就即時變咗第樣嘢。有趣。 本想加啲花生碎on top不過我冇，就落現成嘅炸蒜，都夠香。 正宗嘢我就一定冇嘞，但成品味道很可以。你都不妨睇吓自己屋企有咩醬料可以配搭吓煮啲唔正宗但味道好嘅嘢出來醫肚。
閱讀更多
-
打卡熱點
屋企小菜一樣正！😋 #家常便飯🏠✨
今晚邊個話外面先至有好嘢食?😍 冇去餐廳又點樣?屋企自製嘅小菜照樣可以令你食到停唔到口! 🏠✨油麥菜配豆鼓鯪魚汁 豆鼓鯪魚汁嘅鹹香,再加埋鰹魚汁完美提升咗蔬菜嘅清甜,唔會搶咗主角風頭啲汁香濃唔嚟膩,鮮味十足 🏠✨可樂檸檬雞翼 睇落就知係熱辣辣出爐嘅雞翼,上面包裹住嘅醬汁油潤發亮,色澤金黃誘人!🍗 雞翼外皮香脆,肉質卻係多汁嫩滑,薑蒜嘅香氣同可樂嘅甜香完美融合,加埋檸檬汁嘅微酸,平衡晒成個味道!啲醬汁收得剛剛好,唔會太稀又唔會太乾,仲炆到雞翼骨肉易甩 好入味 🏠✨番茄吞拿魚Tabasco意粉 番茄同吞拿魚嘅結合絕對係王道組合!🍝 意粉煮得彈牙十足,配上酸甜嘅番茄醬汁同埋鮮味嘅吞拿魚碎,仲有Tabasco帶嚟嘅微微辣感,層次感十足!個醬汁包裹住每條意粉,食落嚟香濃惹味,唔會太鹹又唔會寡淡,夠晒家庭式嘅真材實料! #家常美味#自煮晚餐#簡單又好味
閱讀更多
-
食譜
韓式玫瑰芝士卷卷意粉
韓式玫瑰芝士卷卷意粉食譜 材料: 韓式辣醬 1湯匙 Mozzarella 芝士 1片 Cheddar 芝士 2片 煙肉 4片 靈芝菇 1棵 Molisana Fusilli卷卷意粉 適量 牛奶 235ml 步驟: 1.將卷卷意粉煮熟,大約煮10分鐘左右,煮好後拿出過冷河,備用 2.將靈芝菇清洗好,放落鍋內爆香,再加入煙肉碎爆香 3.加入牛奶煲到微滾 4.加入韓式辣醬拌勻 5.將三塊芝士拌勻 6.炒到杰身 7.放回卷卷粉兜勻 8.夾出放碟,灑上黑胡椒 9.完成 #COOKwithUCreator#速煮系列#廚娘系列#西式食譜#親子食譜#健康食譜
閱讀更多
