微波爐叮蛋會爆炸嗎？三色蛋食譜1招學識微波爐蒸蛋安全做法

Kimo

食譜

最懶煮蛋法

趕時間又想食雞蛋時，我會用微波爐。可是乎蛋嘅數量、碗有冇蓋同喜歡嘅熟度去決定叮嘅時間，而且一定要刺穿蛋黃同每次叮完搞拌下。我今次整2隻蛋，加蓋用600W叮30秒3次，就有半熟炒蛋嘅效果。如唔想黏碗可先加少少油在碗上呢。唔同爐嘅火力會有分别，可以由少d時間試先啊。 {{hket:campaign display="越食越靚"}}{{/hket:campaign}}

Chantal.jj

食譜

溏心蛋食譜🤤！係日本雞蛋日🥚！

平時煮嘢食,雞蛋一定係我嘅煮家恩物🥰 你又知唔知…每年11月5日係｢日本雞蛋日🥚｣唷!今日就係😎 每日增肌任務都會食2隻雞蛋,今日我用蛋味香濃嘅｢新紀元卵｣雞蛋整 醬油溏心蛋🥚!只需雞蛋同4種調味料 !! 方便易整,超好食!快啲試吓😝 簡易醬油溏心蛋 材料: 🥚雞蛋 4隻(室溫) 🧊冰 適量 浸泡醬汁: 水 150ml 鏗魚湯汁 100ml (可以用即食鰹魚粉一包+100 ml清水) 醬油 50ml 麻油 1湯匙 (optional) 糖 1湯匙 步驟: 1. 醬汁材料撈勻備用 2. 清水加白醋,水滾後放雞蛋中火煮6分鐘,熄火 3. 雞蛋浸冰水🧊,雞蛋冷卻後小心剝去蛋殻備用 4. 雞蛋放入醬料浸泡放入雪櫃冷藏6小時以上,食得😝 🥰建議 浸一至兩日更加入味可口! 🥚日本雞蛋日小知識💫😯 日文｢いい｣嘅意思係｢好｣,而｢いい｣同｢11｣發音相似;｢たま｣(TaMa)係玉的意思,所以以｢0｣表示;｢ご｣(GO)係｢5｣嘅日文發音;將｢05｣拼埋一齊,就係｢たまご｣(TaMaGo),即係雞蛋嘅日文發音! Sooo 11月5日就代表｢好嘅雞蛋｣嘅意思🫶🏻 雞蛋富含優質蛋白質以及各種維生素,係｢近乎完美嘅營養食品｣｡除非醫生建議限制攝取量,否則每天吃兩隻雞蛋或以上都係沒有問題架! 日本卵業協會等組織都積極鼓勵大家每日進食2隻雞蛋,以攝取一天所需的蛋白質及營養! 今年係香港響應日本雞蛋日嘅第10年,新紀元卵玩大啲:舉辦線上｢好卵｣挑戰賽✨ 答下日本雞蛋小知識,玩住學､學住贏走共10,600隻｢好卵｣!詳情請到新紀元卵(FREDS日本卵)Facebook專頁了解更多🙋🏻‍♀ 今年新紀元卵繼續聯同5間本地慈善機構,合共捐出50,000隻雞蛋,會派發畀有需要人士,或者用嚟做暖笠笠飯盒｡除咗幫手送暖,亦都想藉住活動宣傳日本雞蛋日,等更多人識食､識欣賞日本雞蛋嘅美味同好處💖 另外,新紀元卵仲夥拍多間香港食肆舉行｢好卵餐飲齊分享｣,用｢新紀元卵｣整期間限定菜式,包括UCC Coffee Shop､蛋撻王､和民､KOMEDA､糧友等都有參與｡想試新鮮日本靚蛋整出嚟嘅滋味,就記得去支持下啦😋🤤! 想知道更多精彩活動內容,請查看新紀元卵官網:https://shorturl.at/7guud #日本雞蛋日#新紀元卵#新紀元卵赤玉#新紀元卵曉#日本直送#日本卵#蛋料理#chantaljjlovescooking#減肥食譜#家常便飯#簡易食譜#醬油蛋#醬油蛋食譜#日式溏心蛋做法#日式溏心蛋#蛋食譜#食譜分享#chantaljj食譜#速煮系列

rickyhon

食譜

涼瓜烘蛋

👨‍🍳 烹飪難易度（1為較易 - 5為較難）： 1 ⏱️ 烹飪時間： 8分鐘 ⏱️ 準備時間： 15分鐘 🥘 材料： 苦瓜一條、雞蛋兩隻、鹽及胡椒粉適量 1️⃣ 製作步驟： 苦瓜去頭去尾，縱切，去籽去囊，洗淨，斜切成薄片，攞一茶匙份量嘅鹽乸吓切好嘅苦瓜（將佢靜置五至十分鐘，然後會見到佢出水，用水喉水沖走呢啲水同多餘嘅鹽份。）雞蛋打散，加少少鹽同胡椒粉拌勻。燒熱鑊轉中小火，白炒一下苦瓜令水份揮發，𢳂起苦瓜至蛋液中，鑊重新轉大火，加一大匙油，浪勻，倒入所有材料，大火煎一分鐘，轉中小火再煎多一分鐘，反轉煎另一面，亦以相同方法先大火後小火，烘熟雞蛋至金黃，上碟。 🍽️ 烹飪貼士： 1）切薄啲同用鹽醃苦瓜，可以令佢變得比較軟身同去除苦味，如果你想佢保持返爽同硬身，就唔好醃太耐。2）如果想烘得個蛋靚啲圓啲，可以用個細嘅煎pan去煮，冇都唔緊要，我都係用生鐵鑊整，用鑊鏟幫助調整佢形狀同厚度。即使控制唔到個形狀，都冇咩事嘅，普通苦瓜炒蛋咁囉。3）想味道更加豐富可以加入剁到好碎嘅菜譜想味道更加豐富可以加入剁到好碎嘅菜脯，或者叉燒絲，更好食。 #啖啖舒暢透心涼