text│TY
以前去大坑多數蒲 cafe 或者食西餐，最近就多了幾個 missions，就係搵甜品食。好紅的 Cookie Vission 外，仲有這間港式甜品小店，自家研發了一款雪山露深受街坊歡迎，將准山和雪耳兩款滋養食材合拼，先煮融後攪碎，做出比銀耳羹更濃厚的質地，食落順滑潤喉，清甜生津。雪耳選用樟州出產的，膠質特別豐富，客人更可額外加桃膠，滋補之餘增添口感。
芝麻糊同樣有驚喜，味道媲美老牌糖水店，入口油滑，芝麻香逼人。原來其中一位老闆的家族做芝麻批發生意，所以動用優勢，只挑每造最優質的芝麻，每粒芝麻都飽滿過人，油分和香氣特別濃郁。特別之處是芝麻糖水混合了坊間少見的白芝麻糊，增添另一種鮮明醇香芝麻味。港式糖水代表有楊枝甘露，升級用大大隻的澳洲芒果做底、每日鮮拆金柚肉、還加入了芒果乳酪及自製小丸子，食嘅都是真材實料。
↓點擊圖片放大↓
餐廳只做外賣，風格文青小清新，在區內口碑很好的。
店裏仲有教主及兒登應援。
秘製楊枝甘露 $47
加入芒果乳酪令味道更濃厚，還有自家製玫瑰小丸子添煙韌口感。
雪山露 $34（配桃膠 加 $8）
應秋冬而自創的滋潤糖水，用准山和雪耳煮成，入口順滑潤喉，味道清甜。
招牌仙草冰 $45
有仙草、芋泥、芋圓、蜜紅豆、寒天等材料，分量頗足。芋圓是台灣直送，口感頗 Q 軟。
黑白芝麻糊 $32
每日店內炒香芝麻再攪拌成幼滑糊狀，食落油滑香濃。白芝麻和黑芝麻有不同的香氣，兩者混合令味道更濃厚。
【info】
留座
地址：大坑京街 6 號地下 A 號舖
電話：6061 5244
營業時間：星期一至五 5pm - 10pm、星期六至日 4pm - 10pm
備註：因應防疫政策，營業時間或有更改
