text│Yan
「和牛」兩個字一向高高在上，在高級扒房必屬最貴項目。但最近在平民美食區深水埗，竟然出現一間鐵板和牛專門店，這裏主打像連鎖快餐的鐵板飯，但推介大家來吃扒！新張期間供應一款大大塊 250g 重 A5 和牛扒，原價 $398，10 月 31 日前更有買一送一優惠，即每人只須 $199，呢塊扒真係抵到爆燈。
和牛真真正正由日本入口，能做到物超所值，因為直接與岩手縣的農場取貨，原隻牛於當地斬件後直送到港，少咗批發商，即刻以親民價販賣。岩手水源優質，青草靚、仲盛產威士忌，這裏所採用的黑毛和牛，食青草和威士忌酒粕長大，牛肉和油脂有種獨特的鮮甜味。這裏只用最高級的 A5 和牛，油脂分布平均，油花細密、呈現漂亮的大理石紋，無論切粒切片、厚切薄切都無得彈，牛肉質素遠超了快餐級別。
鐵板端到客人面前，自選淋上蒜味、韓式或原味燒肉汁，滋滋咋咋的聲音、和牛脂香仲喺空中散發，實在誘人。全店最豪的鐵板肉眼扒會和米飯分開上，生熟程度由客人話事。和牛於半生熟時，肉質細嫩柔軟得很，入口即化；煎熟一點也不怕，和牛油脂燒得甘香、也多了份焦脆口感，肉質一樣柔軟，感覺幸福！
A5 和牛飯仲有牛肉、一口牛粒、牛肋肉、牛柳、肉眼蓋等選擇，最平才 $88，呢個價錢食 A5 和牛？無投訴吧！
【info】
鐵板郎
地址：深水埗營盤街 128 號地舖
電話：2175 5298
營業時間：11am - 10pm
備註：日本岩手 A5 黑毛和牛肉眼扒飯買一送一優惠至 2021 年 10 月 31 日
