text│Sakura photo│Man edit│sieg
記者發現佐敦一間面積只有百多呎的懷舊糕品舖，日日有街坊來排隊買芝麻卷。原來這件小小的甜點製作工序繁複，老闆娘為了新鮮，每天一早回舖製作，啖啖都係老人家的誠意。
糕品舖是家庭式經營，年過六十的方太從小就跟媽媽學習做糕粿。「我做咗幾廿年傳統糕品，只要聽到熟客話好食我就開心，所以料都要用最好，成本貴啲都無計。」方太說。她是舊式老實人，一年 365 日不計辛苦，每日鮮製，糕品絕不過夜，不要少覷十元八塊的糕品，製糕需時長，準備功夫多，方太每日做到凌晨 3、4 點，早上 10 點又回來開舖，真的要細味每件糕品才對得起方太的心機。
最欣賞就是芝麻卷，背光澤，望落也感受到它的柔韌，每層厚薄一致，食落 Q 嫩彈牙，仲夾雜香脆芝麻粒，最重要是芝麻味超濃郁，吃一件好似吃了半碗芝麻糊。方太不用現成貨，隔晚開大鑊炒香芝麻，芝麻即炒即手磨，有火氣，保留炒芝麻的香氣。每日用 3 大包黑芝麻製作芝麻卷，一分材料一分味道，重口味係無捷徑嘅。芝麻卷口感無敵，不是時下那些魚膠感好重，卷裏有粒粒碎芝麻，軟糯煙韌，好嚼易𡁻，全靠她熟練的調粉及蒸糕工夫。
方太糕品舖
地址：佐敦上海街 196 號地下
電話：5628 5486
營業時間：10am - 12mn
