點可以食得放心又滿足?喺呢個世途要做得到，其實真唔簡單㗎！尤其係要拎到認證就更加係要出盡力先做得到！好似英國馬莎M&S就做到嘢喇！佢哋引入5大優質食品系列，一直嚴守安全及品質標準，包括可追溯來嘅源優質肉類、可持續海鮮、無麩質食品、健康食品同埋非奶類製品，等大家可以食到優質可靠又美味嘅食物；今次特別搵咗星級烹調家Kit Mak嚟教大家點煮至有新意，依家就教你點樣用呢啲食物整返幾道拿手好菜，等你嘅自家廚房以後道道菜式都係優質新煮意！
牛魔王大滿足：蘋果酒忌廉醬牛肉漢堡
材料：
英國牛骨髓牛肉漢堡扒 2塊
漢堡包 2個
有機濃味車打芝士 2片
紅洋蔥 少許
青蘋果 1個
菠菜苗 適量
海鹽及黑椒碎 少許
醬汁材料：
蘋果酒忌廉醬 4湯匙
無蠟檸檬（榨汁及檸檬皮茸） 少許
蜜糖 少許
做法：
洋蔥切圈；青蘋果連皮切絲，以檸檬汁拌勻。將醬汁加熱，加入檸檬皮茸、少許檸檬汁及蜜糖調味，加入青蘋果絲拌勻。
燒熱烤板，將漢堡麵包放在烤板上烤香，保暖備用。
再燒熱油，灑少許鹽及黑椒於漢堡牛肉上，以大火各面烤3分鐘至外面金黃。
漢堡包上放上菠菜葉和洋蔥圈，再放上烤好的漢堡牛肉，再放上芝士片，青蘋果絲及醬汁，蓋上漢堡包，即可享用。
小貼士︰
英國牛骨髓牛肉漢堡扒係用咗可追溯來源優質牛肉嚟製造，每件漢堡係來自邊個農場嘅邊頭牛都可以追溯得到，大可食得安心，而且肉質嫩滑多汁，啖啖彈牙，肉味亦夠濃郁，加埋特別調配嘅青蘋果，帶少少甜度嘅佢配搭肉類或炸物，都一樣Very Nice！***
清新無麩：芥末乳酪吞拿魚無麩質長通粉沙律
材料：
無麩質長通粉 150克
紅酒醋黑醋蜜糖浸紅菜頭 1盒
青瓜 數片
礦泉水浸吞拿魚肉 1罐
香芹 少許
醬汁材料：
希臘式無添加糖乳酪 5湯匙
英式原粒芥末醬 1湯匙
無蠟檸檬（榨汁及檸檬皮茸） 少許
蜜糖 少許
海鹽及黑椒碎 少許
做法：
水煮沸，下少許鹽及油，放入無麩質長通粉，以中火煮10分鐘取出，沖冷水後瀝水備用。
青瓜切片；香芹切碎；小紅菜頭切片。
吞拿魚肉隔去水份，加入醬汁材料、檸檬汁、檸檬皮茸、香芹碎拌勻，以鹽、蜜糖及黑椒碎調味。
將吞拿魚醬與長通粉拌勻，拌入青瓜片及小紅菜頭，即可。
小貼士︰
口感特別嘅無麩質長通粉，特別適合對麵粉敏感嘅人士食用，而用咗幼滑嘅希臘乳酪代替傳統蛋黃醬，健康得嚟味道又夠晒清新！
香濃惹味：大蝦蕃茄芝士醬無麩質意粉
材料：
無麩質意大利粉 250克
蕃茄芝士醬 1樽
宏都拉斯剝殼大蝦 8隻
蘑菇 5粒
紅洋葱 1/4個
櫻桃蕃茄 4-5粒
香蔥 少許
蒜頭 4粒
海鹽及黑椒碎 少許
做法：
蘑菇切片；紅洋葱切碎；蒜頭切碎；櫻桃蕃茄切半備用。
沸水中加入鹽及油，放入意粉煮8分鐘至8成熟。備用。
燒熱油，爆香蘑菇、紅洋葱及蒜頭，加入大蝦，以少許鹽及黑椒碎炒香，取出大蝦備用。
加入意粉同炒，加入蕃茄芝士醬煮沸，放入意大利粉炒勻至醬汁收乾。
最後下大蝦及櫻桃蕃茄兜勻，以鹽及黑椒調味，灑少許香蔥碎，上碟即可。
小貼士︰
採用無麩質嘅意大利粉，夠健康又啱晒對麵粉敏感嘅人士食用；不過最Like係個蕃茄芝士醬，特別在佢嘅質感非常濃厚creamy，而且帶有煙薰味道，同意粉簡直係perfect match！
資料由客戶提供
