想買巨型斑馬瀨尿蝦返屋企加餸?處理之前一定要小心!近日 Threads 掀起膠樽裝瀨尿蝦熱話,不少人警告「唔封住佢真係手指都斷」,更翻出網民的驚險實例,因1事手掌留下極深傷疤,最後要入醫院縫針!
膠樽「囚禁」瀨尿蝦?瞓膠樽裏保暖嗎?
近日有網民於社交平台 Threads 發文,貼出瀨尿蝦被裝入膠樽的照片,詢問「天氣凍了,所以要瞓膠樽裏保暖嗎?有冇其他原因」。帖文隨即吸引大批網民留言討論,有人笑言「得我想知道點入去」,亦有網民感嘆「已經去到瀨尿蝦用膠樽獨立養都要解釋嘅年代」。
瀨尿蝦竟是「海洋最強攻擊手」
針對網民的疑問,不少熟悉海鮮的網民紛紛留言解答,指出「因為斑馬瀨尿蝦生性凶殘,如果唔獨立裝起,佢哋會打交導致斷肢或者死亡」,更有人形容「唔封住玻璃都打爆」、「怕咗佢啲重拳」,甚至警告「呢隻嘢啲攻擊力好勁,唔封住佢真係手指都斷」。
根據資料,瀨尿蝦學名為「蝦蛄」,又稱「螳螂蝦」。因其前臂攻擊構造與螳螂相似,且出拳擊力極強,被譽為「海洋中最強攻擊手」。牠的雙鉗呈螳螂臂的鐮刀狀,出擊速度極快,足以用「螳螂刀」輕易擊碎堅硬的肉蟹殼以覓食。因此,斑馬瀨尿蝦經常會被獨立「包裝」在膠樽內,避免整批存放時互相殘殺,導致「支離破碎」而影響存活率。
苦主因1事遭瀨尿蝦攻擊
斑馬瀨尿蝦的殺傷力絕非浪得虛名,過去亦曾發生市民處理瀨尿蝦時受傷的嚴重意外。於2022年,有網民購買了一隻長約前臂的巨型斑馬瀨尿蝦,僅因「捉住影張相」,結果手部遭瀨尿蝦猛力一彈,導致左手掌留下一條打斜劏過的深長傷口,最終需到醫院縫針。該名事主當時在網上分享佈滿縫線的傷口照片,提醒大眾「引以為鑑,瀨尿蝦的殺傷力不容忽視,我只可以示範一次」。
資料及圖片來源:Threads@2pigpig2、Facebook@香港街市魚類海鮮研究社、小紅書
飲食熱話
-
大件夾抵食,越南瀨尿蝦 🦐
左邊果碟鹹蛋蒜蓉瀨尿蝦,總共八隻瀨尿蝦,價值$140有找🔥🔥🔥🔥超級抵食,超級好味😆 #UCreatorHK#BESTFOODwithUCreator#TRAVELwithUCreator#越南必食#越南#越南美食#chill賞遊世界#chill歎旅遊#打卡美食#好去處#相機食先#foodie#旅行打卡
閱讀更多
-
流心瀨尿蝦
蠔埕新推出 「流心斑馬瀨尿蝦三蝦全宴」🤤 推薦畀鍾意食海鮮、炭燒/飲2杯嘅朋友 💯: 🥑 芥末汁甜蝦牛油果沙律: 作為前菜好開胃,有甜蝦嘅鮮甜同牛油果嘅滑 ❄️ 煙燻熟醉凍蝦海鮮盤: 煙燻熟醉做法令蝦肉有酒香,螺同蠔大大隻啖啖肉,冰冰涼涼,夏天食一流。 🦐 炭燒流心熟醉斑馬瀨尿蝦: 呢個係全晚嘅高潮!🔥瀨尿蝦好大隻,炭燒帶出咗好香嘅焦香味,最精華嘅係入面嘅流心熟醉效果,真係末食過流心嘅瀨尿蝦膏🥹蝦膏甘香濃郁,帶點淡淡嘅酒香,蝦肉厚實彈牙,極之驚艷! (視乎貨源或會改做10吋特大虎蝦,大大啖肉好爽) 🌮 魚子醬廚師發辦時令刺身TACO SUSHI: 賣相超精緻!香脆嘅紫菜包住時令刺身,上面仲豪氣地鋪咗魚子醬同埋海膽/左口魚一啖落去,鮮味喺口腔炸開,入面仲有拖羅蓉同天婦羅脆脆,層次感十足!🤩 🥩 鹿兒島A5和牛 🥩 鹿兒島A5和牛SHABU SHABU 配 雜菜拼盤: 睇到塊和牛嘅油花(好似相入面咁極致均勻),勁大塊!幾秒就嚟食得,入口即溶。 🍢 炭燒串燒4款: 炭火香氣十足,火候拿捏得啱啱好,有肉汁。 🍄 炭燒芝士日本櫻花蝦乾大啡菇: 大啡菇好厚身多汁,配埋芝士,上面再灑滿香脆嘅櫻花蝦乾,口感一剛一柔,出奇地夾 🍙 炭燒自家製櫻花蝦乾醬油飯糰: 飯糰外層燒到好似飯焦咁脆口,加埋櫻花蝦乾,作為飽肚嘅尾聲非常完美。 💡 如果鍾意飲兩杯,除咗本身都有好多嘢飲之外,仲可以加 $99 升級任飲「三粒米清酒」 🍶,清酒好清爽,配海鮮同埋炭燒食物=正👍🏻 🦪 震撼驚喜:$1/隻生蠔加購優惠 鍾意食蠔嘅唔可以錯過$1/隻生蠔!✨ 🌊 💰120分鐘折實價 $868(原價 $1088) 覺得太豐富食唔晒,可以揀輕食套餐,$638位炸😍
閱讀更多
-
富來美食
自衛詩雅介紹完後,原本主要做街坊生意、位於白鴿巢嘅「富來美食」,伙記話多咗好多香港人幫襯。 長過手臂嘅斑馬瀨尿蝦,MOP$298一隻,椒鹽瀨尿蝦薄殼香口,店員要幫手剪開哂啲殼,方便食客享用。 乳鴿厚肉嫰滑多汁。咖喱角由年輕太子仔創作,咖喱餡自家製、自家包,皮超級薄超級脆,同出面食到嘅真係不一樣。 海鮮時價,小菜約MOP$55,炒粉麵MOP$45。 仲有碟椒鹽鮮魷唔記得影,呢餐人均HK$275 食完餐廳可以代call的士。但最正係太子仔會揸自己架靚車免費送客人(我哋住路氹都車),真係sweet到爆。 #澳門必食 #澳門打卡 #UCreator #倒數聖誕 #社群請睇戲 #蚊蟲消失術 #滅菌神器 #玩具開箱時間
閱讀更多