香港喜來登酒店聖誕除夕優惠 低至8折！飽覽180度維港美景／無限暢食生蠔海鮮塔

A美食焚化爐

節日限定

Le Menu - 六國酒店自助餐

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)

Travellersfoodies

香港攻略

咖啡廳 - 喜來登酒店自助餐

試吓尖沙咀喜來登自助餐！😋

咖啡廳 (尖沙咀) 📍尖沙咀彌敦道20號香港喜來登酒店2樓 一直想試呢間酒店嘅自助餐 早排同屋企人去咗食佢哋嘅lunch buffet 覺得佢哋都規劃得唔錯 過程中唔會覺得好逼人或者爭嘢食 佢哋嘅食物我唔會話係好fancy 或者好貴價 食少少就回到本 但係我就覺得啱我口味 好多款食物我都會有興趣想試 而且食落佢個味道係真係唔錯 我比較有印象嘅係個蛋撻 我覺得幾好食 燒味都唔錯 反而佢推介嘅黑松露意粉 我就覺得麻麻哋 其實佢成個甜品部都好多選擇 同埋啲質素都真係唔錯 唯一奇怪咗啲嘅係佢個雪糕櫃 長期都得返好少量嘅Häagen-Dazs杯裝雪糕 然後逐啲等人拎幾杯 又逐啲補返幾杯咁 唔明點解佢唔長期放喺櫃等人哋自己揀 呢間酒店通常都會有優惠 官網訂好似有七五折添 大家有興趣都可以留意吓🌟 #一袋走天涯{{hket:campaign display="社群三月快閃送"}}{{/hket:campaign}}#打卡美食#自助餐#香港美食#香港自助餐#喜來登#美食推介

Hello Amy

香港攻略

The Place - 康得思酒店自助餐

旺角康得思酒店自助晚餐，海鮮有即開生蠔、龍蝦、蟹腳；熱食有即煎鵝肝、牛扒；甜品有拿破崙及雪糕。飲品任飲，環境佳，常有六五折優惠，性價比高，適合親子。 #雙聚嚐月