【周末好去處】每逢 Weekend 都唔知去邊度搵食？港島東嘅朋友有福啦！北角匯由即日起至下年 1 月，舉行超大型秋日美食市集！一共分為 4 大主題輪流上陣，首波「Grab &糕」集結超過 30 間本地人氣美食品牌，有前五星級酒店餅師主理嘅精緻法式甜品，仲有手工麻糬同懷舊零食！而家只要消費滿額，仲可以換領總值高達 $410 嘅「美食通行證」，包埋市集美食券同商場贈券！即睇 U Food 編輯為你準備嘅市集時間表同換領攻略，今個星期六日約埋朋友去海濱長廊打卡兼掃街啦！
周末好去處 | 首波「Grab &糕」市集 雲集五星級甜點
首波登場的美食市集主打中西特色糕點，絕對是甜品控的天堂：
活動日期：即日起至 10 月 19 日（逢周末及公眾假期），下午 1 時至晚上 8 時。
強大陣容：匯聚超過 30 個本地人氣美食品牌。必試包括由前五星級酒店甜品師傅創辦的「1225 Cakeshop」；主打高水準法式餅藝的「Sauceberry.co」；以及堅持手工製作的「齋佬- 甜品工房」等。
豐富選擇：重點呈獻麻糬、糯米糍、斑蘭糕及法式甜品等，總有一款啱你口味。
周末好去處 | 4 大主題市集時間表
除了首波的糕點市集，接下來的 3 個主題同樣極具吸引力：
「果」然好味（10月24日至11月15日逢周末）：主打開心果、牛油果及芒果等水果配搭的烘焙美食。
「黑白配」（11月21日至12月13日逢周末）：主打黑芝麻醬、特濃豆乳等滋味甜品。
好「芝」味（12月19日至2027年1月3日逢周末及假日）：聖誕跨年熱食，呈獻各國人氣芝士美食。
周末好去處 | 激抵著數：換 $410 美食通行證及工作坊體驗
行市集當然要賺盡著數！The Point 會員消費滿指定金額，即可換領豐富禮遇：
美食通行證：即日以電子貨幣消費滿 HK$1,500（最多 3 張單據），即可換領總值 HK$410 的通行證一套（包括 12 張 HK$20 週末美食市集美食券、HK$20 餐飲贈券及 3 張 HK$50 零售贈券）。
餓底有禮：消費滿 HK$200 起，即可換領美食造型掛飾及餐飲贈券；消費滿 HK$400 起更可換領面部彩繪或「美食拼豆樂」工作坊參加證。
飲食熱話
-
節日限定
將軍澳PopCorn
假日活動之PopCorn x Time Out 美食市集
市集愛好者唔好錯過,因為PopCorn x Time Out 首個美食市集Tasting Grounds 來到將軍澳啦! 呢個匯聚 12 個城中人氣美食及潮飲品牌的市集,現場仲有試食､獨家折扣優惠及雞尾酒示範等,等你唔駛周圍去都可以試到本地的品牌!非常適合喜歡不同lifestyle的朋友!無論你喜歡飲酒小酌一杯的,平日chill住沖杯啡的｡還是無甜不歡的,一定唔會失望｡當中本地人氣品牌有Jackson's Scone､雙魚小姐､Coffeelin等等,全部都係我bookmark了的小店,好開心一次過可以試哂佢地的產品｡當日到訪仲有主打手工酒的818 Tequila的調製雞尾酒示範,教你點樣屋企都可以炮製到儀式感滿分,但又簡單易整的cocktail,完全門外漢到都handle到,又不會失大埸面!4 月 27 日下午4點都有一場,仲等快啲黎參加啦~ 美食市集Tasting Grounds 日期 : 2025 年 4 月25 至 27 及 5 月 1 至 5 日 時間: 中午 12 時至晚上 8 時 地點: 將軍澳PopCorn 1 期 1 樓中庭 另外5月2至5日(下午時段)仲有DJ現場打碟😍 如果有心水野買既,唔好忘記可以用500 MTR分獲取美食通行證*(換完即止),咁可享受一系列折扣優惠,就更加抵玩了!喜歡行市集因為仲可以同品牌交流下理念,以及試下推介的產品!當日仲認識左本地的氣泡茶品牌Mindful Sparks,品牌為不少本地米芝蓮餐廳供應高品質無酒精手工精釀氣泡茶,仲買左茉莉龍珠氣泡茶可以番屋企招呼朋友｡ *商戶優惠如有更改或售罄,恕不另行通知｡ 過左復活節假期都唔駛怕,市集仲有4月尾和5月頭的時間,唔好錯過啦! #PopCornTKO #PopCorn #MTRMalls #港鐵商場 #MTRMobile #TastingGrounds #Timeout *
閱讀更多
-
親子
沙頭角公眾碼頭
沙頭角海邊周末市集 🏞
@designdistricthk_ddhk @discoverhongkong #寶寶日常#寶寶成長紀錄#育兒日記#香港媽媽#親子#伴你成長#吃貨寶寶#GrowWithYou#MomAndDaughter#親子好去處#放電#Explore#ddhk#ShaTauKok#ImpromptuTrip#親子活動#親子blogger
閱讀更多
-
香港攻略
元朗區
香港/元朗日夜繽紛美食文化節！激推街頭小食🎉🍡
｢元朗日夜繽紛賀國慶—『元』味故事:元朗美食文化節｣又嚟喇!今年國慶想食好玩好,同家人/朋友Happy一下,真係唔可以錯過😍~ 現場超熱鬧,設有超過100個美食同埋農墟攤位,地道小食款款誘惑你嘅味蕾: - 元朗必食名物:錦田粉仔同朗屏魚肉翅 - 爆款人氣小食:炸蠔､蚵仔酥､斑蘭千層糕､芒果榴槤班戟､黑糖芋圓仙草凍 - 仲有烤大羊肉串､雞翅包飯等,全部sooo吸引🤤 除咗勁正美食,文化節都準備咗一大堆玩樂同表演,一家大細齊齊來都有得打卡!期間限定節目,日日新鮮唔同款😆國慶日當日限時現身嘅可愛馬仔,記得同佢影番張相~仲有爆旋陀螺遊樂區､面譜化妝工作坊,入夜仲有懷舊金曲之夜同靚爆中秋燈飾影相chill一chill✨ 🎉活動詳情: - 日期:2026年10月1日至10月4日(星期四至星期日) - 時間:上午11:00至晚上10:00 - 地點:元朗朗藝徑(Yuen Long Long Arts Path) - 入場費:免費入場 無論你係美食控,定係帶小朋友放電,又或者想同朋友影靚相都一樣可以玩足成日~快啲mark低日子,約埋一齊去感受元朗地道美食同燈飾氣氛啦!📸🧋 #元朗美食文化節#香港好去處#元朗日夜繽紛{{hket:campaign display="tea1tea"}}{{/hket:campaign}}#ucreator#ucreatorhk#ublog
閱讀更多
