【尖沙咀美食|國金軒menu|米芝蓮中菜 】想找一間質素有保證、環境優雅兼有新意的高級粵菜館慶祝重要日子?連續 13 年獲米芝蓮推介的尖沙咀美麗華「國金軒」,絕對是不二之選!餐廳最近隆重迎來新任行政總廚劉思佑師傅,他兼具傳統粵菜底蘊與當代創新技藝,為「國金軒」引入多款匠心研發的代表作。U Food 編輯立刻為你介紹全新菜單,由極致刀功到打卡甜品都充滿驚喜!
國金軒神級刀功與矜貴海味交匯
新菜單完美展現了劉師傅的深厚功架,幾款主打菜式均是視覺與味覺的雙重享受:
荷塘錦鯉文絲蟹肉羹:展示極致刀功的代表作!以鮮甜雞湯為基底,結合豆腐、羊肚菌、帶子、竹笙及菠菜汁,勾勒出如詩如畫的荷塘意境,鮮味濃郁。
白玉蒲芋龍蝦:將鮮甜的緬因龍蝦與芋頭、蛋白及煙肉煨製,芋香與海鮮的鮮甜完美融合。
鴛鴦吉品鮑魚伴鵝掌:極具創意的矜貴之選!嚴選南非 20 頭吉品鮑魚,配搭巧妙雕刻成鮑魚造型的柚皮以及炆至軟腍的鵝掌,盡顯巧思。
國金軒經典粵菜精緻昇華
除了海鮮,傳統肉類及精緻小菜亦經過悉心昇華:
華筵五寶(精緻前菜):一碟嚐盡五種風味,包括蜜灸貴妃肉叉燒、燒椒海參皮蛋凍、配上鹹蛋黃醬的黃金墨魚餅、雲南冰川茄子,以及極具懷舊風味的金錢雞脆盞。
秘制生焗胡椒雞:以原粒胡椒焗製,香氣撲鼻,惹味非常。
玉匣藏珍:手工極繁複的素菜,以冬瓜包裹筍、馬蹄及蓮藕,配以甘筍汁及煙肉碎芥蘭汁,層次清新豐富。
花膠松露燴岩米:以珍貴的尼泊爾岩米配搭花膠及黑松露燴製,口感煙韌且充滿奢華香氣。
國金軒大玩視覺騙局!超逼真打卡甜品
全新菜單最令人會心微笑的,必定是壓軸出場的甜品環節,劉師傅大玩「視覺錯覺」(Trompe-l'œil),將西式甜點偽裝成香港街頭小食及高級食材:
「魚蛋腸粉」:賣相是掃街必食的魚蛋腸粉,實際上是椰子卷配煉奶及士多啤梨醬(偽裝成甜醬/辣醬),伴以糖炸蘋果圈(偽裝成魚蛋),玩味十足!
「手切 A5 和牛」:以為在食頂級和牛?其實是乳酪雪糕配士多啤梨蓉,再加上黑糖及牛油果醬,逼真的油花令人歎為觀止!
茉莉繽紛露:冰涼香甜的茉莉花茶,加入馬蹄爆珠、芒果丸、青瓜薄荷丸及西瓜丸,清新解膩,為盛宴完美作結。
國金軒menu|全新八道菜菜單
國金軒The Mira
地址:香港尖沙咀彌敦道118-130號美麗華廣場The Mira Hong Kong 3樓
訂座電話: 2315 5222
人氣餐廳排名
-
🇭🇰素菜都可以做到Fine Dining?
有冇諗過素菜都可以做到Fine Dining?🤔 今次帶大家嚟到被稱為素菜天花板嘅「圓」,由中環大館搬到尖沙咀1881公館。餐廳由Lubuds集團開設,係全港首間新派現代中式精緻素食概念餐廳,以「回歸自然本真」為核心理念,順應四季節律,喺中菜底蘊之上以當令蔬果入饌,呈獻不含五辛、層次細膩嘅現代中式素食體驗。🌿 「圓」由擁有超過40年入廚經驗、精通川粵京滬菜嘅邵德龍師傅,夥拍擅長「中菜西做」嘅羅澤基師傅聯手打造。👨🍳 餐廳喺2025及2026年連續入選《香港澳門米芝蓮指南》,環境簡潔雅致,即使係開放式廚房配置,用餐區都絲毫不受油煙干擾。一年四季都會轉餐牌,每次嚟都係全新體驗。✨ 〰️〰️〰️〰️〰️〰️〰️〰️〰️ 8道菜嚐味套餐 $898/位 🥂 迎賓飲品 合桃、茴香、新鮮枸杞 第一啖已經好有驚喜,合桃嘅堅果香同茴香嘅微辛好夾,新鮮枸杞帶少少天然甜味,成個組合好清新,為成餐飯揭開序幕。 🥤 五青汁 飲落比想像中順喉好多,冇平時五青汁嗰種草青澀味,反而有種清爽嘅回甘,好似幫個腸胃打咗個底咁。 🥟 餐前小食 崧子・萵筍・雞頭米 呢個好有特色,師傅將崧子、萵筍同雞頭米撈埋一齊做餡料,外層就用咗類似印度脆球嘅脆片包住,一咬落去外層脆卜卜,入面啲餡料爽脆又帶堅果香,一啖就已經食到師傅嘅心思。 欖菜・螺絲卷 建議食法:將螺絲卷從尾撕開,然後點欖菜醬汁。螺絲卷一蒸一炸,兩種口感,蒸嘅軟熟、炸嘅香脆,點埋個欖菜醬汁鹹香鮮美,真係好食到想encore。 🥗 前菜 ・香燻・三鮮 一上枱已經聞到好香嘅煙燻味,但食落又唔會蓋過食材本身嘅鮮味,三鮮各自有唔同質感,好有驚喜。 ・翡翠・豆腐 呢個係經典四川涼菜變奏,師傅將蠶豆、蜜糖豆同菠菜葉打成翠綠豆泥,整到好似麵條咁樣,食落好綿密好有層次 🍲 湯品 五指毛桃・椰菜花・雪燕 呢個係一個凍湯嚟!五指毛桃有種獨特嘅椰子香,雪燕滑溜溜,凍凍哋飲落好清潤,成個配搭好溫柔。旁邊仲有酸種麵包,麵包帶微微酸香,點埋個凍湯一齊食,好有驚喜。 🍽️ 主菜 ・益母草・白蘆筍・西芹頭 草本香配爽甜蘆筍好清新。綠色嗰啲其實唔係麵嚟㗎,係西芹整成絲,再捲到好似一嚿麵咁,賣相好靚。 ・鮮椒・乾燒・雲吞 雲吞做到好似裏面有肉咁,其實係素菜來的,咬落去個質感真係呃到人。BB版虎皮青椒裏面挖空然後塞返啲蓮藕,好有心思,辣度啱啱好。 🍵 柚子玄米氣泡茶 (一杯) 飲落好特別,用嚟解辣,配雲吞鮮椒嗰度菜一齊食啱晒。第一啖飲到玄米茶嘅味道,後徑又柚子味,涼浸浸有氣泡咁樣飲落去好特別。 🍚 主食 油燜・野菌・年糕 年糕煙煙韌韌,油燜嘅做法令野菌吸晒醬汁精華,鹹香得嚟又唔會太濃,作為主食好滿足。 🍨 甜品 黑芝麻 甜品有兩道菜,首先係凍食嘅黑芝麻加芝麻卷,再加芝麻雪糕,芝麻味濃郁到不得了,每一啖都係芝麻香。 🍐 陳皮・雪梨 之後再嚟熱嘅陳皮雪梨,陳皮嘅甘香同雪梨嘅清甜好夾,熱食版本暖笠笠,為成餐飯畫上完美句號。 〰️〰️〰️〰️〰️〰️〰️〰️〰️ 💰 總計: $1,796, 2位用餐(已包含10%服務費) 📍 圓 (尖沙咀) 尖沙咀廣東道2A號「1881」主樓富衛1881公館地舖 #圓#YuanHK#素食FineDining#米芝蓮推介#尖沙咀美食
閱讀更多
-
高CP值優質中菜·米芝蓮之星國金軒
近日發現The Mir 國金軒依家做緊期間限定晚市套餐$688 一位,喜歡飲酒另外可加錢配美酒,絕對超值。 朋友間都對法國乳羊腩讚不絕口,自己較喜歡百花釀乳豬及花膠雪蓮子燉白肺湯,乳豬有口感。花膠白肺湯屬於手工菜式,又帶養顏功效。養生棗皇糕係女士至愛。😉#中菜餐廳#香港美食#美食推介#九龍美食
閱讀更多
-
北京填鴨配魚子醬 ⁉️好食到停唔到🥹
平時好鐘意北京填鴨!見到個menu 加埋餐廳咁靚嘅海景忍唔住即刻要入去試! 主角一定喺招牌烤北京填鴨!餐廳喺即場正宗掛爐烤製,所以每次嚟食佢都Keep 住水準,皮脆肉嫩! 今次配搭埋 3 大新配搭!魚子醬/老香黃/菠蘿 🍍呢個矜貴組合,簡直不得了!將鴨提升另一層次✨ 其他小菜都好正🥹 🐟松子菊花魚 又一道招牌必食,魚肉外脆內嫩,淋上特調酸甜汁,香脆開胃! 🧀芝士紅梅蝦球 超級考功夫嘅一道菜式!彈牙蝦肉入面仲有拉絲芝士 🥬羊肚菌炒四色菜蔬 珍貴羊肚菌配搭四色鮮蔬!爽口又彈牙! 🦐櫻花蝦海鮮炒飯 金黃香口而且米飯炒到粒粒分明仲有櫻花蝦香氣 💚班蘭椰絲糕 最近斑斕糕熱潮停不了!估唔到呢到都食到!無論斑斕香味定係Q 彈軟糯口感都岩岩好! 如果大家都好似我咁鍾意食新口味同北京填鴨!一定要嚟城中鴨子食呢個全新菜單! 🦆 城中鴨子 📍尖沙咀廣東道3-27號海港城港威商場3樓3319號舖 #尖沙咀美食#必食京淮美饌#親子好去處#親子美食@maximschinese
閱讀更多