旺角美食｜Smokehouse Bar & Grill推10月限定木炭煙燻料理必試雙層牛胸肉漢堡/打卡仙氣雞尾酒/煙燻拖肥香蕉

最Hit食訊

發佈: 1小時前

文: 冼婉君

各位「牛魔王」同「食肉獸」有福喇！踏入初秋，最啱就係食惹味嘅燒烤BBQ～位於旺角朗豪坊天幕下嘅高質燒烤餐廳Smokehouse Bar & Grill推出全新期間限定菜單，主打正宗木炭煙燻工藝！同步仲有CP值極高嘅 $298 三道菜晚市套餐，頭盤同主菜選擇多到眼花撩亂，一齊睇吓有咩必食推介啦！

10月期間限定：「The Pitmaster's Choice」木炭煙燻料理

Smokehouse Bar & Grill於10月份特別推出期間限定主題「The Pitmaster's Choice」，以正宗木炭煙燻技藝打造深邃風味層次，將煙燻料理的極致魅力展現無遺！

↓點擊圖片放大↓

雙層煙燻牛胸肉漢堡配炸薯條（$188）： 追求極致肉香必點！牛胸肉經過雙重慢燻，滲入濃郁炭火香氣，鹹香惹味。配上層層車打芝士、新鮮蔬菜，口感豐富。再伴以熱騰騰的香料薯條，邪惡度滿分！
德州風味慢燻豬𦟌肉（$248）： 原隻豬蹄加入秘製乾式醃料，置於山毛櫸木煙燻爐中低溫慢燻足足 8小時！肉質鮮嫩多汁，煙燻香氣深邃。配搭酸甜的紅酒醋漬洋蔥及綿密蕃薯蓉，層次分明超惹味！

↓點擊圖片放大↓

食燒烤肉類怎能沒有靚酒配搭？專業調酒師團隊特別設計了兩款充滿視覺感官的煙燻雞尾酒——「德州糖果棒」（$128）及「牛仔騎手」（$118）。兩款夢幻雞尾酒均以燃燒中的肉桂棒作點綴，上枱時煙霧氤氳，營造出如同圍坐營火邊的溫暖氣氛，打卡一流！

不喝酒的朋友，亦可選擇「草莓大街」、「南方蜜桃芒果氣泡茶」或「夏日微風」等3款無酒精氣泡特飲（各$88），果香馥郁，酸甜解膩，為味蕾帶來一抹清新！

↓點擊圖片放大↓

想與朋友開心 Share，全新推出的「The Smokehouse Edit」三道菜晚市菜單就最適合！每位只需親民價$298，已包齊頭盤、主菜及甜品。最誇張的是，菜單備有16款頭盤及超過20款主菜供食客選擇，絕對能滿足不同人的口味！

↓點擊圖片放大↓

打卡必食主菜： 極力推介加$138升級二人份「肉類盛宴」拼盤，一次過食勻煙燻牛胸肉、烤豬肋骨、手撕豬肉絲同德國烤腸等，超級滿足！自認牛魔王嘅朋友，亦可以加$288歎二人份「自家乾式熟成有骨肉眼扒」，肉味濃郁，油花脂香超正！另外更有慢煮煙燻牛肋骨、雪松木板烤三文魚等豐富選擇。
精緻頭盤：必試配搭紅酒燴和牛的「烤牛骨髓」（另加 $58）、奢華的「牛肉他他」配松露多士（另加 $58），或清新開胃的「煙燻吞拿魚炭烤凱撒沙律」（另加 $38）。
完美甜品作結： 冰火交融的「胡桃朱古力曲奇」以迷你平底鍋熱辣呈獻，配上海鹽焦糖意式雪糕，罪惡感滿分！另外還有延續煙火氣息的「煙燻拖肥香蕉」，以及層次豐富的「紅絲絨士多啤梨」，酸酸甜甜解膩十足。