對不少香港人來說，茶餐廳一定是Comfort food之一，能夠照顧大家的一日多餐。於2007 年成立的「百份百餐廳」堅持以道地港式風味為基礎，再注入無窮的創意，帶來多款傳統與創新的滋味美食，如得獎的咖哩牛坑腩、招牌至尊海南雞、犀飛利銀芽肉絲脆麵及街邊乾炒牛河等等，俘虜一眾港人歡心，難怪可以奪得「我最喜愛茶餐廳」獎項。立即睇以下為大家精選的招牌名物，以及全新分店的必食亮點。
經典傳承：4大必食港式風味
百份百餐廳的經典主食向來極具水準，以下4款招牌名物更是人氣榜首：
- 咖哩牛坑腩：
嚴選無骨優質的牛坑腩，配以多達 28 款香料慢煮成咖哩汁，加上連皮薯仔，味道香濃惹味，極具層次感。
- 招牌至尊海南雞：
選用新鮮雞肉製作，保證肉質軟嫩多汁。配搭香氣四溢的雞油飯及特製醬料，每一啖都充滿驚喜風味！
- 犀飛利銀芽肉絲脆麵：
脆麵的酥脆與豬肉絲的嫩滑完美結合，搭配清脆銀芽，並充分吸收肉香濃郁的醬汁，一口滿足多重口感！
- 街邊乾炒牛河：
河粉炒得乾身，牛肉軟腍有咬口，配上薑粒的辛香提味，完美重現經典的街頭港式風味。
啟德商場新店亮點：明爐燒味 ＆ 地道車仔麵
百份百餐廳於今年6月於啟德商場的全新分店正式開張，啟德分店特別增設「明爐燒味」及「車仔麵檔」，讓食客感受更全面的港式滋味，下次睇演唱會前可以先去百分百餐廳醫肚。
- 百份百燒鵝例牌：
嚴選肥美鵝肉燒至皮脆肉嫩，金黃色鵝皮溢出陣陣油香！
- 燒鵝五寶飯
想一次過滿足多個願望，必叫「燒鵝五寶飯」，由招牌燒鵝領軍，配上蜜汁叉燒、滑嫩貴妃雞、惹味紅腸同油潤鹹蛋，每啖飯都滲透燒味精華。
- 至尊車仔六寶麵：
一碗匯聚六款港式經典配料，包括惹味咖喱魚蛋、入味滷水豬大腸、吸盡湯汁精華的豬皮蘿蔔，加上軟腍入味的鳳爪及豬紅，豐富層次感絕對大滿足！
車仔麵必加人氣小食：
極力推介「泡椒雞翼尖」，以特製泡椒慢煮入味，酸辣開胃，佐麵一流。
另外必試「滷水豬大腸」，以秘製滷水慢煮至軟嫩入味，口感爽脆有彈性，醬汁濃郁鹹香。
Facebook: 百份百餐廳 Cafe100
Instagram: cafe100.hk
分店地址：https://bit.ly/cafe100-storelist
info by Cafe 100
人氣餐廳排名
-
香港攻略
三希樓 (利舞臺廣場)
銅鑼灣片皮鵝燒雞推介- 三希樓
片皮鵝 (两食) 🦆 嚟得呢度 招牌片皮鵝(兩食)絕對係主角!!店長會成隻鵝拎過嚟 喺你面前即場表演切片🔪第一食當然係就咁食 個皮好脆 但又唔會覺得油膩 勁正👍🏻 最驚喜係個二食 佢有2個食法 一係薑蔥炒 一係涼瓜炒 店長推介就我哋試涼瓜炒鵝肉 講真我自己平時對涼瓜有啲抗拒 驚佢太苦 但呢個做法完全顛覆咗我嘅諗法~涼瓜吸晒鵝肉嘅油香同精華 炒出嚟超級惹味 一啲都唔苦 連我呢啲唔食涼瓜嘅人都爭住夾 真係好食~店長果然冇介紹錯💯 三希樓吊燒雞(半隻)🐓 另一道驚喜之作 外皮薄脆 雞肉保持嫩滑多汁 火候控制得恰到好處 簡單但好考功夫 呢道菜望落好似簡單 但其實好考功夫 要做到皮脆肉嫩 冇返咁上下功力真係做唔到😋 明爐蜜汁叉燒🥓 可以request廚房做你想要嘅口感 例如半肥瘦 厚切 薄切又得~ 呢個細節好重要 半肥瘦令肉質更鬆化 厚切則保留咬口同肉汁 可以迎合唔同食客需要 乾煸四季豆 🥬 呢個雖然係一道家常小菜 但三希樓做得一啲都唔馬虎 四季豆炒得夠乾身 佢炒得香口得嚟一啲都唔油膩 入面仲保持住四季豆應有嘅爽脆同清甜 配上肉碎同蝦乾一齊炒 鹹香味十足 但又唔會搶走四季豆本身嘅味道👅 三希樓招牌炒飯🍚 飯粒炒得粒粒分明 乾身得嚟帶鑊氣 係嗰種明明飽都會想食多幾啖嘅炒飯😂 即撞豆腐花🍮 店長教路 落少少貴花糖水會更香滑 試完真係冇呃人 貴花糖水嘅清香帶起咗豆香 層次豐富過淨落黃糖🫣😆 棗茸千層糕🍰 平時我對糕點一般 但呢個做得幾好 棗茸味自然 甜度輕手 食完唔會覺得滯😛 整體嚟講 三希樓唔止係食環境或名氣 而係真係有heart去做每一道菜 店長同staff都好傾又細心又有禮貌 想食有水準嘅中菜 又想坐得舒服傾到計 呢度絕對值得一試😙👍🏻 三希樓 (利舞臺廣場) (銅鑼灣) 📍銅鑼灣波斯富街99號利舞臺廣場17樓B號舖 #三希樓#燒雞#片皮鵝#銅鑼灣美食#中菜推介#中菜餐廳#餐廳推介#打卡美食#相機食先#香港美食#香港美食#foodie#美食推介
閱讀更多
-
香港攻略
棋哥燒鵝餐室 (天后)
抵食又大份二人燒味套餐 主打靚燒鵝 🔥
食燒味都要有要求架 😗 叉燒要半肥瘦、雞鴨鵝都唔要咁多肥膏！ 唔要太燶黑，新鮮出爐嘅永遠肉質最正 🔥 介紹成日食開嘅「棋哥燒鵝」🦆🦢 附近街坊同上班族都不會陌生 朋友放工同佢叫咗個精選二人餐 $288 👍 男士可能兩個人夠飽， 如果女士嘅話可能要3個人先清得晒 😂 都抵食架！ 2大碟燒味+油菜+2款小食，跟白飯， 唔鍾意食飯嘅話揀米粉/瀨粉又得， 仲連埋老火靚湯添！ 我地叫咗招牌蜜汁叉燒＆招牌棋哥燒鵝！ 嚟呢度梗係要食燒鵝啦 😁 棋哥堅持用荔枝柴煙燻燒鵝，鎖住燒鵝肉汁， 皮脆香酥，一咬開即有豐富的鵝油溢出， 肉質卻依然保持多汁細嫩、毫不乾身。 燒味仲會伴埋花生添！被肉汁浸過後會變得特別惹味，好香口，真係開心 😊❤️ 📍棋哥燒鵝 (天后店) 地址：香港天后電氣道 79-81 號發昌樓地舖 營業時間：每日上午 11:00 至 晚上 9:30
閱讀更多
-
香港攻略
紅人冰室
红人冰室💥！怀旧风情港味🤤
紅人冰室 (深水埗)📍 深水埗醫局街198號嘉裕居地下1及2號舖 深水埗這頭真是美食雲集,沒想到這次誤打誤撞走進醫局街, 找到一家充滿港式情懷的地道冰室—紅人冰室｡舖面看起來平平無奇, 內裏就裝修得光猛乾淨,還有許多懷舊牌匾,打卡一流｡和朋友 坐下看到餐牌選擇勁多,鐵板餐､焗飯､雞煲什麼都有,決意大快朵頤｡ 焗芝士鮮茄豬扒飯:豬扒通常先煎至表面焦香,鎖住肉汁,口感外香內嫩｡以鹽､胡椒､少許醬油或香料醃製,帶鹹香底味,與茄醬融合｡番茄的酸味與糖的甜味交織,開胃不膩｡常加入洋蔥､蒜蓉､羅勒或牛至,令醬汁更立體｡芝士焗香,焗至表面金黃,入口黏稠拉絲,奶香濃郁｡表層微焦,帶脆香與鹹香,提升整體層次｡白飯吸收茄醬與肉汁,入口酸甜鹹香交融｡飯粒保持乾爽｡ 鐵板牛柳吉列魚柳黑椒汁配薯菜:西冷部位肉質結實,帶嚼勁但不失嫩｡高溫煎封,表面微焦,散發炙烤香氣｡切開時滲出肉汁,帶天然牛肉甜香｡黑胡椒帶來微辣與香氣,提升牛肉層次｡如西蘭花､胡蘿蔔,帶自然甜味與清新感｡中和牛扒與黑椒汁的濃烈,讓味覺更耐吃｡魚柳外脆內軟,大大塊｡ 鮑魚雞煲:雞肉煲至軟嫩,釋放出濃郁肉香,湯底厚重｡雞皮與骨頭熬煮,帶來油香與膠質感｡鮑魚肉質緊緻,帶天然海味與微微鹹甜｡鮑魚的獨特鮮香提升整體檔次,帶奢華氛圍｡雞骨與鮑魚熬煮,鹹香中帶鮮甜,入口厚重卻不膩｡ 紅豆冰:紅豆香甜,煮至軟腍的紅豆帶有天然豆香與微甜,入口綿密｡煮至半沙狀,增加厚重感｡淡奶或煉奶,帶來柔和奶香｡奶香與紅豆甜味融合,甜而不膩｡ 總結: 深水埗高質冰室推介 #深水埗#紅人冰室#鐵板餐#紅豆冰#焗芝士鮮茄飯
閱讀更多
