壽司郎一向人氣高，門市排長龍幾乎變成日常。不過近日有網民爆料，指有「黃牛黨」專門在壽司郎門口「炒排隊票」，有人手持多達 20 張號碼牌，再以每張約 $50 的價錢轉售。事件一出即刻引起大批市民不滿，質疑「連普通食餐飯都要畀人抽水」，亦有人擔心影響真正排隊顧客的權益。究竟現場情況如何、網民點睇？即刻睇下更多討論同反應。
狂攬票號炒賣 網民Threads發文揭暴行
有網民於社交平台 Threads 發文，指在壽司郎分店門口目睹驚人一幕，有人手持多達20多張輪候「飛仔」。發文者對此感到無奈又憤怒，直言「壽司郎賣飛炒飛聽過無數次，但係親眼見真係第一次，勁猖狂、勁誇，目測手上至少有20張飛，怪唔之得好多人成日都話食唔到啦」，貼文曝光後迅速引發大批網民關注與熱烈討論。
「寧願唔食」聲音四起 網民：唔幫襯就唔助長
面對黃牛亂象，不少網民紛紛獻計反制，呼籲大眾「比d骨氣，照撳飛仔，中間skip晒佢幾十張好快到你」，亦有人建議直接「通知職員佢手持多過1張飛」。部分網民更堅決表示「寧願唔食，都唔會助長呢啲排隊黨」，認為炒飛文化破壞公平秩序，呼籲顧客團結抵制。更有顧客透露，在晚市熱門時段，即使到了晚上8時，系統仍顯示需輪候超過300張號碼，等候時間長得誇張，排隊亂象未見改善，令不少忠實食客怨聲載道。
「炒飛」並非新鮮事 內幕曝光：有人靠炒飛賺快錢
有網民透露，熱門時段1張飛可賣$30至$50，直言「一家大細或者同女友去，為慳時間實有人買。」更有爆料者指，曾有「00後」兼職同事發現這條「賺錢捷徑」，上班時每隔一小時就偷偷去撳飛轉售，甚至炫耀「一張賺幾十蚊」，結果「貪小便宜返工未滿3日就被老細炒掉」。不過，亦有網民緩頰，指有人手持多飛可能只是「未確定家人到達時間」才分批拎飛，未必全是黃牛。
▼網民留言▼
資料及圖片來源：Threads@popcorn_is_yummy、Carousell、壽司郎
食壽司郎唔使等餐懵！港人自創排隊神器 一秒睇清全港分店輪候情況！輸入籌號即知預計等候時間
平日想吃壽司郎（Sushiro）最怕是大排長龍。近日，有網民發現一個名為「Sushi Long」的超實用隱藏工具，可以一次過睇清全港壽司郎分店的實時排隊情況。不但能掌握最新叫號情況，更可以輸入自己手上的籌號，系統便會自動計算預計輪候時間，以後不用在門口盲目白等，立即拉落下文了解。
內地客壽司郎等位餓到瀕死！餐廳店員一貼心動作救命！發文感謝兼澄清香港人唔冷漠！
大熱天時出街，各位真的要量力而行，打醒十二分精神！日前，一名在香港實習的內地網民在社交平台發出長文，透露自己因為一時大意，在酷熱天氣下空腹狂行街，結果在一間人氣餐廳外等位時突然體力不支，甚至驚現「眼前發黑」的瀕死感！幸好餐廳職員及時採取一個窩心的救急動作，成功幫她撿回一命。樓主事後感動發文，更引來大批網民留言分享自己在香港遇過的暖心經歷，齊齊力證：「香港人表面冷淡，其實充滿人情味！」
原文：uhk
