尖沙咀人氣舊式火鍋店免費送海鮮拼盤！1條件即可享用/沙嗲牛肉餃/2L巨型生啤

pipitravel

港式美食

OP十強食店‼️雞煲必食打卡店

香港特色餐廳有吾少，今次去呢間係上年年中新開，開店無幾耐已經登上openrice好評十強，襯天氣急降食雞煲同朋友聚餐暖暖胃！   龍鳳呈祥主打70-80年代港式懷舊復古主題，一入鋪頭就好似時光倒流咁，餐廳每個角落都放不同擺設從餐具到牆身都展現復刻感，大量打卡位同埋餐廳有多款創意口味雞煲火鍋，期間限定榴槤惹味辣雞煲🤭招牌無骨鳯翼釀雞煲、秘製鹹蛋黃醬雞煲、惹味雞煲翅（素翅）同日本廣島蠔雞煲   我揀咗招牌無骨鳯翼釀雞煲BB辣，廚師將雞骨挑走晒再將紅蘿蔔等等嘅蔬菜放係入面，口感好特別軟軟雞肉再配爽口蔬菜，雞煲仲放咗枝竹墊底超入味！配菜叫咗幾樣有   龍鳳呈祥牛肉拼盤，牛舌厚薄適中易咬口、龍鳳呈祥手打鮮蝦丸超彈牙、豬頸肉，擺盤好靚肉身好厚、龍鳳呈祥豐盛雜菜拼盤，一定要嗌！用放大版傳統鐵杯嚟裝雜菜，每款菜都好新鮮，另外仲點咗即制經典沙嗲牛肉餃，餃子皮好薄而沙嗲牛好濃味同餐廳食一樣     📍龍鳳呈祥 九龍尖沙咀加拿分道16號金輝大廈2樓全層   #龍鳳呈祥 #新派雞煲 #雞煲 #尖沙咀美食 #尖沙咀火鍋 #尖沙咀美食 #榴槤 #鹹蛋黃 #復古風 #懷舊風   #尖沙咀 #火鍋 #榴槤 #雞煲 #打卡 #尖沙咀火鍋 #尖沙咀美食 #復古風 #鹹蛋黃 #懷舊風 #龍鳳呈祥 #新派雞煲 (此文章由U Blog 同步發佈至社群)

DoubleJDiary

香港攻略

龍鳳呈祥雞煲火鍋

嘩！尖沙咀雞煲邪惡滋味！😍🤤

呢間位於尖沙咀嘅｢龍鳳呈祥火鍋雞煲｣真係邪惡到一個點!🤤 我哋兩個人叫咗個｢細｣招牌無骨鳳翼雞煲,加$50轉鹹蛋黃醬,一上枱已經聞到濃濃鹹蛋香,雞肉超滑無骨,啖啖肉,內裏釀墨魚滑,西芹同紅蘿蔔,仲掛滿鹹蛋黃沙沙口感,好誇張! 配料都唔輸蝕: 🦐 新鮮海蝦 鮮甜彈牙 🐙 海量芫荽墨魚丸 大大粒好滿足 🐷 西班牙黑毛豬 油花靚到識發光 🥬 龍鳳呈祥雞菜拼盤 超豐富 飲品推介自家製竹葉茶根(勺),清熱解膩,同濃味雞煲超夾!食到捧住個肚走,仲要有靚靚懷舊裝修打卡一流📸 📍地址:尖沙咀加拿芬道16號金輝大廈2樓 #香港火鍋#尖沙咀美食#鹹蛋黃雞煲#打邊爐控#龍鳳呈祥#香港吃貨

DaywithFOOD_Nicole

香港攻略

斗滾 Pot Of Soup (佐敦寶輝閣店)

炒一炒🥢滾一滾🥣飲一啖🥄🤤🤤

好有香港感覺嘅雞煲火鍋店🤤🌟🌟 斗滾😍✨✨ 呢間火鍋雞煲店都算係近年好似好出名嘅舖頭🤤 我諗呢間嘢嘅特色就係有齊晒可以食齊晒✅雞煲✅火鍋同埋✅養生湯底嘅店舖🤫❣️❣️ 如果平日去嘅話,價錢相對上平啲 成人:$268 (再加一) 由下午4:30開始已經可以食,初初大概6:00入座嗰陣都唔算好多人😅以為而家相對上都比較少人食呢啲😂但點知去到越夜就開始滿晒座 去到大概八點仲見到有啲人要等位入座😅🥹🥹 第一式:任食雞煲🐥🐣(5種辣度) 有5種辣度選擇,由走辣到大辣😂我哋就選咗最普通嘅BB辣,初初以為都會辣😅但完全冇料到 第二次再叫嘅時候小辣就啱啱好😂不過味道都足夠嘅,就唔似其他有啲舖頭都比較濃味,不過反而我覺得最重要嘅係雞嘅味道同口感🥹🥹 自己個人覺得都幾特別,竟然呢間店嘅雞可以做到炒極都都唔會好嚡口😻👍反而食到最後都係好嫩口🌟仲要每一嚿雞都係幾大嚿下🤭唔會得啲骨🌟搭配埋啲汁都幾惹味💗加上仲會配一啲豆卜✨秀珍菇✨洋蔥✨就更加入味❣️😂😂 好搞笑嘅係店員仲問我哋加唔加牛腩😅可以免費加🤫😂試咗第一次😂但牛腩麻麻哋😂反而呢個比較嚡口同埋韌😅而且雞煲嘅味配牛腩都有啲奇怪😌😌 見到好多人都嗌兩至三次雞煲先至去下一式😂😂🥰始終雞煲都喺呢間店嘅特色😍同埋容易回到本?!😂 自己都後悔冇嗌多幾次先🤤🤤 第二式:海鮮盛宴🍤🦪🦐🐟 食完雞煲之後就會有一盤大大盤嘅海鮮拼盤🤭不過呢個就係每台只限一盤😂每款海鮮都係以人頭計😂每人一樣🌟✅鮑魚✅蟶子✅扇貝✅海蝦✅龍躉片✅花甲 雖然海鮮種類都好多,而且都唔係好細隻🤭但海鮮味唔算好濃😂冇乜鮮甜嘅感覺🤫鮑魚口感都比較腍🐡大部份海鮮上面都會鋪咗勁多粉絲同蒜蓉😌略嫌有啲多😂但海蝦嘅味道反而好鮮甜😂龍躉片都幾彈牙🤭 中間都會有一堆讚岐烏冬喺上面🥰👍呢個位係幾特別嘅🤭不過又會有蒜蓉喺上面🥹而且烏冬口感偏腍身😅夾上嚟嘅時都係散散地😂🤫🤫冇其他comment講到咁好😂不過都入味嘅🌟 第三式:滋補火鍋🍵🍲 最後食完頭兩式先可以進入下一個程序🤤🤭 嗰啲湯底都係超級補同養生🤭🌟🌟 🚩清湯安格斯牛腩鍋 🚩涼瓜花膠雞鍋 🚩冬瓜瑤柱雞鍋 🚩椰皇燉雞鍋 另外都仲有幾款🤤🤤 揀咗椰皇燉雞鍋👍第一啖飲落去真係極級甜同清爽🌟😻好似真係椰皇開出嚟嘅椰子水👍飲落去唔似係溝稀過🥰🥰呢個真心有驚喜🤤飲完一碗好想再飲另外一碗🤩🌟而且燉嘅雞都唔會話超級鞋口,不過就好易整散😂個湯底真係超級好味😂❣️❣️推薦推薦🌟🌟 不過相對上冇咁好嘅就係飲完湯之後再加嘅湯底就係清水😂不過好彩打邊爐嘅時候呢度仲係有啲清甜嘅味道留返喺個湯嗰度👍淥嘢食嘅時候都仲有啲椰子水嘅甜味💗💗 落咗啲菜落去都索晒啲椰子甜味🤭🤭都真係幾唔錯😍 另外原本以為係可以任食手切牛頸瘠🐮但原來係要喺IG或者Facebook度comment🥹先可以任食牛😂不過而家相信想攞到任食呢個優惠都唔難嘅😂🤭 不過覺得呢間火鍋任食出名嘅應該未必係食牛😅 手切牛頸瘠每次嚟嘅質素都係唔同😂大部份都好多筋同肥膏🥺而且牛味都唔似好出💆🏼‍♀️不過相對上都係滑身😌但真係麻麻哋😌 另外都可以加錢食刺身🦞🦐🪼不過自己又覺得喺呢啲地方食刺身都考慮到安全問題🥹而且又唔使食太豪😂都冇加錢去試😌✨ 今次仲攞咗個生日優惠,有得送個牛肉砌成嘅蛋糕😂❣️呢款牛其實都係一般般😂係重牛味啲🐂但係唔夠滑身😅 反而值得一提嘅係出面自己攞嘅食物☺️🤭平時都好少攞出面嗰啲丸或者小食😂感覺上唔算太抵🤭但竟然款式都算多 我諗至少都有20至30款👍而且都有好多唔同類型嘅食物款式🤤🤤照舊都係有好多唔同嘅丸類填飽我哋😂不過都仲有豆腐,萵筍,粟米,水魷魚,鵝腸,芋絲,魚腩,脆肉鯇,鴨血,爆汁咖喱魚蛋,魚腐...🤭 自己個人幾喜歡脆肉鯇💗都encore咗幾次😂🌟成日都以為出面啲小食都係普普通通😮‍💨但呢個魚真係幾好食❣️❣️重點係佢絕對唔Hea😅係超重魚味👍而且真係做到爽脆嘅脆肉鯇🤩🤩仲要都幾大嚿🤤🤤真心值得食😍😍有好多貴價舖頭都未必有呢種質素✨ 另外就係自己都幾鍾意用西洋菜打邊爐🥰平時嗰啲西洋菜都會比較苦澀或者有一陣泥味✨但今次係做得超級甜🥰唔知係咪因為用咗椰子清湯令到佢更加甜🤩 如果講其他火鍋配料同菜嘅話就一般般😌都係中規中矩😅都係大家平時喺火鍋店可以食到嘅味道😅 除咗主食之外 都會有啲甜品🍨雪糕🍧同生果🍌🍎🍊俾大家可以享用🤤不過呢啲都係一般般😅😅 💡自己覺得呢間嘢都好食嘅😃不過就未至於好多comment講到咁高質🤣🤣都只係某幾款食物比較出眾🤓而且其實覺得環境唔算太乾淨😅食物都係擺晒出嚟🥹呢個位都比較扣分🤫啲Staff都好少過嚟應人 可能佢哋太忙?😅都要叫幾次先得🤫🤫 #香港美食 #雞煲火鍋#好多款式