西九龍粵菜春季新菜式登場 菠蘿黑毛豬叉燒/台山黃鱔砂鍋飯/懷舊碗仔翅

U Food

港式美食

灣仔滿福樓推全新「粵韻風潮」菜式！坐擁無敵海景歎中菜 必試梅子酒醉鴿/金沙台山蠔/涼拌蟶子皇             

想一邊歎精緻粵菜，一邊欣賞維港無敵海景？香港萬麗海景酒店的頂級粵菜廳「滿福樓」隆重推出全新的「粵韻風潮・匠藝新章」系列菜式！今次由曾於多間米芝蓮星級餐廳任職的行政總廚孫錦勝師傅親自執刀，以「粵菜魂．現代美」為理念，把傳統粵菜功底融合現代手法與破格食材，更加入滿滿的席前桌邊儀式感，絕對令人大飽眼福兼口福！ 今次新選單驚喜多多，師傅巧妙利用日本梅酒、清酒等新元素為經典菜式提鮮增韻。率先登場的涼拌組合「金砂冰鎮雙海珍」令人眼前一亮，紐西蘭大蟶子採用少見的冰鎮做法，搭配清酒與梅子特調的酸甜醬汁，爽口開胃；飽滿的台山蠔則裹滿金黃香濃的鹹蛋黃牛油金沙，配上翠盞菜片享用，層次豐富又完全不油膩。 愛喝湯的朋友絕對不能錯過「鮮拆魚茸花膠露」，靈感源自順德名菜拆魚羹，特別改用肉質緊緻的老虎斑，加上大火翻滾熬足45分鐘的鮮美鯽魚湯，再加入果皮絲、木耳絲及25頭花膠筒切絲，口感濃郁細緻。另一道視覺效果滿分的「琥珀凝香醉鳳凰」，則打破傳統選用日本蝶矢完熟梅酒浸泡乳鴿，上桌時服務員更會即席噴灑熊本梅酒，頓時果香四溢，打卡極度吸睛！ 此外，家常菜亦迎來奢華升級，「海參卧梅肉方餅配脆米」選用西班牙黑豚梅肉、鮮蝦與梅菜打成肉餅，外層裹上炸至金黃香脆的米粉碎，再大氣鋪上澳洲烏參及蝦子，口感層次超驚艷。喜歡互動感的顧客，推薦試試「龍湯紅鴻籽炊飯」，把金黃炸脆米與香糯飯糰結合，於席前淋上以鮮蝦及蟹慢煮熬成的海鮮湯，熱氣騰騰、鮮香爆棚。最後再以清酸果香的「番石榴露」及「琵琶雙色糕」作結，為這頓精緻粵菜劃上完美句號。 「粵韻風潮・匠藝新章」系列由即日起供應至2026年8月31日，嚐味菜單套餐原價每位港幣$1,398，目前於萬麗網上商店預訂更可享有優惠價每位港幣$978，想以優惠價品嚐星級大廚的手藝，記得要提前預訂啦！                                                            

michelle

香港攻略

推薦食北京填鴨嘅餐廳《古琴雅苑》。 烤鴨皮脆肉嫩🦆，配上清新嘅青瓜及京蔥，仲有餐廳自家製嘅黃梅醬，味道非常夾。另外仲附上一碟鴨皮，非常多汁，連平時唔食皮嘅我都忍唔住食咗幾塊。 另外仲叫咗酸菜魚🐟，魚肉新鮮彈牙，有意外驚喜，加上餐廳服務周到，值得推薦👍🏻👍🏻 #步步糕升

Fanss

香港攻略

逸東軒

米芝蓮一星逸東軒: 脆皮逸東烤鴨(二食):一食配傳統春餅､青瓜､青蔥及海鮮醬,烤鴨熱辣辣,鴨肉夠口感而幾乎冇肥膏,超勁脆皮,係最好食嘅片皮鴨!二食係鼓汁涼瓜炒鴨脯,唔食苦瓜嘅我都覺得啲鴨炒得好惹味｡ 馳名燒味雙輝-蜜汁叉燒､脆皮燒腩仔:正常好味,不過冇乜太大驚喜｡ 砂鍋鮑汁柚皮扣鵝掌花菇:柚皮整得好入味,軟淋淋好易入口又好特別｡ 蜂巢荔茸鴨:炸得熱辣辣,脆卜卜,唔食芋頭嘅我都覺得正｡ 鮑汁瑤柱荷葉飯:打開荷葉散發出飯香,而食飯時聞到陣陣荷葉香味,裡面餸菜非常豐富,一舊舊大大嘅煎雞,大滿足! #逸東軒#米芝蓮#脆皮烤鴨#鼓汁涼瓜炒鴨脯#蜂巢荔茸鴨#社群請睇戲#foodie#ucreator