鴻福堂免費送燒賣/$20歎楊枝甘露/龜苓膏

最Hit食訊

發佈: 3小時前

文: 唐敏淇

鴻福堂優惠｜各位注重健康和精打細算的朋友注意！平時買開湯水涼茶的「鴻福堂」迎來40週年大日子，突發宣佈由即日起推出長達5星期的「最『鴻』生日感謝祭」！全線分店每週會輪流推出 $40 超震撼優惠，當中最抵必搶原價$70的靈芝龜苓膏，激減至$40就食到！旗下 HFT Life 亦同步大搞買一送一，買指定飲品更免費送你一客8粒自家燒賣！即睇 U Food 小編為大家整理的每週掃貨攻略，Mark低日子去掃平貨啦！

鴻福堂5大優惠

香港人生活繁忙，想飲碗靚湯或者清熱涼茶，不少人都會幫襯鴻福堂。今年適逢集團成立 40 週年及 HFT Life 5 歲生日，官方突發宣佈由即日起至 5 月 3 日，一連 5 星期舉辦「最『鴻』生日感謝祭」大型回饋活動！除了全線分店會推出多重激抵優惠外，更有限量鑽石會籍尊享禮遇。即睇 U Food 記者為大家精選的必搶亮點，準備去瘋狂入貨啦！

每週輪替！「$40 激賞優惠」系列

為慶祝 40 週年，鴻福堂全線分店會分階段推出超值 $40 人氣產品優惠，最平差不多有半價，超級抵，即按下圖看每週優惠！

↓點擊圖片放大↓

鴻福堂5大優惠

4月1日至12日：$40 歎 2 支楊枝甘露優惠價 $40 購買 2 支楊枝甘露（原價總值 $60）。

4月13日至19日：$40 歎 2 支漢方涼茶優惠價 $40 購買 2 支指定漢方涼茶系列（原價總值 $52）。

4月20日至26日：$40 歎 1 盅靈芝龜苓膏超抵必搶！只需 $40 即可買到 1 盅靈芝龜苓膏（原價 $70），清熱排毒必備。

4月27日至5月3日：$40 歎川貝枇杷葉鱷魚肉湯優惠價 $40 購買 1 包川貝枇杷葉鱷魚肉湯或任選自家湯隨行裝（原價 $60）。

活動期間，只要在全店單一消費滿 $400 或以上，仲可以直接再減 $40 ！)

HFT Life 驚喜買一送一＆送免費燒賣！

除了鴻福堂門市，主打 café 概念的 HFT Life 亦同步慶生，推出獨家烘焙咖啡及皇牌小食優惠（只限 HFT Life 分店）：

↓點擊圖片放大↓

4月1日至12日（送燒賣）：購買燕麥朱古力咖啡或燕麥朱古力 1 杯，即送自家燒賣 1 份 (8 粒) 。

4月13日至19日（買一送一）：購買熱即磨咖啡 (12oz) 或熱美式咖啡 (12oz) 享買 1 送 1 優惠。

4月20日至26日（送燒賣）：購買熱火麻仁拿鐵咖啡 (12oz) 1 杯，即送自家燒賣 1 份 (8 粒) 。

4月27日至5月3日（買一送一）：購買指定港式沙冰系列（如楊枝甘露沙冰、港式奶茶沙冰等）享買 1 送 1 優惠。

鴻福堂限量 2,000 個「鑽石會籍」

如果你是鴻福堂的超級擁躉，這次特別推出的限量 2,000 個「自家 CLUB 鑽石會籍」就絕不能錯過！年費只需 $1,688 ，即送高達 $1,800 的尊貴禮賞（包括全套限量燒賣仔系列精品及多款優惠 e 券），再送總值 $488 的現貨大禮包（含藥製龜苓膏、自家湯等）。日後增值及購物更可享儲值回贈、88 折優惠及額外積分等全年禮遇！先到先得，售完即止！