全港8間平價餐廳推介 日式火鍋/牛丼/米線/西餐$32起！

U Lifestyle

港式美食

【糧尾必睇】全港8間平價餐廳推介 日式火鍋/牛丼/米線/西餐$32起！

捱咗差唔多一個月，身邊總會有一個接近「糧尾」成日話冇錢食飯嘅朋友仔！小編都唔例外，每食一餐飯都折損緊荷包壽命！所以今次小編整理咗港九新界8間平民價餐廳清單分享俾大家，各位月光族記得save低睇下邊間喺附近啦！ ----------------- 【Foodie必睇👅】港人必收藏搵食指南！ 每糧尾仲煩緊食咩好，又想平住食好啲！《社群》收錄超過100,000+篇由各U Creator分享嘅貼地食評及多個美食主題，涵蓋本地至全球打卡美食🍢、高級餐廳🍽️、隱世小店、日本餐廳等等，告別選擇困難，吃貨千祈唔好錯過！ {{hket:url-hyperlink display="美食指南傳送門"}}https://ulapp.hk/6g8py{{/hket:url-hyperlink}} ----------------- 九龍區｜尖沙咀平價餐廳推介｜1️⃣ 兩草 喺尖沙咀居然可以用HK$40內就墳飽個肚！「兩草」主打港式懷舊美食及馬來西亞料理，昔日係大坑一間人氣馬拉小店，結業後轉戰尖沙咀，人氣依然不減！餐廳故名思義就係「兩草」嘅價錢可以食到溫飽一餐，大部分食物都係HK$20起，連大大份滑蛋叉燒飯都係只需HK$40，而且北角、旺角都有分店，月光族衝呀！ 地址：香港尖沙咀棉登徑7號地舖 {{hket:url-hyperlink display="> “yukie_kiekie” 帶您用最平價錢喺尖沙咀食到一餐< "}}https://ulapp.hk/zfxc9{{/hket:url-hyperlink}} ----------------- 九龍區｜深水埗平價餐廳推介｜2️⃣ Bistro 1868 以為喺香港搵間高質嘅西餐廳起碼都要HK$100起，您就錯啦！深水埗呢間「Bistro 1868」絕對係平價西餐廳代表，性價比都十分高！由前任五星級酒店大廚主理，採用歐陸式裝潢，夠晒有格調，適合情侶撐枱腳！食物價格都十分親民，只需HK$138就食到香燒紐西蘭西冷牛扒伴紅酒汁，重點係全日免加一服務費，糧尾又想對自己好啲必食！ 地址：深水埗汝州街200號地舖 {{hket:url-hyperlink display="> “Cuttlefishfamily” 分享深水埗高性價比西餐廳<"}}https://ulapp.hk/70n2s{{/hket:url-hyperlink}} ----------------- 九龍區｜油麻地平價餐廳推介｜3️⃣ 千鳥 Shabu Shabu 估唔到HK$68起就可以喺油麻地食到日式火鍋！講緊就係呢間長期排長龍嘅「千鳥 Shabu Shabu」，主打日式一人火鍋，最平HK$68就食到美國安格斯牛五花火鍋套餐，可以另加錢轉炊飯，價錢親民但食物質素依然高質。用餐時間無限時，而且開到凌晨2點，深宵聚餐首選！ 地址：油麻地彌敦道552號  {{hket:url-hyperlink display="> “Joanne的療癒星球” 介紹油麻地超實惠一人日式火鍋<"}}https://ulapp.hk/2xeof{{/hket:url-hyperlink}} ----------------- 新界區｜荃灣平價餐廳推介｜4️⃣ 臻味豬扒米線  相信觀塘打工仔對「臻味豬扒米線」唔陌生，呢間「九龍區最強豬扒米線」餐廳開到嚟荃灣啦，至今已經有4間分店！最平HK$40就食到一碗大大舊豬扒米線，酸辣湯底可以揀辣度，小編唔太食得辣，食BB辣都食到湯底嘅酸爽。米線控一定要幫襯下！ 地址：荃灣大壩街43號安康大廈地下7號舖 {{hket:url-hyperlink display="> “cincin_piggy” 拍片分享荃灣臻味米線必食之選<"}}https://ulapp.hk/dz2ut{{/hket:url-hyperlink}} ----------------- 新界區｜荃灣平價餐廳推介｜5️⃣ 岩盤牛扒 (荃灣西) 岩盤牛扒主打日式牛扒，以熱石烹調牛扒為主。現場仲有牛肉櫃，店員會即叫即切再即場烹製，輕鬆食到高CP值牛扒。除咗牛扒之外，餐廳都有售賣牛丼或牛肉烏冬，12至7pm時段特價餐最平只需HK$32就食到，係區內平民親廳首選！ 地址：荃灣西樓角路1-17號新領域廣場1樓102號舖 {{hket:url-hyperlink display="> “Fabrice 嚐味” 同您介紹岩盤牛扒超平價糧尾餐<"}}https://ulapp.hk/6zksa{{/hket:url-hyperlink}} ----------------- 港島區｜銅鑼灣平價餐廳推介｜6️⃣ 忠記粥品  如果想喺銅鑼灣食得清淡啲，「忠記粥品」絕對係必食之選！餐廳主打港式粥麵，共有7間分店，而且全部都位於交通便利位置，放工或者早餐去幫襯都容易啲搵！儘管如此，「忠記粥品」食物單價都唔貴，晚市平均唔使HK$45就食到，仲要免加一服務費！社群U Creator就推薦招牌生滾粥，大大份連生菜只需HK$39，另配炸油條食更加美味，清淡之餘又夠飽足！ 地址：銅鑼灣軒尼詩道432-436號人和悅大廈地下7號舖 {{hket:url-hyperlink display="> “wanyin000024” 分享忠記粥品推薦美食及價錢<"}}https://ulapp.hk/32ecw{{/hket:url-hyperlink}} ----------------- 港島區｜北角平價餐廳推介｜7️⃣ 祥發茶餐小廚 大受北角街坊同打工仔歡迎嘅「祥發茶餐小廚」一定稱得上係平價餐廳首選！餐廳食物種類多，招牌菜包括瑞士雞髀、沙嗲牛肉包、豬扒包等等，特製瑞士汁香濃帶點甜，醃製時十分入味。重點係性價比十分高，一餐人均HK$50左右就可以食到飽！ 地址：北角七姊妹道27D號地舖 {{hket:url-hyperlink display="> “TheBigEatSister” 點評祥發茶餐小廚招牌美食<"}}https://ulapp.hk/l4tsp{{/hket:url-hyperlink}} ----------------- 港島區｜中環平價餐廳推介｜8️⃣ 滿滿食堂 喺中環黃金地段，原來都可以用平民價錢食到日式燒肉！「滿滿食堂」位於皇后大道中，主打石燒套餐，款式選擇多！約HK$50就食到頂級牛肩扒，仲有HK$98厚切牛柳，連4塊薩摩牛和牛都係HK$98，每塊和牛脂肪分佈均勻，仲會跟碗白飯！咁抵食，難怪成為唔少中環打工仔心目中嘅愛店！ 地址：中環皇后大道中58-60號振邦大廈地庫 {{hket:url-hyperlink display="> “Cherrie Yip Ha” 分享滿滿食堂必點石燒套餐<"}}https://ulapp.hk/s5k28{{/hket:url-hyperlink}} 🍽️招募Foodie | 分享食評賺額外收入📸！ 立即登記➡️{{hket:url-hyperlink display="https://ulapp.hk/mp25i"}}https://ulapp.hk/mp25i{{/hket:url-hyperlink}} 🔔 Follow《U Community社群》{{hket:url-hyperlink display="Instagram "}}https://www.instagram.com/ucommunity.hk/{{/hket:url-hyperlink}}同讚好 {{hket:url-hyperlink display="Facebook "}}https://www.facebook.com/UCommunity.hk/{{/hket:url-hyperlink}}專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator {{hket:tag-user display="yukie_kiekie"}}275134{{/hket:tag-user}} 、 {{hket:tag-user display="Cuttlefishfamily "}}841927{{/hket:tag-user}} 、 {{hket:tag-user display="Joanne的療癒星球"}}881628{{/hket:tag-user}} 、 {{hket:tag-user display="cincin_piggy"}}682884{{/hket:tag-user}} 、  {{hket:tag-user display="Fabrice 嚐味"}}272870{{/hket:tag-user}} 、 {{hket:tag-user display="wanyin000024"}}897541{{/hket:tag-user}} 、 {{hket:tag-user display="TheBigEatSister"}}423350{{/hket:tag-user}} 、 {{hket:tag-user display="kelvincheung247"}}813665{{/hket:tag-user}} 、 {{hket:tag-user display="Cherrie Yip Ha"}}852184{{/hket:tag-user}}  #ULifestyle應用程式 #ULifestyleApp #社群 #UCreatorHK  #MOMENTSwithUCreator #pizza #我的打卡地圖 #美食攻略 #中環 #平價餐廳 #月光族 #餐廳 #香港美食 #平價美食 #高性價比 #米線 #日式火鍋 #美食推介 #餐廳推介 #foodie

nnthrive

台式料理

安平燒肉 (荃灣)

地表最強｢月光族｣糧尾恩物?90分鐘都係$168起

>>秋天最啱BBQ 難得咁平但啲肉意外地好味 牛仔骨同板牛肉<< >>必試 櫻花蝦飯 |19款台式燒烤/夜市小食 |連甜品都係haagen-daz 特色口味<< 🥢🥢🥢抵食價 + 高質 = 回訪率90%🥢🥢 ⭐️台式主食有得玩有得食: 有個station 可以自製櫻花蝦飯,先落蔥花､大大粒勁香嘅櫻花蝦､滷水汁､紫菜,都幾特別 ｡仲有得揀麻醬拌手工麵､浦燒魚腹滷蛋拌飯 ⭐️肉類有驚喜: 嫩肩板牛肉､馬告牛仔骨醃得幾好 ,醬油香配芝麻/蔥花咁燒;醬燒雞爽肉口感比平時爽但好惹味､薑汁味雪花豬食落有啲似豬頸肉咁嫩口⭐️醬料有成5款咁多:辣椒醬､安平黃金醬､玫瑰岩鹽､特調醬油､仲有得試台灣馬告胡椒 ⭐️台式燒烤/夜市小食 最特別係有墨魚香腸､花枝甜不辣,烤豬肉乾､梅酥炸薯呢啲經典台式小食,我自己幾鍾意 ⭐️蔬菜區幾新鮮: 除咗菇菇､翠玉瓜､生菜､蕃茄仔之外,仲有得燒菠蘿,不得不讚下朋友燒得勁juicy ⭐️飲品/甜品:罐裝仙草茶､蕃石榴茶等超多選抽擇､鮮茶,特色嘢有阿里山檸檬紅茶､紅火冰茶(火龍果底),仙草芋圓好味 唔算甜 芋圓彈牙､花生､ 紅豆;甜品可揀haagen-daz *香草藍莓馬卡龍､雲呢嗱曲奇､柚子馬卡龍 🏷️會員價 最平$168 食到飽 (90分鐘)S2 貴$20 另外加$68就有得任飲suntory 啤酒 \\\\\\ 📍安平燒肉 @anpinggrill.hk (荃灣)////// ======================================= 👉Follow @nnthrive #筷筷和你搵好西 ======================================= #食在荃灣#荃灣火鍋#打邊爐#台式火鍋#糧尾恩物#放假食咩好#窮遊香港#燒肉#放題#平價#任食#任食放題#大鴻輝中心#安平燒肉#安平燒肉放題 #台灣菜#台灣美食#吃到飽

為食妹

港式美食

兩草 (尖沙咀)

超抵食!每人$100食到好飽

呢間餐廳,真係超值又抵食,食完我都忍唔住要分享俾大家知!🎉先講價錢——兩個人叫到成枱嘢食,飽到扶牆走都係$200!😱最重要係,仲唔收加一!💸💕 原來大坑嘅名店｢兩草｣搬咗去尖沙咀開分店,位置就喺K11附近,方便到不得了!🚶‍♂️入到去,嘩,環境超有香港情懷!🏮紅色燈閃閃亮亮,配埋茶餐廳風格嘅餐牌,仲有90年代金曲喺耳邊響起,真係一秒回到童年!📀🎶 講返啲食物,真係無得輸!✨必點香煎脆邊蛋肉餅飯($42),燶邊蛋流心得嚟爆汁,配埋厚厚嘅肉餅同甜豉油,食到我想喊咁好味!🍳🍖再嚟個蛋炒豬腸粉($27),外層煎到金黃香脆,內裏煙韌得嚟啱啱好,嗰啲邊角脆脆,啱晒我呢啲｢脆邊控｣!🥢🤤 胡椒肉骨湯系列都係重點推介!🔥小籠包胡椒湯($40)有四粒大大粒,湯汁爆滿一啲都唔會漏,外皮仲保持彈牙,唔會因為浸湯而淋晒,呢個值得一試!🍜🥟另外個胡椒肉骨湯米粉,四嚿大肉骨配一大碗米粉,只係$40,抵到揼地!💪🍖 最後一定唔可以錯過嘅就係咖央多士($25)!🍞🥳上枱即食係王道,牛油加埋咖央醬鹹鹹甜甜,完全唔會太甜膩,簡直係完美ending!檸檬薏米水($25)亦不得不讚,大大杯超多薏米,清新又健康,夏天飲啱晒!🍋🧊 總結:抵食､好味､有情懷!快啲拉埋朋友去試啦,唔試真係損失!💥💃 #香港美食#兩草#尖沙咀美食#茶餐廳風格#抵食推介#流心蛋#脆邊控#肉骨湯#咖央多士#食好抵#香煎腸粉#地道美食#chill賞童您玩#chill玩夏水禮#chill賞放大假#chill賞staycation#chill嘆旅行