近日，網上人氣甜品店「糖宮甜品專門店」發出公告，揭發其尖沙咀分店一名男店員涉嫌有手腳唔乾淨之行為，利用電子支付漏洞，在顧客付款時每單多收 $100，然後在下班前取走多出的款項。糖宮已即時解僱涉事店員並報警處理，同時承諾會自行承擔損失，呼籲受影響顧客聯絡對單退款，獲網民大讚是「有膊頭，良心店」。
人氣糖水店糖宮收銀員工落格收多錢！
糖宮甜品專門店於 10 月 29 日在社交平台發文，向公眾揭發這宗店員監守自盜的事件。該名男店員在顧客使用八達通、支付寶或微信支付等電子支付方式時，會刻意在實際金額上額外增加 $100，並在收工前取走多收的款項。店家估計，有關「古惑收費」大概有 50 單左右，涉及時間為10月1日至10月27日期間光顧尖沙咀分店的顧客。
糖宮分享的對話截圖顯示，有顧客原本消費 $107，但被收取了 $207，證實了多收 $100 的情況。網民推測，這很可能是因為店內 POS 機並非直接與收費機連線，而需要人手輸入金額，讓店員有機可乘。
糖宮甜品專門店
糖宮承諾自己蝕底都負責任賠償予客人
糖宮在公告中向顧客致歉，指雖然他們也是受害者，但會負責任地賠償給所有相關客人：
「本店非常抱歉有關收多咗嘅錢，以及浪費大家嘅時間去 check 有冇收多錢... 雖然呢件事本店都係受害者，但我哋都會負返責任賠償俾有關客人，以至唔會辜負各位對我哋嘅信任同支持」
糖宮已即時解僱該店員並報警處理。他們呼籲在該時段曾光顧尖沙咀分店並懷疑付多錢的顧客，可致電或 WhatsApp 聯絡（電話：5133 3776 King）對單，確認後會馬上退回款項。
網民大讚糖宮良心店：有擔當、祝生意興隆
糖宮的處理手法獲得廣大網民一致讚賞，紛紛留言力挺：「呢啲舖頭要畀 good，有擔當」、「有膊頭，良心店」、「呢D咪就係『負責任』嘅做法囉！出咗事唔會只係諗卸責」、「自己蝕底都願意貼返俾客人！好店舖！祝你越做越有！」。
網民留言
同時，不少網民對涉事店員的愚蠢行為感到驚訝，認為電子交易紀錄「一 trace 就查到，根本無得走」。網民亦藉此提醒其他消費者，付款時切記要看清銀碼，以免被不法之徒有機可乘。
資料來源：糖宮甜品專門店／Ucommunity
