帝苑酒店甜品放題再加場！ 限時任食招牌拿破崙蛋糕、70%朱古力蛋糕、即場法式薄餅 星級總廚坐鎮！

ystse21

節日限定

海灣餐廳

萬聖節的甜蜜滋味

之前聽聞海洋公園萬豪酒店的海灣餐廳的自助餐質素唔錯，一直都好想去試，幾個月前終於等到佢做買一送一優惠兼同朋友夾到時間，可以到此品嚐期待已久的lunch buffet，咁啱撞正萬聖節前夕，有萬聖節佈置(圖1至圖3)，仲有好多萬聖節造型的甜品，款款都好精緻，打卡度好高，味道當然都有番咁上下，真正睇得又食得。 萬聖節造型，通常都離唔開鬼怪、南瓜、骷髏頭、墳墓等等，今次都唔例外，原個蛋糕有南瓜鬼怪菠蘿熱情果蛋糕(圖4) 、眼球鮮果忌廉蛋糕(圖5) 同骷髏頭黑芝麻紅豆慕絲蛋糕(圖6) ，靚到唔捨得切開，所以擺左好耐都無人去切，仲維持住完整狀態。 其他的萬聖節甜品都係細細件的的骰骰的糕點，包括圖7的木乃伊迷你檸檬蛋白撻、眼球金箔斑蘭蛋糕、蠟燭朱古力慕絲蛋糕、鬼怪雜莓芝士餅、墳墓開心果紅桑子慕絲蛋糕同南瓜慕絲蛋糕，仲有體積較大的眼球朱古力冬甩(圖8)。蛋糕味道偏甜，但我就是喜愛較甜的甜品! 檸檬蛋白撻的撻皮實得來夠脆，好有口感，識食一定係食撻皮。至於軟身的甜品，有圖9的南瓜水信玄餅、眼球芒果布甸同骷髏頭啫喱，同埋無萬聖節裝飾但一樣咁好味的法式焦糖燉蛋。 除左睇得又食得的甜品外，其他無節日裝飾的甜品都一樣有水準，味道有過之而不及。包括有5種口味的曲奇餅(圖10)，味道夠香濃仲好香脆，食晒5隻味已經好飽。又有色彩繽紛的馬卡龍(圖11)，甜而不膩。而撻都有鹹同甜的選擇，分別係海鮮撻同葡撻(圖12)，撻皮好酥脆，蛋漿夠香濃，令人想食多幾隻。 至於非甜食/熱食就相對實而不華，海鮮款式唔少，連麵包蟹都有(圖13)。雖然我唔太鍾意食海鮮，但望落都好新鮮，味道應該都不錯。其他熱食就唔逐一介紹了，因為真係有好多款，加上要留肚食甜品，所以未能一一嘗試。個人較喜歡的熱食有菠蘿咕嚕肉(圖14)，咕嚕肉炸得香脆有咬口，酸酸甜甜惹味開胃。另一樣係印度脆薄餅同印度烤餅(圖15)，前者鹹鹹地卜卜脆，香口到食完又想再食；後者跟搭配的香料味道好夾，提升了烤餅的滋味。仲有一樣係豬鞍(圖16)，睇落好似「鞋鞋地」，但食落都幾嫰滑，好好趙一點都唔韌。 食左咁多野，在飽到上心口的狀態下以一杯Haagen-Dazs雪糕(圖17)作結，係我之前從未食過的紅絲絨芝士餅味。雖然萬聖節主題唔係賣靚或者fancy，仲有點恐怖，但真係好有特色同氣氛。今餐真係超大滿足，帶來視覺同味覺的雙重享受，充滿甜蜜的滋味。 #心意曲奇

maggie mok

香港攻略

小清新@Fine Foods Lounge

這天跟好友在將軍澳敘舊相約在酒店嘆場下午茶然後直落嘆埋晚餐｡ 地點相約在九龍東帝苑酒店The Royal Garden Kowloon East,即從前九龍東皇冠假日酒店的位置,蛻變後的酒店大堂帶上小清新的愜意,還加設了超級舒適的Fine Foods Lounge,可以在這兒嘆咖啡､甜點及輕食好寫意｡ Fine Foods Lounge裝潢用上奶白配搭淺木色,加上柔和燈光及舒適的梳化,帶出那種小清新的感覺叫人非常放鬆｡ 這兒主打帝苑的招牌蛋糕及甜點,而且餐廳早上7:30便開始營業,對於附近街坊來說真係一個非常好的早餐地點｡ 抹茶鮮奶$58!抹茶的甘香加上鮮奶的幼滑味道高級有質素啊｡ 這套帝苑經典臻選只售$58!內裏包括有三件帝苑招牌蝴蝶酥及一杯咖啡作下午茶點剛剛好,吃過喜歡的話還可以將蝴蝶酥買回家跟最愛的人分享｡ 這天恃着人多的我們還點選了多款甜點一起分享｡ 先來輕怡的雜果忌廉蛋糕$68!輕身不甜膩的忌廉口感幼滑,配新鮮士多啤梨這組合永遠也不會令人失望｡ 法式焦糖燉蛋$58!份量不少以這價錢來說挺非常抵吃,焦糖金黃香脆加上甜蜜的蛋香確實迷人｡ Tiramisu$68!這個意大利芝士蛋糕口感比較實在,芝士跟咖啡的香氣平衡得不俗,如果酒香再多一點會更合我口味｡ 芒果拿破崙$68!烘得金黃鬆化酥餅滲出焦糖的甜味,配襯甜而不膩的吉士及香甜芒果太引人犯罪喇｡ 70%香濃朱古力脆脆蛋糕$68!濃郁的朱古力味道甘醇不過甜內裏還有脆脆的口感,朱古力迷的我表示相當喜歡｡ 為慶祝開幕餐廳推出了醇享每日的推廣,每次飲一杯外賣咖啡就可以得到一個印章,於三十天內儲滿四個印章第五杯就免費,對於咖啡迷來說真是一個天大嘅喜訊啊｡ #人間美食~將軍澳 #戀吃車媽媽 #肥師奶是這樣練成 #九龍東帝苑酒店 #The Royal Garden Kowloon East #Fine Foods Lounge (此文章由U Blog 同步發佈至社群)

U Lifestyle

甜品

帝苑酒店

高格調法式餅店x 經典拿破崙cake！

帝苑餅店每日供應多款糕餅，賣相精緻，餅店大部分材料如巧克力、奶油等都係從歐洲入口，有品質保證！當中拿破崙更係帝苑嘅招牌之作！ 「拿破崙蛋糕」每一塊千層均好酥脆鬆化，配上幼滑custard cream，非常美味。中間夾層更有唔同嘅水果，例如士多啤梨，芒果等，果肉鮮甜。注意「拿破崙蛋糕」新鮮製作，想食嘅朋友仔記得預早查詢出爐時間再去啦～ 至於無麩質蛋糕亦係餅店近期大熱，好似「芒果龍井茶卷蛋（無麩質）」就較受客人歡迎，卷蛋size都算大件，龍井茶味香濃，中間有滿滿忌廉，再夾住大大粒芒果肉，食落滿口清香！ －－－－－－－－－－－－－－－ 📍帝苑餅店 尖沙咀東部麼地道69號 #香港人氣打卡蛋糕地圖