在香港，想一次過品嚐香辣雞煲、鮮甜海鮮、滋補燉湯，再打個熱辣辣邊爐？看似貪心，其實榮獲「我最喜愛火鍋店」的「斗滾」卻能完美實現這個美食願望！餐廳獨創「斗滾四式」套餐，無需作出任何取捨，都可以一次盡享四重美味體驗。每位只需$268起，就能大快朵頤，無論是三五知己聚餐，還是一家大小共享天倫，都是CP值高的滿足選擇。立即去「斗滾」，開展一趟豐富的美食之旅吧！
第一式：任食招牌雞煲
打頭陣的是無限任食招牌雞煲！雞件吸盡秘製醬汁精華，肉質依然保持嫩滑，特別設有五級辣度任你揀——由走辣、BB辣、小辣、中辣到大辣，無論是怕辣或嗜辣人士都可以找到合適口味！
第二式：海鮮盛宴
升級版豪華版海鮮盤
每日清晨由魚市場直送的海鮮，未食已經俘虜大家的相機！海鮮盤有滿滿蟶子、大蝦、鮑魚等訣鮮貨，份量陣昤按人頭計算，保證大家都有得食！
【限定優惠】想再食得更蜢情，訂枱時記得預訂波士頓龍蝦即刻升級豪華版（$198/隻、$388/兩隻），鮮甜爆膏嘅滋味絕對值回票價！
第三式：養生燉湯
打邊爐前先飲碗老火燉湯潤潤喉，斗滾提供多款燉湯選擇，人氣款式包括：蟲草花竹絲雞、黑蒜乳鴿、淮山鷓鴣燉湯、水果赤肉燉湯及椰皇雞湯等等，飲完成個人暖笠笠，即刻準備迎接火鍋大戰！
第四式：任食手切牛頸脊
自助區有超過40款火鍋配料，，由蔬菜、丸類、麵食等等，重頭戲當然係油花勻稱嘅手切牛頸脊！只要於斗滾IG/FB留言，即免費升級任食牛頸脊同黑豚肉！
另外，現在更有啤酒汽水任飲，同朋友一齊飲返兩杯最開心。最後，再品嘗水果、甜品和雪糕，絕對是超滿足的一餐！
info
西環店：香港山道54-66號適安大廈地鋪
電話 & WhatsApp：6730 6060
佐敦店：九龍佐敦道26E寶輝閣2樓
電話 & WhatsApp：6211 1922)
價格：
星期一至四
成人收費$268；小童收費$134
星期五，六，日，假期及其前夕
成人收費$298；小童收費$149
註：只收現金。以上價格另收加一服務費。
（資料由客戶提供）
人氣餐廳排名
-
港式美食
斗滾 Pot Of Soup (佐敦寶輝閣店)
佐敦必食🔥斗滾任食雞煲🍲$300搞掂！
🍽️ 斗滾(佐敦寶輝閣) 📍香港佐敦佐敦道26E號寶輝閣2樓 斗滾任食打邊爐頭性格比超高｡唔使$300可以食到雞煲,同埋打邊爐任食任飲｡ 斗滾招牌共有四式: 1)第一式係任食雞煲, 雞煲要炒4次,每次2分鐘｡ 雞件嫩滑,醬汁香濃, 而且有得自選辣度｡ 2)第二式係海鮮盛宴: 呢個係跟人頭計嘅蒸海鮮, 有聖子､元貝､蝦､鮑魚､蒸烏冬, 海鮮尚算清甜,飽腹感滿滿｡ 3)第三式係就係滋補燉湯 我叫咗佢哋嘅養生燉湯~ 內有竹絲雞､雞腳､蟲草花､瘦肉 落配料打邊爐之前, 會飲吓一碗湯先開始下一round , 品嚐飲吓個湯底嘅精華｡ 4)第四式 like專頁就免費任食手切牛頸脊, 呢度有脆肉鯇同鱔片同Asahi啤酒喺筆者之愛🥰 火鍋料有幾個重點推介: 手打墨魚丸､手打花枝蝦丸､鱔片､脆肉鯇､鮮蝦雲吞等等~ 飯後唔好唔記得出面既甜品､椰汁雪燕､水果碗! 飲品種類繁多,推介呢支韓國嘅菠蘿酒(5% alcohol) 其他汽水酒精飲品有超多款俾大家選擇,一定唔會令大家失望｡ #UCreatorHK#BESTFOODwithUCreator#香港美食#九龍美食#港島美食#新界美食#香港隱世美食#大排檔#香港地道美食
閱讀更多
-
港式美食
斗滾 Pot Of Soup (佐敦寶輝閣店)
【🔥斗滾(佐敦)|🖖🏻食出四個層次的滋味】
【🔥斗滾(佐敦)|🖖🏻食出四個層次的滋味】 佐敦斗滾帶俾我幾多新鮮感,佢哋嘅火鍋有四個步驟: 1️⃣雞煲,分4次炒,自己落手體驗感十足!食完可以再添! 2️⃣蒸海鮮,店員切好晒,新鮮鮮甜,烏冬超入味 3️⃣靚湯底,勁多火鍋配料 4️⃣牛頸脊任食 🥭水果 🍺啤酒汽水任飲 🩷甜品椰汁燕窩,喜出望外 🖖🏻斗滾 📍佐敦佐敦道26E號寶輝閣2樓 #斗滾#香港#佐敦美食#雞煲#任食火鍋#放題#好食#UCreatorHK#BESTFOODwithUCreator#九龍美食#chill賞staycation#香港美食
閱讀更多
-
打卡熱點
半島漁港 • 阿翁火鍋館 (灣仔駱克道店)
灣仔雞煲火鍋任食 啤酒任飲🍻 抵到爆！
超抵無限時任飲任食雞煲加火鍋🍲✨ 森堡､嘉士伯罐裝啤酒都有得任飲🍻 晚市20:30後入座仲有八折優惠‼️ 首先從重慶辣雞鍋､澳門豬骨鍋､同埋時令羊腩鍋三選一 不過淨係得雞煲可以任食⚠️ 雞件好入味 而且肉質唔會嚡 加埋啲洋蔥 芫荽 辣椒嘅配料 真係好惹味🔥 另外會送一份刺身拼盤､海鮮拼盤､阿翁極級牛頸脊､蠔皇鮑魚扣玉掌､同埋至尊水餃皇 (按人數提供 只限一份)🤤 牛頸脊最有驚喜 肉質厚實得嚟又嫩滑 牛味都非常香濃🐮 不過淨係食呢啲都幾乎飽咗7-8成🫣 食完雞煲就會另上火鍋湯底 一共有五款可以選擇~ 一般火鍋配料可以出公共區域夾 另外亦都有啲海產､肉､丸類等等可以透過點餐紙落單🙈 整體配料嘅質素都唔錯 超級滿足呀🥹 雖然八點半後入座有八折優惠 不過入座之後 出面夾嘢食嗰個area 都幾乎冇再refill過🥹 而且營業時間雖然到11點 但係10:15pm左右就已經開始俾壓力你離開 所以個優惠就… 見仁見智👉🏻👈🏻 💰人均(pp): $289 (星期六20:30後) 味道(flavour): 🩷🩷🩷🩷 CP值(worthiness): 🩷🩷🩷🩷 #我的打卡地圖#UCreator#打卡美食#好去處#全新景點#chill#隱世打卡點#打卡#任飲任食#火鍋#雞煲
閱讀更多
