繼牛油果、開心果熱潮過後，韓國大熱嘅粟米口味有望成為香港美食界新寵！就連Hashtag B、Bakehouse等人氣烘焙店都相繼推出粟米口味產品，由粟米軟雪糕至粟米撻，聽個名就覺得好吸引！今日就等社群U Creator帶大家解鎖香港6大粟米主題美食，粟米控一定要save低呢個post啦！
Table of Contents
香港6大粟米美食推介｜1. Bakehouse 限定甜粟米軟雪糕
Bakehouse全新推出甜粟米軟雪糕，軟雪糕口感順滑，甜粟米味道香濃，鬆脆嘅粟米片配用牛油烤過嘅粟米，再淋上海鹽焦糖醬，超邪惡！不過Bakehouse甜粟米軟雪糕暫時得沙田及東涌分店限定，HK$58/個，想買嚟食嘅粟米控要留意啦！
地址：沙田新城市廣場247號舖 / 東涌達東路20號東薈城名店倉地下G19號舖
*供應視當日情況而定，詳情參閱官方社交平台
香港6大粟米美食推介｜2. Hashtag B 白粟米酥
Hashtag B除咗要食千層撻之外，白粟米酥都係網民推介必點之選！只需HK$30/個，焦香咗嘅白粟米味道濃郁，都冇失去白粟米本身嘅清甜，咬落去酥皮鬆脆之餘，裡面仲夾住香滑蜜糖吉士醬，口感層次昇華，充滿驚喜！
地址：全線Hashtag B香港分店
*供應視當日情況而定，詳情參閱官方社交平台
> “JK.JessieKim” 同您打卡銅鑼灣Hashtag B粟米酥<
香港6大粟米美食推介｜3. Young Dabang粟米年糕鍋
韓國呢間過江龍辣炒年糕店Young Dabang喺香港都有得食，最多人推介一定係招牌年糕鍋，年糕有成35cm長，十分煙韌彈牙！重點係佢個年糕湯底有6款醬汁選擇，其中一款就係香港限定嘅粟米忌廉醬，粟米控一定要試下！年糕鍋超足料，有齊魚糕、鵪鶉蛋、炸餃子、拉麵同蔬菜等配料，亦可以追加配料。兩人份只需HK$248起，十分抵食啊！
地址：沙田沙田正街18-19號新城市廣場一期1樓103A號舖
> “Konglui.food” 分享韓國過江龍粟米年糕鍋食評 <
香港6大粟米美食推介｜4. Guge Cakery粟米忌廉濃湯蛋糕
香港人一定對呢個標誌性嘅粟米忌廉濃湯罐頭十分熟悉！人氣IG蛋糕店「Guge Cakery」全新推出粟米忌廉濃湯蛋糕，外型神還原金寶湯粟米忌廉濃湯，實際上卻係一個層次分明嘅海綿蛋糕，濃粟米忌廉湯味奶凍表面，配上粟米濃湯忌廉、本地有機新鮮粟米鬚水製成嘅Q彈啫喱及朱古力脆脆層，唔同尺寸可以1-9人食用，同老best慶生必買！
工作室地址：觀塘成業街11號華成工商中心1211室
*供應及庫存，參閱官方社交平台
香港6大粟米美食推介｜5. Shanslate粟米巴斯克芝士蛋糕
粟米控朋友嘅生日蛋糕就買佢啦！本地精緻甜品店Shanslate都跟上潮流推出粟米口味甜品，而且更融合焦糖燉蛋元素，成為焦糖燉蛋粟米巴斯克芝士蛋糕！烤香過嘅清甜粟米配上香濃芝士，以及法式焦糖燉蛋，鹹甜適中而且口感豐富，符合香港人對甜品嘅最佳評價！
工作室地址：觀塘巧明街109號榮昌工業大廈8樓F室
*供應及庫存，參閱官方社交平台
香港6大粟米美食推介｜6. Boat Thai泰式街頭椰子粟米雪糕
除咗韓系粟米甜品之外，粟米都係作為泰國街頭嘅重點必點美食之一！位於尖沙咀iSquare嘅Boat Thai係泰國人主理，全部都係正宗地道泰國菜！當中甜點「泰式街頭椰子粟米雪糕」價錢為$58/個，用料豐富！椰子雪糕外加咗椰子肉，配上粒粒花生，再加入清甜嘅粟米粒，呢個組合創新得嚟都充滿泰國風味，粟米控想食唔一樣嘅粟米雪糕一定要試下！
地址：尖沙咀彌敦道63號iSQUARE國際廣場6樓601號舖
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
招募U Creator l 出Post賺獎賞！
立即登記➡️ https://ulapp.hk/gsabl
圖片來源：IG帳戶@bakehousehk 、 @hashtagb 、 @guge.cakery 、 @shanslatestudio 、@youngdabanghk 、社群U Creator @JK_JessieKim、@Konglui.food 、 @啫喱
#ULifestyle應用程式 #ULifestyleApp #社群 #打卡 #粟米 #粟米甜點 #粟米美食推介 #粟米熱潮 #粟米主題甜品 #韓國過江龍 #粟米撻 #粟米雪糕 #甜品 #Shanslate #boatthai #hashtagb #bakehouse
粟米口味美食早已在韓國捲起熱潮，近年則吹入香港，有不少韓國過江龍餐廳都推出粟米口味美食。
