壹號漁船推$98起火鍋放題 120分鐘任食任飲 無限追加靚牛、海鮮、配料

Brunchintulle

香港攻略

熊本牛鍋

$280 無限時既任食？

係呀,你冇睇錯｡
套餐($280)由雞煲開始,雞煲好惹味,醬料有啲似沙嗲醬溝沙茶醬嘅味道,有少少辣｡啲雞已經切好件,同埋好腍好滑｡雞煲只係前菜,食完雞煲就蒸海鮮,海鮮種類好多,全部都用蒜蓉調味,蒸既時間啱啱好,個人比較喜歡個蟶子同鮑魚｡ 食完海鮮就可以開始主菜啦,就係打邊爐｡總共有四款牛肉同埋一款豬肉｡和牛肉質好嫩,肥瘦均勻,食落去有少少脂肪味,但係唔會過肥｡另外我都鍾意牛肩胛肉,牛味比較出同埋肉質比較瘦身,但係都唔會好韌｡出面仲有唔同種類嘅蔬菜,丸同埋麵食俾大家選擇,見到有我鍾意食嘅蒟蒻條｡因為打邊爐之前其實已經食到四成飽,所以已經冇乜位全部都試~ 
最尾甜品都出色,甜品有部分由老闆娘自家製,特別推介燉蛋!蛋味好香,口感好滑｡雪糕口味都唔錯,特別中意rocky road 味道,朱古力味好濃,果仁口感脆脆的｡ 整體服務亦都好好,店員會不時嚟問你夠唔夠食同埋飽唔飽,仲會推介唔同嘅配料同埋肉食｡下次朋友聚會就唔好錯過呢間啦! #無限時任食#尖沙咀美食#火鍋

karenleung22223

打卡熱點

撈得喜火鍋冰室 (大埔)

【任食火鍋放題｜人氣推介🔥】

👋 大埔朋友睇過嚟！呢間新開嘅撈得喜火鍋冰室真係不得了～ 🥘 湯底選擇多： 香辣烤魚｜椰子雞｜麻辣雞煲｜椒鹽雞煲蝦 每款都咁正，揀邊款好？ 🥩 任食精選： 優質肉類｜新鮮海鮮｜時令蔬菜 仲有水果甜品雪糕任拎！ 🥤 飲品任斟： 汽水啤酒｜特調飲品｜自家製特飲 打邊爐唔怕口渴～ 💰 人均$260任食兩個鐘 適合同朋友聚餐，食到飽飽！ 麻辣湯用多種辣椒花椒炒製，麻香層次分明，湯底真材實料，唔係味精水； 黑毛豬梅花肉油脂甘香無豬羶味，海鮮補貨快，唔會空盤， 醬料區保持整潔，配料新鮮；響鈴卷即炸上枱，浸湯三秒最完美，員工有禮貌，會主動介紹新食材，環境通風好，食完唔會成身油煙味。 呢間火鍋小店真係真心推介俾大家，食材又新鮮又抵食👍🏻難能可貴👍🏻 大埔真係好難搵到一間咁有質素嘅火鍋，雖然係任食，淨係食條烤魚再加埋啲海鮮，蔬菜甜品都食到好飽👍🏻#步步糕升#任食火鍋 #大埔火鍋 #撈得喜 #打卡美食 #好去處 #chill

Konglui.food

擦餐勁

一鍋堂 (旺角瓊華店)

港式火鍋任飲任食2小時🤤🍲

[ 一鍋堂 ] 同朋友去旺角食港式火鍋通常都會嚟｢一鍋堂｣,晚市火鍋2小時任飲任食🍲,有5款套餐選擇,最平只係每位$148｡ ✿ Lv4 日本產黑毛和牛•極上牛小排•依比利亞橡果豬•桶蠔•海鮮放題 成人$308/位(7pm前離座減$40､9pm後入座減$20再送30分鐘)､小童長者 $228/位 湯底🍲 有十幾款特色湯底,有辣有唔辣｡｢蘿蔔粟米豬骨湯｣湯底清甜,鍋底裡有超大嚿豬骨､超多紅蘿蔔同埋粟米,非常足料👍｡ 前菜､沙律🥗 自助吧任攞冷盤前菜,例如有沙律､麻辣雞腎｡另外有熱菜熟食,當晚有咖哩豬皮魚蛋,煮得夠入味😋｡ 火鍋配料 肉類🥩 任食日本產黑毛和牛🇯🇵､西班牙依比利橡果豬🇪🇸､安格斯牛小排等,仲可以食埋Lv1-3套餐嘅封門柳､牛脷心托､美國牛板腱🇺🇸､紐西蘭羊卷肉🇳🇿､花雕醉雞件等,啱哂食肉獸｡ 海鮮🦪🦐🐟 可以食哂Lv1-4所有海鮮｡任食桶蠔､時令貝類､海蝦､花膠､鯇魚腩等,款式都幾多,海鮮整體上都幾新鮮｡ 其他🥟🥬🍜 必食醬爆瀨尿牛丸､手作配料(有手工餃子､手工丸)､八吋長蟹棒等｡另外自助區有多款蔬菜､麵食等,多到食唔到咁多款🤣｡ 飲品🧃🍺 任飲自家製健康飲品､紙包飲品､汽水等,另外酒類任飲百威啤酒､醇滑嘉士伯｡ 甜品🍦🍨 任食杯裝雪糕､自助雪糕機等｡ 總結🫦 火鍋店湯底､配料選擇多,上菜速度算快,2小時可以食到飽👍｡而且旺角瓊華中心店風格簡約,全卡位設計坐得舒適｡ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 一鍋堂 地址:旺角彌敦道628號瓊華中心6樓 電話:3618 8161 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ #旺角必食#旺角美食#旺角餐廳 #一鍋堂#打邊爐#打邊爐任食#火鍋控#任飲任食 #打邊爐#打邊爐研究院#打邊爐放題#瓊華中心 #hkfoodies#hkfoodporn#hkfoodieslife#hkrestaurant#ufoodphoto