一間台灣菜連鎖餐廳，近日被前員工在社交平台上踢爆多項「刻薄」守則，引發網民熱議。該員工發出圖文並茂的長文，直斥公司「孤寒到咁樣」，並整理出其「6宗罪」，控訴公司不僅對員工極盡苛刻，甚至連食品品質也令人擔憂。
連鎖台式餐廳被爆刻薄員工守則
該名爆料的前員工在貼文中毫不留情地批評，指公司是一家「日資台灣公司」，並直言：「作為一間台灣餐廳，喺香港生意唔好係咪要反省下自己問題，對待顧客點樣，對待員工又點樣」。他更直斥公司「孤寒到咁樣，都唔使請啲員工返嚟幫你做啦，請啲機械人咪好唔使食嘢唔使飲水」。
為了證明其所言非虛，該員工同時貼出兩張公司內部通告，明確列出多項禁止事項，讓網民大開眼界：
連鎖台式餐廳被員工力數6宗罪：99%預製菜
不准用微波爐： 內部通告明文規定，公司微波爐不准員工用來加熱自己攜帶的食物。
禁止使用公司任何餐具： 通告明確列出，員工不可以使用公司的「外賣杯，外賣碗，外賣餐具，紙巾及筷子」。網民對此感到不可思議，直言「公司紙巾都唔可以用真係好孤寒」。
沒有福食，不准吃餐廳食物： 該公司沒有提供員工餐（福食），甚至禁止員工吃餐廳的食物，包括白飯。網民對此極為不滿：「我成日都覺得做飲食都唔包食，真係好X街，反正都煮開，煮多少少比員工食都唔係好過分啫」。
高價手搖茶飲實為咖啡伴侶沖泡： 員工透露，餐廳高價售賣的手搖茶飲，實情是使用「雀x咖啡伴侶做奶精沖奶茶」，而不是鮮奶。
招聘職位為水吧，實際卻是洗碗： 一名網民表示，曾應徵該餐廳的水吧職位，實際工作內容卻是「洗碗」，而且「永遠都洗唔完」。
連鎖台式餐廳被員工力數6宗罪 事主隱晦開名：春xx...
事件曝光後引起網民熱議：「做過pt 望吓包紅燒牛肉麵湯包成份係元素週期表」、「師兄咁睇唔開仲繼續做⋯依間垃圾公司真係早走早著。」、「明白你感受，幾年前同你返過同一間公司嘅水吧位，啲管理根本唔掂，鍾意帶頭玩帶頭搬弄是非」。事主更在留言區隱晦開名：「春水x」，引起大家的熱烈討論。
但貼文中亦有留言支持餐廳：「高層唔巡果陣有無唔比你用微波爐先？寫就緊係寫唔比你用啦！唔通寫任用任拎，白飯任裝咁咩，餐具唔比你用都好正常，特別係外賣果d！醒水既就自己走位啦！」、「公司比係人情執正嚟做係道理」、「如果佢做飲食，廚房微波爐唔俾叮員工飯盒、廚房爐具唔可以煮自己帶食物我覺得好合理，同樣用具會出食物俾客，減少衛生風險，如果公司做好啲，最好咪有一個員工專用微波爐」。
資料授權：
