近日網民分享在Threads上分享，於外賣平台驚見元朗甜品舖「糖水蘇」推出超獵奇燒賣！貼文發佈後引起不少網民關注，大家對這款燒賣反應兩極，有人留言「終於明意大利人咩感受」，但相反亦有人表示「好食到傻」，更有網民自稱已親自試食並寫下食評～
元朗糖水蘇驚見「朱古力燒賣」
一名網民在Threads上分享於外賣平台上，驚見元朗甜品舖「糖水蘇」竟推出超獵奇的朱古力燒賣！從貼文的圖片中可見，朱古力燒賣售價每份$40，以朱古力醬及忌廉取代豉油及辣椒油，並列明「即整」。
網民反應兩極：好食到傻 vs 明意大利人感受
這則Threads貼文引起不少網民討論，在留言區出現反應兩極的情況，有部分網民不能接受朱古力燒賣，紛紛表示「核突報警」、「新型邪教」及「終於明意大利人咩感受」，但亦有網民持相反態度，大讚「好似幾正」、「好食到傻」和「試過無想象中咁伏」。
真人試食讚：鹹甜交集幾特別！
貼文有一位網民表示自己已親自試食，並寫下了約50字的真實食評：「啱啱試咗，原價$28學生再有9折，朱古力醬唔太甜得嚟都香嘅，上面有啲糖粉吊味，點啲cream嚟食冰火鹹甜交集幾特別」。各位對朱古力燒賣感到好奇的話，亦不妨親自一試～
糖水蘇
地址：元朗鳳攸北街11-15號益發大廈地下11號舖
營業時間：星期二至日 16:00 - 01:00
資料及圖片來源：Threads@jaswmh、小紅書＠___alliwanttoeat及Foodpanda
同場加映：燒賣推介｜精選香港近10間燒賣推薦 燒賣關注組熱捧！附地址＋營業時間
燒賣推介｜1. 駿運士多
有觀塘最強燒賣之稱的「駿運士多」以皮薄餡靚、口感煙韌的燒賣打響名堂，魚肉燒賣、豬肉燒賣$10就有8粒，性價比極高，所以其燒賣多數於下午3時便賣光。今年3月，駿運士多突發結業，不少觀塘街坊深感可惜，幸好近日已原區重開，而且新店的燒賣居然沒有加價，依舊抵食，難怪營業首日店外已經大排長龍！
駿運士多
地址：觀塘道410號觀點中心地下
營業時間：星期一至六早上7時至晚上6時
燒賣推介｜2. 粉果佬
自燒賣關注組成立以來，位於大埔的「粉果佬」一直深受組員的愛載，高峰期日賣10000粒，極具人氣！粉果佬供應的手包魚肉燒賣（$10／5粒）由80歲老闆參叔每朝清晨7點親自製作，需要手打魚肉、豬肉、冬菜、蔥頭等，用料實在而且大粒有咬口，配上辣椒油更惹味！小店去年更於觀塘開設分店，除了燒賣亦有售家鄉粉果（$12／3個）、足料魚肉碗仔翅（$27）等小食，滿滿人情味。
粉果佬
地址＋營業時間：
| 大埔店 | 大埔安慈路4號昌運中心地下32號舖 | 每日中午12時至晚上8時半 |
| 觀塘店 | 觀塘巧明街99號巧明工廠大廈地下3號舖 | 每日早上8時至晚上8時 |
燒賣推介｜3. 燒賣皇后妙舒
現時為人熟知的「元朗燒賣皇后」其實早於1988年開業，當時是一間名為「妙舒」的小食店，傳至第二代掌舵人才創立出燒賣皇后品牌。逾60款小食之中，香菇豬肉燒賣（$15／5粒；$22／8粒）最具人氣，口感軟淋而且菇味濃郁，咬開更有肉汁，幾Juicy， 搭配的豉油亦不會過鹹，辣椒油也十分香口！此外，燒賣皇后的魚肉燒賣亦彈牙不鬆散，在其還未於荃灣和黃埔開設分店前，不少港人都會暮名到元朗拜會它。
燒賣皇后妙舒
地址＋營業時間：
| 元朗店 | 元朗阜財街14號宏豐大廈地下11B及11C號舖 | 每日上午10時至凌晨2時 |
| 荃灣店 | 荃灣荃興徑10-18號富榮大廈地下04號舖 | 星期一至四中午12時半至凌晨12時；星期五至日上午11時至凌晨12時半；公眾假期上午11時半至凌晨1時 |
| 黃埔店 | 紅磡德民街2-34E號黃埔新邨地下4J號舖 | 每日中午12時至晚上11時 |
燒賣推介｜4. 悅來老朱小食
許多燒賣關注組的資深成員都會以「老朱」，親切地稱呼位於屯門的「悅來老朱小食」，其手作燒賣（$16／4粒）20年來都是街坊心目中的冠軍人馬。小店由已故的老闆老朱建立，兒子朱生接手後，沿用父親的配方，每晚凌晨12時開始備貨，打好餡料再包燒賣。悅來老朱小食的燒賣直徑近6cm，其以3分魚肉加2分豬脢頭肉製成，食落柔潤鮮美而且帶豬油香，經常在早上11時便售罄，唔一大早入屯門都食唔到！
