A1 Bakery｜近日有網民指，在A1 Bakery買了一個內藏巨型螺絲釘的麵包，事件誇張又離譜，相當嚇人。A-1 Bakery 是香港一家知名的連鎖烘焙店集團，其名字象徵提供「A級」品質和「No.1」的美食。但這次的事件卻明顯違反了其一貫「高質」的形象。
A1 Bakery麵包藏巨型鐵釘
事件發生在6月14日星期六，事主在社交平台threads上分享，在當日早上於觀塘APM B1層的A1 Bakery買了一個合桃提子包，把麵包帶到公司切開後放烤爐翻熱後，因為麵包表面有少許「燶」，故用刀批走焦面，卻因此發現麵包藏了一枚巨型螺絲釘！
事主補充，因為合桃提子包是大且長型的麵包，切開烤爐翻熱後的當刻，都無發現螺絲釘的痕跡。換言之，如果不是剛好事主有翻熱，又剛好事主選擇烤爐非微波爐、又有剛好翻熱得有少許「燶」，事主就會直接大口咬下麵包，分分鐘演變成要命的意外，令人心驚。事主：「如果個釘在麪包中間，我已在醫院打哩段嘢。」、「果老人家或小朋友食咗咁點？食唔死都一口血啦」。目前事主已email去信食環作出投訴。
A1 Bakery麵包藏鐵釘 A1官方回應反惹眾怒
事主在threads上分享事件後，貼文立即引起大眾熱議，A1官方的threads帳號亦火速回覆事主，惟其回應的內容卻反令眾網民不滿。
A1官方回應：
「您好，感謝您的反映 🙌🏼小編在此就您是次不愉快的購物體驗深表歉意 🙇🏻♀️ 顧客服務部同事辦公時間為星期一至五，因此暫時未能回覆您的訊息。但我哋呢邊都先幫你向相關同事反映情況，亦要麻煩您幫忙完整保留產品及異物，以助我地內部調查事件🙏🏻感謝您的協助並再次就事件致歉」
不少網民認為A1所謂的客服行政時間有問題：「你哋做客服嘅就只番一至五，六、日全個部門全世界休息，但出親事搵客服就梗係多喺星期五晚、六同日，點解你哋唔可以on shift?」、「你都覆得，仲唔醒水叫個經理打住電話比個客道歉先，仲要個客等星期一」、「星期六日唔開工，唔回得個客都算，仲要個客留住件麵包等你啊？香港咩天氣？麵包擺兩日都發臭啦」、「仲要等你地 CS 返工覆 ? 比我就直接報食環，你地慢慢休息啦」。
A1 Bakery麵包藏鐵釘 網民留言：入微波爐真係爆炸
A1 Bakery麵包藏鐵釘事件引起大眾嘩然，有網民認真指出事件嚴重，指：「螺絲釘係有殺傷力，真係會死人! 」、「好在唔係放入微波爐」、「平時會放微波爐叮熱可能會爆炸」；亦有人批評A1麵包意外非首次：「Covid 時，我媽中招，佢想食A1 紅豆核桃包，我買了掛係佢屋企。第二日，佢淡然話『食到剩返一舊仔，見到有條鹽蛇乾屍係入面。』」、「我都試過， 打電話投訴，佢會叫你去返apm 鋪拎$10coupon 打發你」。
資料授權：
