極尚大瀛喜全新副線進軍荃灣！$268起任食刺身／鵝肝／花膠／焗海鮮

applepeggy

擦餐勁

極尚大瀛喜．$2XX食足3粒鐘！真藍鰭吞拿魚、鵝肝任點

  ✿╮❤╭✿ ✿雜感女生   好味日記✿ ˚*•✰。極尚大瀛喜．$2XX食足3粒鐘！真藍鰭吞拿魚、鵝肝任點。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤     ❤ 講起放題，好多人都會諗：「哦，又係嗰啲求其雪藏貨啦。」但今次我去咗「極尚大瀛喜」，真係唔同架！佢哋呢個價位，做到嘅嘢食質素，真心有驚喜。由坐低到埋單，足足三個鐘，我同班朋友由刺身掃到熱葷，再攻陷甜品區，個個都捧住個肚走，仲要一路行一路講：「抵到爛啦，好快一定要再encore！」 刺身海鮮陣：新鮮度滿分，回本首選 一坐低，梗係即刻狂點刺身拼盤啦！真藍鰭吞拿魚果然係新品主打，色澤亮麗，入口即融，油脂甘香真係同一般吞拿魚唔同層次，刺身同壽司兩食都咁正。大蝦刺身爽甜到不得了，帶子厚肉鮮甜，冰鎮鮑魚同象拔蚌都非常爽脆，一啲雪藏腥味都無。最誇張係，連魚子醬都可以任點！鋪喺煙三文魚米紙卷或者拖羅蓉塔上面，鹹鮮爆珠，即刻將成件事升呢。海鮮類仲有任食蟹腳同大頭蝦，蝦肉實淨，蟹腳都唔會空殼，抵讚！ 熱葷驚喜多：由中式煲仔到法式鵝肝 以為放題熱葷都係薯條雞翼？錯喇！佢哋嘅熱食認真有誠意。 •   川味香辣炒大頭蝦：鑊氣夠，蝦殼香脆，蝦肉彈牙，麻辣醬汁非常惹味，食到舔舔脷。 •   鮑汁花膠：真係落足料，件花膠厚身又大件，炆得腍滑入味，鮑汁濃郁，女士們一定鍾意。 •   枝竹羊腩煲：冬天食真係一流！羊腩份量足，炆得淋而入味，完全無羶味，枝竹索晒啲汁，十足十酒樓風味。 •   金銀蒜扇貝同泰式麻辣奶油蜆都係水準之上，蒜香濃郁，蜆肉肥美無沙。 其他必試 & 甜品胃 芝麻雞翼係放題定番，呢度做得皮脆肉嫩又多汁。榴槤控注意！甜品區嘅「極品榴槤王」絕對係亮點，榴槤肉香濃軟滑，質素拍得住外邊專門店。自助區仲有好多款蛋糕、泡芙同軟雪糕，真係睇見都開心。 總結：性價比之王，聚會首選 三個鐘頭，由高質刺身、矜貴食材到有鑊氣小菜，選擇多到眼花撩亂。飲品方面，除咗一般汽水，仲有清酒、啤酒任飲，加分！以二百幾蚊呢個價錢（視乎時段），「極尚大瀛喜」無論食物種類、質素同用餐時間，都真係冇得輸。侍應收碟、落單都好快手，態度友善。約埋大班朋友去，盡情大吃大喝，真係爽皮！     小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆   ❤   餐廳：極尚大瀛喜 地址：旺角彌敦道655號5樓 ❀ 感恩呢 ❤❤❤❤拍個好碼頭！❤❤ ❤❤ ❀ ☀(◕ܫ◕)✿ ❤❤❤❤❤❤❤❤ ❤❤❤合作及活動邀請❤❤❤ 歡迎聯絡Email:applepeggy168@gmail.com For Collaboration and Invitation, Please send to :  applepeggy168@gmail.com   這是純粹分享個人感受的小小後花園， 人人DNA不同，感受因人而異，特此聲明。   免責聲明： 本blog所發表的全部內容均屬個人意見及感受， 並不代表該店舖或品牌之言論及立場。 本blog提供的資料並不可視為詳盡及權威性的說明， 亦不可取代專業諮詢。 如需協助或希望獲得更多資訊, 請直接聯絡該品牌查詢或∕和尋求相關專業意見。 如引起任何損失或法律糾紛，本人概不負責。   (此文章由U Blog 同步發佈至社群)

Sik6sak1mai5

擦餐勁

極大瀛喜日本料理

全港首創分a/b餐放題！🤤和牛鵝肝任食！

全港第一間分A/B餐的放題店! 人均二百幾三百任食A5和牛海膽魚子醬同刺身🫡 話說小編好耐冇食放題,琴日心血來潮去食,真係要同大家分享吓🥰 呢間絕對係小編私心推薦嘅全港最好食放題!過百款美食任食,重點推介呢幾款必試✨ 🌟【必食】 🥩燒A5和牛配魚子醬 放題居然食到和牛配魚子醬!油脂香爆棚,入口即化又唔會漏,食多幾碟已經回本😙 🥪鵝肝多士 肥美鵝肝煎得香脆,配脆多士完全唔膩,encore左四五轉😍 🐟立鱗燒 呢個價錢食到立鱗燒真係抵到爛!魚鱗脆卜卜,魚肉滑溜,底層意粉吸盡精華,正🤓 🦀油鹽焗奄仔蟹 爆膏!蟹肉勁鮮甜,用油鹽焗做法保留原汁原味🤩 🫶🏻鱈魚乾海膽吞拿魚蓉Taco 創意十足!脆脆鱈魚乾夾住海膽同吞拿魚蓉,口感層次勁豐富😋 🍦【自助區推薦】 ▪️全港獨家Nutella醬機!即擠流心朱古力醬 ▪️Häagen-Dazs+雀巢雪糕任食 ▪️自製雪糕機+配料牆 杏仁碎､Oreo､彩針任加 ▪️燕窩鮮奶､麻辣冷盤､港式甜品､沙律水果區都係任拎 ▪️飲品櫃超過40款選擇,由汽水到特色飲品都有 荃灣店全線首創分A/B餐,A餐已經超多選擇,想好似小編咁任食A5和牛､鵝肝､奄仔蟹呢啲高級食材,B餐加多$80就食到,計落真係抵到笑🙂‍↔️ 環境方面大理石裝修夠豪華,座位闊落舒服,成間餐廳大到小編入去都呆咗😂放題嚟講質素真係無得頂,食材新鮮又有創意,難怪長期爆場!記住去之前要book位! 味道: 9.5/10 環境: 9/10 服務: 8/10 回頭率: 9/10 🤩 📍 極.大瀛喜 荃灣大壩街4-30號荃灣廣場6樓609-613號舖 #UCreator#自助餐#放題#香港美食#九龍美食#和牛放題#海膽放題#荃灣放題

finger cons

日式料理

極尚大瀛喜日本料理

午餐實現藍鰭吞拿自由

每隔一段時間又會想食吓放題,｢極尚大瀛喜｣嘅晚餐放題真係食咗好多次,午市放題就真係未試過,今次我到觀塘分店試吓午市放題,好彩有book位,估唔到都爆場,以為午市放題嘅食物種類點都會少啲,點知一樣咁豐富,一貫坐得舒服,上菜執枱效率高,而且價錢$258/ 1位,食足三個鐘好抵食｡ ⊙刺身 坐低一定係點轉刺身先,刺身款式依然好多選擇,我點咗三文魚､油金魚､吞拿魚､北寄貝､帶子､八爪魚,赤貝､赤蝦､甜蝦,象拔蚌⋯⋯點完好快上枱｡今次最鍾意係藍鰭吞拿魚,肉質柔軟夠新鮮,油金魚肥美,象拔蚌脆口勁鮮甜,淨係呢盤刺身已經超值,我點咗幾轉｡ · ⊙壽司 ⦿藍鰭吞拿魚壽司 午市可以無限任食藍鰭吞拿魚壽司,柔軟鮮味,配蔥絲更清新,我點咗好多,回本之選｡ ⦿ 炙燒焦糖鵝肝壽司 炙燒鵝肝表面焦糖化,入口微甜帶脆,口感綿滑有即溶嘅感覺,飯糰沾上鵝肝油,喺口中混和層次豐富,必食推介｡ ⦿ 鮟鱇魚肝池魚王壽司 池魚王勁鮮味,配鮟鱇魚肝味道濃郁｡ ⦿海膽手卷 手卷係迷你,一口一啖,最緊要飯係細細嚿,唔會食到飽晒,海膽鮮甜,encore之選｡ ⦿海膽拖羅蓉魚腩壽司 海膽拖羅蓉係絕配,劍魚腩肥美｡ · ⊙期間限定 ⦿油鹽焗膏蟹 係得觀塘分店嘅期間限定,當造嘅奄仔蟹爆晒膏,軟滑甘香,蟹肉都飽滿,鹽焗更能提升鮮味,奄仔蟹出面食價錢都唔平,食幾隻就已輕鬆回本｡ ⦿鐵板星級鵝肝多士 鵝肝夠大件,鐵板煎香外脆內軟,入口即溶,鵝油香氣充滿口腔裡,配脆脆多士,無得輸｡ · ⊙燒物 ⦿川燒珍寶鮮蠔燒 熱辣辣燒得好有水準,蠔肉新鮮大隻飽滿,鋪滿蒜蓉即叫即燒,啖啖充滿蒜香,juicy勁鮮味｡ · ⊙自助區 有多款前菜､翡翠螺､熟凍蝦､青口､麻辣小龍蝦､蟲草花花膠雞湯､蝦餃､燒賣､沙律､生果⋯⋯ ⦿飲品區 一排雪櫃放滿飲品,款式多過便利店,汽水､茶類､自家製冷泡茶,亦有啤酒類提供｡自由斟咖啡､冷熱清酒､梅酒､if椰青水⋯⋯ ⦿甜品區 凍櫃放滿泡芙､布甸､大福､乳酪⋯⋯名牌雪糕雪條款式都唔少,自助軟雪糕機俾你自己唧軟雪糕｡ #極尚大瀛喜日本料理@deluxedaieiki_kt 地址:觀塘觀塘道414號1亞太中心5樓 #日式放題#觀塘美食#香港打卡 #香港旅遊#香港必喝#香港放題探店 #香港放題店#香港好去處#香港推薦食品 #香港美食#香港美食推介#香港探店 #hkfoodies#foodieshk#hkigfood