Donki鮮選壽司在本年3月下旬就推出限時優惠，只要$280即可享受120分鐘的壽司放題，包括大拖羅、海膽、帶子等高級壽司。但這個計劃不但推出不久就突被店方改為「限量供應」，在今日（4月11日）就被宣佈要暫停供應，令不少人感錯愕。
Donki壽司放題$280任食突縮沙？網民怒轟如搵笨
Donki早前推出鮮選壽司放題$280任食120分鐘，惟在優惠推出不足一星期，店家就突然改「玩法」在門店放出告示，稱放題已改為限量供應，而且「每日限量」，售完即止。有網民在不知情下前往門店方知無法享用，大感「被耍」；另外都有大批網民抱怨指：「我山長水遠過去，兩日都話冇，係乜嘢玩法」、「我早上十二點鐘到，就已經話冇名額」、「又驚蝕又要出名，講到幾咁抵叫人去，去到又話今日滿咗。」
↓點擊圖片放大↓
另外有成功進店享用的網民則留言表示：「食唔到，好過食到，而家食緊，要乜冇乜，等運到甘。」 令不少欲支持的食客大感失望，批評店方根本「無心做」。
▼網民留言怒轟▼
Donki鮮選壽司放題暫停供應
而在4月11日今天，Donki鮮選壽司在社交平台上公告，壽司無限任食放題將於4月12日起暫停供應。貼文中沒講述暫停供應的原因，同時又向大家致歉：「不便之處，敬請原諒」。
可惜貼文底下的網民都不大接受Donki鮮選壽司的操作，紛紛留言：「不如執咗佢算啦😂放題都搞到咁乞衣」、「唔係諗過度過先做放題既咩？」、「未開始巳經結束！！！」、「垃圾 算吧啦 做乜都亂咁黎」、「好明顯係人嘅問題啦！搵返初初開張時候嘅推廣策略及營銷經理返嚟啦！」
甚至有留言直擊，鮮選壽司放題改「玩法」後能食到的人次極少：「算把啦，每時段得8個位都話做到蝕」不明白為什麼這樣也到虧本。
資料來源：Donki鮮選壽司
