近日有網民在社文平台發文，分享在連鎖日式火鍋放題餐廳的用餐經歷，其中一碟牛舌的薄切程度令食客略有不滿。網民看過圖片後亦忍俊不禁，笑言「紙巾都仲厚過佢」、「淨係食刀工都回本。」事件公開後，牛涮鍋所屬的叙福樓集團主席黃傑龍火速回應處理「燈影牛舌」風波，態度獲讚有擔當，負責任。
日式火鍋放題餐廳驚見「燈影牛舌」
日前有食客在Facebook群組「香港火鍋關注組」發文，批評日式火鍋餐廳「牛涮鍋」的牛舌片薄切到透明，直言「其實牛舌薄到咁樣，真係唔想食。」翻查牛涮鍋的餐牌，的確有供應「薄切牛舌片」，薄切牛舌的口感主打爽脆彈牙，嫩中帶脆，然而這碟牛舌卻薄如蟬翼，薄到透光，似展示好刀功多於上菜。
↓點擊圖片放大↓
網民：要刨到咁薄都唔易
帖文發布後火速引來網民回覆，有網民笑言「咁都唔爛，勁」、「淨係食刀工都回本」、「要刨到咁薄都唔易。」亦有人揶揄該改名為「燈影牛舌，名菜嚟」，並建議順勢推出牛豬雙拼，「薄命鴛鴦。」有網民則認為雖然圖中的牛舌「唔足料」，不過牛涮鍋供應火鍋放題，「咁叫多啲咁咪為返條數。」
黃傑龍發文回應：會確保變返正常標準
牛涮鍋屬於叙福樓集團旗下的日本菜餐廳，帖文下方亦有不少人標記該集團主席及行政總裁黃傑龍，黃傑龍今早火速回應事件。黃傑龍的帖文嚴肅又不失幽默，他指「我經營咗牛涮鍋超過十五年，從來沒有員工有如此超卓刀功/刨功，可以生產出如此完美的燈影牛舌」，風趣地表示會考慮調派涉事員工負責四川菜。最後，他承諾「如此誇張的超薄牛舌再唔會喺牛涮鍋出現，會確保變返正常標準。」
回應獲大批網民畀「哈哈笑」及讚好，欣賞黃傑龍的態度，「大佬起碼肯承認公司嘅問題」、「黃生除咗係一位好老闆，仲係一個出色嘅marketing人才」、「Simon真係世一公關」、「下下靠老細出嚟拆彈。」有網民亦趁機留言發表自己用餐體驗，亦有網民估計集團是否透露即將開川菜餐廳的計劃。
