中環美食｜中環餐廳｜中環海景餐廳｜中環摩登華麗新派中菜廳「唐述Chinesology」最近推出了時令滋味大閘蟹套餐，將鮮美的秋蟹融入多道菜式中，當中菜式包括椰皇蛋白蒸大蟹鉗、大閘蟹黃金山翅、蟹肉香煎八寶糯米飯、酥皮焗溏心鮑魚、花雕浸溏心富貴蝦及桂花烏龍茶煙燻脆皮雞等。每位另加錢還可額外享用六両大閘蟹一隻，十天前預訂更可享85折早鳥優惠，想食的朋友記住及早預訂啦～
唐述⼤閘蟹套餐價錢+詳情：
<<按細圖查看唐述⼤閘蟹套餐菜式圖片>>：
20年古越龍山花雕浸溏心富貴蝦，以富貴蝦為主料，經過20年陳釀的古越龍山花雕酒浸泡，蝦肉吸收了酒香，口感滑嫩，上菜後更會即席噴上少許花雕酒，風味非常獨特。
椰皇蛋白蒸大蟹鉗匯聚清甜、鮮美與嫩滑於一身，以椰皇水、椰皇肉及蛋白製作的香嫩蛋白，搭配清蒸的蟹鉗，蟹肉的厚實鮮美與椰香相得益彰，口感味道豐富。
酥皮焗溏心鮑魚，將溏心鮑魚包裹在酥脆的外皮中焗烤，外焦內嫩，多重口感；珍寶珠這款甜點以珍寶珠形態的自家製作雪葩配搭桃膠，清新香甜。
享用大閘蟹套餐毎位另加$288可額外享用六両大閘蟹一隻，嚴選⾜六両⼤閘蟹公蟹，食落都鮮味爆膏；桂花烏龍茶煙燻脆皮雞，以桂花和烏龍茶煙燻脆皮雞，煙燻香氣四溢，食落外皮酥脆，肉質嫩滑同時帶陣陣茶燻香氣，非常出色！
鹽鮮蒸野生馬友魚伴翡翠白玉杯，以鹽蒸的方式保留了野生馬友魚魚肉的鮮嫩，搭配翡翠冬瓜白玉杯及桃膠，擺盤賣相精緻；蟹肉香煎八寶糯米飯，將蟹肉、八種食材和糯米飯巧妙融合，層次豐富，香氣四溢，是一道充滿特色的主食。
甜品方面，珠光寶盒是一道收藏在珠光寶盒內的甜品，甜品以一串圓球狀呈現，賣相精緻華麗，外層是脆脆開心果白朱古力，內裡則包裹著口感軟滑的開心果雪糕，開心果味香濃同時口感驚喜十足；薑茶湯圓，湯圓內餡香甜，搭配熱薑茶，暖心又暖胃，完美作結。
唐述 CHINESOLOGY
地址：香港中環國際金融中心商場3樓3101號舖
預訂請電：（852) 6809 2299
網頁：https://www.chinesology.com/?lang=zh
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
同場加映：【簡易廚房】最新影片
人氣餐廳排名
-
打卡熱點
帝逸酒店
秋風起，蟹宴開，7両大閘蟹套餐滋味🦀🦀🦀
早排去咗沙田帝逸酒店「逸軒」食大閘蟹，中菜廳由人氣行政總廚李家鋌師傅主理，師傅用上當造肥美江蘇大閘蟹，結合創意及精湛廚藝，設計一系列精美蟹菜式。 逸軒金秋蟹宴 (每位$988) 🥢逸‧拼—蟹粉蟹肉脆皮雲吞 | 天府口水汁鴛鴦雞卷 | 燒椒醬輕煎去殼富貴蝦 前菜脆皮雲吞炸得好鬆脆，蟹粉份量完全無手軟，味道甘香，而富貴蝦嘅瀨尿蝦輕輕煎過，燒椒醬入面加入蝦油令味道更濃郁更惹味，好吃。 🥢逸‧湯—原個椰皇濃湯燉花膠 燉湯用上原個椰皇，奶白色湯頭好吸引，而椰子焗過後帶出椰子油令湯頭更香濃，花膠好大片而且腍滑，好滋補! 🥢逸‧藝—清蒸江蘇大閘蟹（7兩） 配沖繩黑糖薑茶 大閘蟹用上公蟹，非常足両，大閘蟹蟹膏滿滿，非常甘香美味，而蟹肉亦好鮮甜，配上師傅特別烹調嘅蟹醋，更加鮮味。 🥢蒜煎336小時熟成日本豬 豚肉片非常軟腍，豬香味道好濃郁，同時用上蒜芯、蒜蓉及炸蒜片令味道更豐富。 🥢蟹粉蟹肉燴冬粉 每啖冬粉都沾滿蟹粉，鮮味無窮。 🥢逸‧匠—羽衣甘藍二少爺炒飯 用上燒鴨粒、紅蔥頭，仲有精華所在豬油渣，每一口都好豐富，而且炒飯好乾爽，調味剛好，好吃！ 🥢逸‧嚐—甜品薈萃 最後食埋甜品非常滿足，有興趣嘅朋友不妨睇下，套餐推廣至12月8日，需要3日前預訂。😉 #UCreator#好去處#打卡美食#打卡
閱讀更多
-
打卡熱點
逸軒
今晚砌猛男
今晚我又陪老婆大人去食大閘蟹!聽講今晚佢要會一會猛男,作為一個貼身吖係貼心嘅老公梗係要陪住佢去啦｡ 呢一餐我哋去咗帝逸酒店嘅逸軒嘆大閘蟹,嚟呢度食記住要提前72個鐘預訂,唔係嚟到冇得食就唔關我事呀｡ 今日食嘅叫做金秋蟹宴,呢個餐總共有九味菜好多嘢食,我咁大食都要捧住個肚走｡ 淨係前菜都有三樣咁多!呢個係蟹粉蟹肉脆皮雲吞,脆卜卜嘅蟹肉雲吞點啲甘香嘅蟹粉食落口感好好,特別鍾意佢入面炸咗嘅龍爪菌真係好鬼爽口｡ 呢件好似太極咁樣嘅叫做天府口水汁鴛鴦雞卷!原來佢係用咗黃油雞同埋竹絲雞嚟兩溝,配個好香但唔算太辣嘅口水汁真係好鬼惹味｡ 跟住呢味燒椒醬輕煎去殼富貴蝦真係啱晒我呢啲懶人!因為師傅已經將瀨尿蝦嘅殼去晒,可以一啖擺入口食爽到不得了,呢個醬唔係妖辣嘅食落去麻麻嘅口感,加埋瀨尿蝦嘅鮮甜真係食得好過癮｡ 跟住呢碗湯就不得了喇!呢碗係椰皇濃湯燉花膠,佢有好濃郁嘅椰子香味仲越飲越香甜,入面有一件厚厚嘅花膠在場嘅女士飲得非常開心,大叔嘅我對呢件花膠亦都非常受落｡ 點解話今晚要砌猛男!咪就係因為呢隻大閘蟹公足足有成七両咁重囉｡ 呢隻大閘蟹膏都好夠金黃色嘅蟹膏食落去好甘香唔錯呀｡ 有老婆大人服侍將啲蟹腳拆晒肉俾我食,你話啲蟹肉又點會唔甜吖哈哈｡ 食完大閘蟹有呢碗沖繩黑糖薑茶暖胃,入面仲有一朵手工嘅豆腐花,連碗薑茶都靚到咁師傅想攞人命咩｡ 跟住呢個叫做蒜煎336小時熟成日本豬!熟成過嘅豬肉味食落去更加濃郁,配埋蒜片同蒜心一齊食口感十足好味道｡ 呢個咁晶瑩剔透嘅係蟹粉蟹肉燴冬粉!冬粉即係粉絲將啲蟹粉同蟹肉撈勻食爽口彈牙又鮮味｡ 最後仲有呢碗羽衣甘藍二少爺炒飯!炒得好乾爽嘅飯粒入面仲有帶子同豬油渣,鮮同香一齊襲擊我個口感覺真係好幸福㗎｡ 甜品有紫薯桂花冰粉同埋芝麻糕! 紫薯桂花冰粉個樣咁鬼靚老婆大人鍾意到不得了!食落去有爽滑嘅冰粉同埋香甜嘅紫薯粒,唔使加黑糖都已經好好味,另外芝麻糕食落去都好爽滑芝麻味夠香濃｡
閱讀更多
-
中式料理
帝逸酒店
逸軒金秋蟹宴 !
秋意漸濃，又係食大閘蟹的最好時機，今年你食咗未？ 沙田帝逸酒店內中菜廳「逸軒」，由行政總廚李家鋌師傅帶領，團隊嚴選當造又肥美的江蘇大閘蟹，加上精湛的廚藝，創造出全新的「逸軒金秋蟹宴」(供應日期由即日起至12月8日 及 需提前72小時預訂），令食客能品嚐到豐腴甘香的大閘蟹美食。 套餐包三味前菜、燉湯、二味主菜、冬粉、炒飯 及 甜品。三道前菜分別係蟹粉蟹肉脆皮雲吞、天府口水汁鴛鴦雞卷 及 燒椒醬輕煎去殼富貴蝦。 蟹粉蟹肉脆皮雲吞～ 外層炸得酥脆，中間包裹着新鮮的蟹肉，旁邊放有色香味濃的蟹粉，每一口也帶出鮮味；而外層酷似珊瑚的龍爪菌，是武夷山脈特產野生菌菇，口感嫩脆爽口，芳香宜人，更有效降低血中的膽固醇和甘油三酯水平等功效。 天府口水汁鴛鴦雞卷～ 大廚選用鮮嫰帶韌性的烏雞肉，配上秘製麻香的口水汁，微辛辣香味，更有效提升味覺的享受。 燒椒醬輕煎去殼富貴蝦～ 富貴蝦俗稱瀨尿蝦，大廚非常貼心，先把蝦殼去除後再輕煎，配上秘製炒成的燒椒醬，食落肉質細嫩又鮮味，滋味無窮。 之後上枱的是「原個椰皇濃湯燉花膠」，食材非常豐富，內有螺頭、赤肉、雞肉及椰子等，湯底清甜又滋潤，帶有濃郁的椰子香味，厚身花膠蘊含豐富膠原蛋白，與椰香相結合，滋味倍增；飲完還可輕易把椰肉刮出食用，更覺滿足。 清蒸江蘇大閘蟹（7兩）配沖繩黑糖薑茶～ 大廚選用產自江蘇近七兩重的巨型公蟹，打開蟹蓋，呈現滿滿金黃甘香的蟹膏，蟹肉鮮甜幼嫩，入口豐腴滋味；由於大家忙於拆蟹，場面立時安靜下來。之後配上這杯頗有辣度的「沖繩黑糖薑茶」，立時有驅寒暖胃的感覺，薑茶中放有杞子、葉片及切成菊花形狀的豆腐，香滑可口，也提升了視覺效果。 蒜煎 336小時熟成日本豬～ 大廚使用經過336小時(14日) 熟成的優質日本豬肉，肉質還保留淡淡粉紅色，口感柔嫩幼滑，肉味香甜，肉汁豐盛，配上旁邊的細鹽，更能突顯肉香；蒜片炸得香脆，翠綠色的蒜芯，味甜鮮嫩又爽口，很出色的菜式，非常喜歡。 蟹粉蟹肉燴冬粉～ 混合在一起的蟹粉及蟹肉，味道香濃，配上清淡具嚼勁的冬粉，真是非常適合；看似簡單，其實冬粉在吸收了蟹香的精華，味道濃厚又滋味，不錯吃。 羽衣甘藍二少爺炒飯～ 炒飯中加入大大粒軟嫩的帶子、香濃的燒鴨粒及炸得酥脆的羽衣甘藍，金黃色的米飯粒粒分明，加上本地豉油，鹹鮮有致，層次豐富，甚是滿足。 甜品薈萃(紫薯冰粉薑汁 及 芝麻糕) 冰粉外觀晶瑩透明，口感清涼，能有效解暑降溫；冰粉中加入帶有淡淡甜味的紫薯，最後加入適量的薑汁糖水調味，食落不會過甜，更帶有少許薑的辛辣味，冰涼又好味！ 旁邊放有軟糯香滑的「芝麻糕」，食落甜而不膩，芝麻味香濃；吃完甜品，也正式完成今次的晚餐。 「逸軒金秋蟹宴」推廣日期由即日至2024年12月8日，每位HK$988；套餐更可以優惠價另加雄蟹每隻HK$248（每隻約7兩），另收加一服務費；記得要提前72小時預訂。 #沙田 #帝逸酒店 #逸軒金秋蟹宴 #蟹粉蟹肉脆皮雲吞 #天府口水汁鴛鴦雞卷 #燒椒醬輕煎去殼富貴蝦 #原個椰皇濃湯燉花膠 #清蒸江蘇大閘蟹（7兩） #沖繩黑糖薑茶 #蒜煎336小時熟成日本豬 #蟹粉蟹肉燴冬粉 #羽衣甘藍二少爺炒飯 #甜品薈萃 #推廣日期到12月8日 #逸軒 地址: 沙田源康街1號帝逸酒店2樓 電話: 36531112 #沙田 #帝逸酒店 #逸軒 #逸軒金秋蟹宴 #蟹粉蟹肉脆皮雲吞 #天府口水汁鴛鴦雞卷 #燒椒醬輕煎去殼富貴蝦 #原個椰皇濃湯燉花膠 #清蒸江蘇大閘蟹（7兩） #沖繩黑糖薑茶 #蒜煎336小時熟成日本豬 #蟹粉蟹肉燴冬粉 #羽衣甘藍二少爺炒飯 #甜品薈萃 #推廣日期到12月8日 (此文章由U Blog 同步發佈至社群)
閱讀更多
