啟德全新地標商場——啟德SOGO雙子塔於2024年11月15開幕。雙子匯The Twins兩幢大樓均樓高22層並設有4層地庫，共佔地近110萬平方呎。雙子匯Tower I有全新的崇光啟德店，Tower II則有零售及生活品味綜合空間「三道SNDO」，同時設有超市、戲院、餐廳等。以下小編為大家精選幾間The Twins餐廳美食。
啟德全新地標商場「雙子匯The Twins」正式開業。小編為大家精選幾間雙子匯The Twins餐廳美食，記得留意啦～
<<按細圖快速查看雙子匯The Twins推薦餐廳>>
啟德SOGO｜精選雙子匯The Twins餐廳 (按圖率先睇)
OKOSTA - 大阪正宗御好燒
囍雲軒 - 氣派歐陸風酒樓
新泰東南亞餐廳 - 地道泰國美食
Yanbaru Gelato - 到沖繩必吃雪糕
Fufuland - 舒芙蕾專門店
啟德雙子匯The Twins往返方法
啟德雙子匯The Twins美食│OKOSTA - 大阪正宗御好燒
OKOSTA在大阪非常有名，提供正宗御好燒。不僅有什錦燒菜單，還準備了不使用豬肉以及素食選擇。必食廣島燒，將麵團、魚粉、高麗菜、豬肉、麵條等食材堆疊煎燒而成，一口就有多重口感。
圖片來源：FB@OKOSTA
啟德雙子匯The Twins美食│囍雲軒 - 氣派歐陸風酒樓
囍雲軒走歐陸式花園主題，特高樓底上掛滿花草，氣派優雅又打卡。食物方面亦有特色，例如有盆栽裝飾的蘿蔔酥、放在雀籠的下午茶點心及士多啤梨味叉燒餐包，每樣都非常精緻創新。
圖片來源：FB@囍雲軒
啟德雙子匯The Twins美食│新泰東南亞餐廳 - 地道泰國美食
新泰東南亞餐廳提供多款泰國、越南、星馬菜式，而且廚師來自泰國，味道相當地道。必吃招牌菜有酥炸香茅魚、蟹肉炒粉絲及泰式菠蘿炒飯等。
圖片來源：FB@新泰東南亞餐廳
啟德雙子匯The Twins美食│Yanbaru Gelato - 到沖繩必吃雪糕
來自日本沖繩的Yanbaru Gelato堅持於島嶼間尋覓原材料製作手工雪糕，與傳統雪糕相比有更低卡路里及糖份，基底脂肪同樣較少。必試沖繩人氣的今歸仁西瓜、燦燦芒果、黃金菠蘿及勝山香檸味等，口味亦會將按季節變更。店內同時供應意式手工雪糕沙冰，及不含咖啡因的沖繩花草茶。
地址：香港九龍啟德沐翠街12號雙子匯二期地下G16號舖
營業時間：星期一至四 12:00 – 21:00 | 星期五至日 11:00 – 22:00
啟德雙子匯The Twins美食│Fufuland - 舒芙蕾專門店
人氣梳乎厘班戟Fufuland供應近10款即製梳乎厘Pancake，當中必試香港限定的薄荷朱古力舒芙蕾。另外抹茶柚子、海鹽Oreo、北海道牛乳口味都非常有人氣。除了梳乎厘班戟，fufuland亦供應梳乎厘軟雪糕。
啟德雙子匯The Twins往返方法
雙子匯The Twins位於啟德車站廣場及啟德大道公園旁，可於港鐵屯馬線啟德站B出口步行2分鐘
人氣餐廳排名
-
日式料理
OKOSTA 御將燒
好味大阪燒
Okosta,一間好有氣氛既餐廳，位於啟德雙子匯1期，午市食鐵板大阪燒，可以坐響吧枱前面睇住職員點煮好治癒同有玩味，職員服務態度好好，食物即叫即整，炸雞塊肉質嫩滑。大阪燒食落好有層次同口感，又唔會好油膩，用小鑊鏟切開黎食唔錯，入面有不同既醬汁口感，又有蔬菜同雞蛋既香。 炸雞小食好嫩滑同juicy,唔鞋口既。 牛肉丼飯包埋牛旁條同麵豉湯好健康，牛肉洋蔥都係睇住師傅用鐵板即炒，獲氣好夠。 炸豬扒：外層香脆粉漿岩岩好，望住街景食飯好寫意。 餐廳: 御將燒 OKOSTA (啟德) 地址：九龍城啟德協調道12號雙子匯1期食匯堂12樓1號舖 #日本菜 #OKOSTA#御將燒#廣島燒#鐵板燒#Teppanyaki#TheTwins#Otafuku#日本過江龍#九龍城#九龍城美食#香港美食#follow4followback#foodphotography#foodie#foodporn#hkfoodie#foodstagram#hkfoodieblogger#拉麵
閱讀更多
-
香港攻略
OKOSTA 御將燒
啟德都食到廣島燒💫💫
三百幾蚊一個人嘅鐵板燒dinner set,未食之前覺得幾抵,但食完唔太飽,性價比即刻冇咁高｡不過整體味道有驚喜位,值得一試｡ 🥚 明太子玉子燒(全晚最好食) 平時嘅玉子燒都偏甜,但呢個完全冇嗰種感覺｡明太子鹹香,蛋層滑嫩,兩者平衡得好好,係令人印象深刻嘅一道｡ 🐟 鐵板海鱸魚 正正常常,煎得皮脆肉嫩,但冇特別驚艷｡ 🦆 鵝肝廣島燒 同一般大阪燒唔同,大阪燒係將麵糊､椰菜､肉片等混合一齊煎,再淋醬汁同海苔粉;而廣島燒係分層製作,先煎麵皮,再疊上大量椰菜､肉､炒麵,最後加蛋反轉,口感更豐富｡呢度仲加埋鵝肝,食落比傳統大阪燒更濃郁邪惡｡ 🍰 是日甜品(朱古力蛋糕) 唔係有膠味嗰種朱古力蛋糕,已經算係咁上下,正常發揮｡ 總結 三百幾蚊,食物有水準,尤其明太子玉子燒同鵝肝廣島燒有特色｡但份量偏少,男士可能唔太飽｡如果係為咗體驗鐵板燒,可以一試;如果追求飽肚感,可能要加嘢食｡ 📍 OKOSTA 御將燒 啟德協調道12號雙子匯12樓1號舖 #鐵板燒#明太子玉子燒#鵝肝廣島燒#香港美食#性價比
閱讀更多
-
泰國菜
雙子匯 1期
啟德新商場 新泰好正😋
啟德SOGO開咗之後,終於有時間去行街!新商場零舍舒服,仲有浸新裝修嘅味道😂 行完街就上咗樓上食新泰,裝修企理,地方闊落,餐牌選擇多,價錢合理! 先食蒜蓉越南牛油雞翼,一客有六隻,份量唔少啊!雞翼外皮香脆,裡面肉質鮮嫩juicy,搭配蒜蓉同牛油嘅香氣,一人三隻真係冇難度😂 燒豬頸肉都係必食推介!豬頸肉非常入味,肉質柔軟,燒完嘅外表帶有一點焦香,配上特製醬汁,惹味又好食😋 越式蟹肉炒粉絲味道相對比較清淡,粉絲滑順唔油膩,鋪喺粉絲上面有好多蟹肉,仲有好多色彩繽紛嘅配菜,好足料👍 最後仲食咗兩個甜品😂 芒果黑白糯米飯同埋椰汁千層糕~ 椰汁千層糕口感滑嫩,我鍾意分開逐層食,每一層都充滿椰香! 呢度真係唔錯,下次大伙兒可以再食! #泰菜#泰國美食#UCreator#美食推介#Foodie #浪漫旅人祭#輕鬆出遊
閱讀更多
