北角歷山酒店自助餐優惠 送智利大鮑魚！任食生蠔／鱈場蟹腳／香煎鴨肝／鮑魚／避風塘炒皇帝蟹

A美食焚化爐

擦餐勁

歷山餐廳

「海鮮交“饗”樂」 @ 歷山餐廳 ( 北角歷山酒店 )

過去既母親節，大家去邊度慶祝？ 點都好，可以的話就不如留港消費。 今次就介紹歷山酒店既自助餐，尤其是相對於第一次去，家陣感覺佢係越做越進步，加上地點就腳，由炮台山地鐵站沿天橋行過去幾分鐘就到，超方便。 供應期由即日至 2025年6月28日 星期五六及公眾假期前夕晚上6時30分至9時30分（ 不適用於 6月14日） 網上商店預付七折折實價連原價加一成人$550.4/ 長者星期五$397.6/ 星期六及公眾假期前夕$454.4/ 小童$278.4/兩大一小 $1135.6   而父親節當天，每圍送上白酒一支及水杯。   詳情可上KK DAY 官網睇睇。   ( KK DAY 優惠傳送門 )   焗時令海鮮袋配蒜蓉包 原包送上，份量是按人頭計，材料非常豐富，有蟹腳、帶子、青口、海班片、海蝦及魷魚。   上檯時服務員會把袋剪開，熱辣辣地倒出，用蒜蓉包沾一下湯汁，就更惹味。   即開美國生蠔 另一個亮點是即開美國生蠔，不過每次只限取三隻，以保持新鮮度，而且就算是美國蠔，都已經不是大而無當的級數，都幾平均下。   生滾粥 即煮的蟹粉鮑魚海鮮粥，內有鮑魚、海蝦及青口，粥底幾綿，不錯。 刺身 係香港自助餐中，歷山的雖不是最強，但已經好夠誠意，有紅蝦、赤貝、帶子、八爪魚、吞拿魚、油甘魚及三文魚，晒多而且質素好好。   香煎鵝肝 好邪惡既煎鵝肝，就最好即刻食，油香滿滿的感覺真好。   海鮮 有蟹腳、青口、凍蝦及翡翠螺，種類不多，但質素取膀。   熱葷 中式有椒鹽大蝦、辣汁煮翡翠螺、蠔皇蝦膠釀海參 、鮑汁螺片燴花膠、清蒸沙巴龍躉、翠綠花姿蝦仁及蒜香砵酒汁燴鰻魚。   話時話，所有中式熱葷都食均，好有宴會菜的感覺。   西式有必食既紅酒汁燒牛小排以及外層香脆的芝麻脆魚柳伴芒果醬。  其他仲有香煎豬里脊配蕃茄醬、檸檬香芹忌廉蜆肉長通粉、 烤三文魚柳配香橙牛油汁、松露醬百里香烤薯仔及芝士忌廉焗西蘭花。   鐵板燒 除了牛排，又有雜錦串燒，有菠蘿、牛柳粒、牛舌及大蝦。   燒菠蘿真係好正，又甜又香。   沙律 想食得清少少，可以試下佢地雜莓蟹肉彩虹青瓜沙律、香芒薄荷菠蘿海鮮沙律、薯仔沙律、紅菜頭沙律、蘋果沙律或意粉沙律 。   Cold Cut 有煙挪威三文魚、莎樂美腸、凍肉腸同埋巴馬火腿配蜜瓜。   湯品 燉湯我最鍾意，同太太一人一盅羊肚菌花膠燉雞湯，醇厚芳香，甜美可口。   另外兩款湯是南瓜蟹粉素翅羹及粟米忌廉湯。   甜品 雪糕是Movenpick 有瑞士朱古力、雲呢拿、草莓、Espresso、椰子以及薄荷，全部都係迷你版，既衛生又可以食多幾杯。   凍櫃內有木糠布甸蛋糕、栗子蛋糕、朱古力慕絲杯、柚子凍糕、香蕉蛋糕、水信玄餅配沖繩黑糖、蝶豆花布甸、意大利奶凍、焦糖布甸。   另外有雜錦曲奇、蛋白杏仁茶及班蘭雞蛋仔。   講真雞蛋仔又真不錯，香脆的外層，配杯雪糕無得輸。   太太就鍾意個蛋白杏仁茶，夠甜滑又養顏。   飲品有齊紅白酒、啤酒、汽水、橙汁同蘋果汁，啱晒我。 Facebook 專頁 : 歷山酒店   地址 : 北角城市花園道32號歷山酒店大堂樓層   電話 : 3893 2868   味道 : 4  環境 : 4  服務 : 5  衛生 : 5  抵食 : 4  位置 : 4   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #自助餐 #北角 #美食焚化爐 #歷山餐廳 #歷山酒店 (此文章由U Blog 同步發佈至社群)

Joelleman

親子

歷山餐廳開餐🤤！安格斯海陸盛宴！🥩🦞

最近朋友都會去歷山餐廳食buffet,話物超所值｡把持唔住嘅我結要帶兩個寶貝嚟覓食一探究竟😋 歷山餐廳最近推出全新主題｢阿根廷安格斯海陸盛宴｣自助晚餐,精選頂級得獎穀飼安格斯牛肉同多款鮮味海鮮,聽到個主題就已經知道啱晒我哋胃口｡ 喺即切烤肉區嘅燒穀飼阿根廷安格斯肉眼牛扒 MB2+ 真係不得了,外層微焦酥香,肉質嫩滑細膩,食落有豐富嘅肉汁｡我都唔記得自己同老公食咗幾多塊🥩 而Kelsey 就鍾意食燒加拿大豬鞍,以天然飼料,無激素添加嘅方式培育,食得更加安心｡豬肉油脂分布均勻,食落嫩滑,啱晒小朋友🫶 煎鴨肝伴西瓜配陳醋,鴨肝外脆內嫩,入口即化,配上微烤嘅西瓜淋上陳醋,解膩又增添層次感｡ 我去自助餐最鍾意揀啲有生蠔食嘅🦪呢度嘅生蠔大隻又飽滿,即叫即開,超級新鮮❤️ 刺身料理專櫃嘅刺身,亦啱晒我口味😋 帶子､紅蝦､油甘魚､赤貝､八爪魚､吞拿魚､三文魚全部都非常鮮甜｡紅蝦仲要大大隻,食起上嚟勁開心🥰 Kelsey 都不甘示弱,我第一次見佢食鱈場蟹腳係自己落手處理👍🏻👍🏻仲要食得好滋味 餐廳嘅熱食都好多款式,啱晒小朋友同老人家,有清蒸沙巴龍躉､翠綠花姿蝦仁､菠蘿脆皮咕嚕黑毛豬肉､燒香草春雞､南瓜野磨菇忌廉汁蝴蝶粉､脆炸軟殼蟹等多到數唔晒｡阿根廷招牌海鮮飯,用多款鮮味食材製作,米飯吸晒海鮮同蔬菜嘅精華,香到忍唔住食多幾啖!羊肚菌花膠響螺燉雞湯,滋補又清甜🥣 晚市每枱送焗牛骨髓配蒜蓉多士一客,牛骨髓香氣迫人,入口即化,味道香濃🐮 食到最尾點少得甜品🍧 Movenpick 雪糕､士多啤梨蒙布朗､阿根廷果醬撻､檸檬伯爵茶慕絲蛋 糕,白朱古力車厘子慕絲杯,朱古力忌廉芝士蛋糕等等,加上仲有紅白餐酒同啤酒汽水可以無限暢飲,係食自助餐最開心嘅事😜而Kelsey亦都食咗今年第一個生日蛋糕,最開心嘅當然係佢啦🎂 🕌歷山餐廳｢阿根廷安格斯海陸盛宴｣ 🔸自助晚餐- 星期五及六 1830-2130 網上商店預付7折折實價連原價加一;成人$550.40| 長者星期五$397.60 /星期六$454.40|小童$278.40| 兩大一小$1,135.60 🔸仲有生日優惠🎂6個成人埋單,當月生日嘅壽星免費,仲有生日蛋糕送(2人以上送半磅,7人以上送1磅),記得提前兩日預訂呀! @hotelalexandrahongkong 歷山餐廳 北角城市花園道32號歷山酒店大堂 #歷山酒店#歷山餐廳#HotelAlexandra#Buffet#香港美食#ULifestyleApp#UCommunity#UCommunity社群#UCreatorhk#我的打卡地圖#100個港人推介親子好去處

asheryuen2019

擦餐勁

歷山餐廳

11歲或以下小童免費自助餐😍

炮台山歷山餐廳推出網店預購優惠，除咗成人7折同六送一生日優惠之外，每兩位付費成人仲可以免費帶一位11歲或以下小童享用自助晚餐，兩大一小連加一人均都只係$378.5。👍🏻 歷山餐廳而家自助晚餐主題係海鮮同東南亞美食，最吸引食物包括即開生蠔、香煎鴨肝、龍蝦喇沙、鱈場蟹腳、凍鮑魚同燒澳洲西冷，另外羊肚菌花膠響螺燉雞湯都係任攞，東南亞美食就有肉骨茶、星洲胡椒蟹。甜品選擇都多，最吸引就係芒果拿破崙同埋Mövenpick雪糕。😋 晚市自助餐由18：30至21：30，價錢已包括無限暢飲紅酒、白酒、啤酒、汽水同果汁，性價比好高。👍🏻 歷山餐廳 地址：城市花園道32號歷山酒店大堂 網店預購優惠連結： https://eshop.hotelalexandrahk.com/zh/cafea #UCreator#自助餐 #hotelalexandrahk#小童免費#炮台山美食#歷山酒店#歷山餐廳#海鮮自助餐#即開生蠔#香煎鴨肝