Netflix 真人實景節目《黑白大廚》爆紅，20名星級大廚「白湯匙」同80名無名廚師「黑湯匙」之間嘅廚藝較量令人相當緊張！10月8日就會正式播出最後2集，小編都好想知邊個會贏，仲好想去佢哋餐廳食嘢！一眾網民又有咩意見？仲笑言拍港版一定要搵佢哋！即睇參賽者餐廳名單+網民討論！
------
►詳情懶人包
------
►立即下載U Lifestyle App
►立即追蹤「吹水」主題
------
1. 拿坡里美味黑手黨 (最後8強)
個人IG: @napolimatfia
餐廳IG: @viatoledo_official
擅長烹調意大利菜嘅「拿坡里美味黑手黨」成功入選最後8強，成為奪冠大熱！佢係節目中以簡單食材製作出嘅「栗子提拉米蘇」更加係驚艷全場。佢係首爾經營嘅意式餐廳「Via Toledo Pasta Bar」早已有超高人氣，食過嘅人都大讚佢嘅「招牌意式燉飯」！
網民：「真係會想嫁畀拿坡里美味黑手黨，佢穩重聰明、態度得體，而且仲可以成日食好味嘅意粉！」
2. 三星 (最後8強)
個人IG: @scottiey_
餐廳IG: @tridseoul
「三星」係目前韓國唯一米芝蓮三星主廚，曾經任職於三間米芝蓮三星餐廳，依家於首爾狎鷗亭經營自己嘅高級法式餐廳「트리드trid」，餐廳亦連續三年獲得米芝蓮指南推介！餐廳菜式賣相相當精緻，有機會一定要試試~
網民：「三星烹飪時好有魅力」、「係廚房界宋仲基!」、「黑框眼鏡係本體唔好除!」
3. 阿姨無菜單料理一號 (最後8強)
個人IG: 無
餐廳: 즐거운술상
「阿姨無菜單料理一號」以製作美味嘅韓式美食晉身8強，佢所經營嘅係一間位於首爾 東大門嘅無菜單韓式料理，熟練而精確嘅調味成功令阿姨俘虜咗不少當地人嘅味蕾，大家飛去韓國一定要試試！
網民：「真係好想為咗一試阿姨嘅無菜單料理飛去韓國!」
4. 料理狂人 (最後8強)
個人IG: @ynncook
餐廳IG: ＠deepin_seoul
「料理狂人」只要一煮食就會進入「狂人」模式，做事盡情投入又認真嘅個性亦成為令佢晉身最後8強！佢現職於法式餐吧「Deepin」，慢煮牛扒、醃製羊扒卷等都係佢嘅拿手菜式！
網民：「料理狂人性格狂躁但反而好真實，係個好有個人特色嘅廚師」
5. 中華料理女神
個人IG: @eunyoungo__o
餐廳IG: @grandmajesticsichuan
估唔到「中華料理女神」原來係喺香港嘅高級川菜餐廳「Grand Majestic Sichuan」做副總廚，大家唔使飛都係機會試到大廚嘅手勢！餐廳位於中環，主打以創新煮法重新演繹多款四川經典菜餚，裝潢亦非常華麗，想試就要快啲訂位喇~
網民：「學女神試煮咗冰花東坡肉煎餃，真係幾好食!」
6. 123
個人IG: ＠kj_bae
餐廳IG: ＠bornyon_seoul
「123」任職於評審安成宰嘅米芝蓮餐廳「Mosu」，現職於首爾炭火Fine Dining料理餐廳「Bornyon」，以炭烤方式帶出韓式美食嘅鮮味。餐廳環境亦相當雅致，可以觀賞到市區嘅景緻~
網民：「123靚仔又有實力，值得復活!!」
7. 外送員廚師
個人IG: ＠chulgabangchef
餐廳IG: ＠doryang_restaurant
「外送員廚師」因為送外賣而接觸到中華料理，佢嘅中菜廳「度量」位於韓國景福宮附近，提供中式料理同火鍋。大家有機會一定要試試佢嘅招牌菜「八寶丸」！
網民：「外送員廚師個性溫暖又謙虛，感覺到佢真係好中意烹飪~」
8. 撕漫男
個人IG:＠cho__kwang
餐廳IG:@chokwang2o1 @chokwang101
「撕漫男」開漫畫店起家，並以漫畫為靈感製作出多道令評審讚嘆嘅菜餚，係非常有特色嘅一位廚師！「撕漫男」目前擁有兩間餐廳「朝光201」及「朝光101」，以售賣平民美食如泡菜、醃生牛肉、東坡肉等而聞名！
網民：「無接受過比賽訓練嘅「撕漫男」單靠漫畫解說就可以做出令人讚嘆嘅美食，真係好有廚神feel！」
►更多詳情
《黑白大廚》掀起煮食熱潮，一眾網民仲笑言話拍港版要搵佢哋...? Click圖睇網民評論！
►更多網民評論
圖片來源：官方網站、參賽者及餐廳IG
【請您試用】KANEBO終極嫩滑緊緻護膚方案！送人氣「極光瓶」x 精華水
《社群》聯同KANEBO請您試用終極嫩滑緊緻護膚套裝，實現讓人忍不住想要觸摸的幸福肌膚！
免費登記領取：https://bit.ly/3XVfE2R
《社群創作有價企劃》第二回合正式展開！
有無諗過您出嘅post都可以變現？立即參加「社群創作有價企劃」，透過分享生活日常就可以賺錢，輕鬆發展創作者事業！
《社群》密密送禮，餐飲現金券丶主題樂園門票丶蛋糕券丶美妝及旅遊用品等各種豐富禮品等緊您！即刻參加社群活動，輕鬆出post攞免費禮品啦！
步驟一︰下載及開啟U Lifestyle App
步驟二︰點擊頁面底部進入「社群」專區
步驟三︰點按「探索」頁面，瀏覽「熱門社群活動」，定期都有不同的送禮活動等您參與！
於活動期間簡單登記同打卡，即有機會獲得KANEBO人氣「極光瓶」x 精華水，立即登記！
閣下須下載U Lifestyle App並登記成為會員，填寫活動參加表格，通過審核的社群用戶即可參與活動。
U Lifestyle App《社群》是一個生活及美食交流專區，涵蓋超過40個人氣美食丶玩樂及生活熱話主題，集合高質內容分享，令用戶可深度關注旅遊丶打卡熱點丶甜品丶咖啡丶食譜丶美妝丶寵物等。
