九龍城等等HEA大閘蟹放題回歸！ 任食大閘蟹／蟹粥／蟹油雞煲／台式手搖

Tako124

擦餐勁

等等hea

【九龍城88分鐘大閘蟹放題-等等HEA】

今次嚟到位於九龍城台式料理餐廳-等等HEA,適逢中秋節前後係品嚐大閘蟹最佳時節,餐廳每年喺呢個時間都會舉行大閘蟹放題,今次同朋友一於去試吓｡餐廳由第一籠大閘蟹蒸起上枱開始計時88分鐘,可以無限任叫大閘蟹､蟹粉美食､台式小食､花雕酒､各款飲品同埋10多款台式茶飲,種類繁多,非常滿足｡ 清蒸大閘蟹 揀咗四両嘅大閘蟹放題,大閘蟹蟹膏豐盈,口感綿滑濃稠,甘甜飽滿,加上醋同薑末可以大大提鮮,食得好滿足,另外店主仲好細心提供熱黑糖薑茶比我哋驅寒暖胃｡ 新口味大閘蟹 今年餐廳仲推出咗三款新口味嘅大閘蟹,包括麻辣大閘蟹､玫瑰露花雕醉大閘蟹､鹽焗大閘蟹等,三款口味味道較濃郁,鍾意重口味嘅朋友可以一試｡ 蟹粉美食/台式美食 餐廳推出多款蟹粉主題嘅小食,全部都好有創意,包括食神蟹粉糯米燒賣王､蟹粉水餃､食神爆汁蟹粉小籠包､生滾大閘蟹粥､小碗瀑布蟹粉撈麵/飯､蟹油香辣雞煲､台式腸蟹粉糯米飯､蟹粉澎湖花枝丸､蟹粉爆汁貢丸､蟹汁多春魚､蟹粉滷肉時菜､蟹粉午餐肉粒､蟹汁牛肉串､蟹汁豬肉串｡ 其中小碗瀑布蟹粉撈麵,金黃綿密嘅蟹粉同彈牙嘅麵條完美融合,每一條麵條充滿醇厚油潤嘅蟹黃,味道鮮甜;蟹油香辣雞煲,麻辣雞肉同鮮美甘甜嘅蟹油融合,味道層次分明,雞肉鮮嫩多汁;食神蟹粉糯米燒賣王,糯米口感煙靭,豬肉嘅香味同蟹粉鮮味完美結合,口感層次豐富｡ 任食大閘蟹放題推廣期由即日起至2025年12月5日,快d 約埋朋友預約呢個大閘蟹盛宴啦~ 等等HEA 📍九龍城福佬村道41號地舖 #等等HEA#台式料理#台灣菜#大閘蟹#放題#蟹#蟹粉#九龍城#九龍城美食#香港#香港美食

gan_ngo_wan_sik

擦餐勁

等等hea

【九龍城 | 88分鐘任食大閘蟹】

今日終於去咗九龍城一間叫｢等等HEA｣嘅餐廳食大閘蟹放題啦,聽講呢間餐廳往年都有做大閘蟹放題優惠,由第一隻大閘蟹蒸起上枱開始計88分鐘,可以無限任叫大閘蟹,蟹膏鍾意食硬身鮮甜嘅朋友可以揀蟹乸,蟹膏鍾意食綿滑濃郁嘅朋友可以揀蟹公,大細可以對應返相對嘅任食價錢去選擇三両至七,我哋揀咗每人$588嘅四至五両,已經幾夠食｡其他蟹粉相關嘅小食､台式炸物同飲品都可以任叫,真係食到好飽,店主仲好細心咁俾咗杯暖嘅黑糖薑茶我哋驅寒,飲完之後個胃好暖好舒服｡ 🍊 清蒸大閘蟹 落單叫蒸上枱嘅時間只需要幾分鐘,因為時令當造嘅關係,每一隻大閘蟹嘅蟹膏味道都非常濃郁,我最鍾意食蟹公嘅蟹膏,質地面綿滑濃稠,每一啖都係濃郁嘅膽固醇味道,味蕾十分滿足,而且蟹肉鮮甜,食得好過癮 🍊三款特色大閘蟹 今年餐廳仲推出咗三款特別口味嘅大閘蟹,包括台式麻辣大閘蟹､玫瑰露花雕醉大閘蟹､秘製鹽焗大閘蟹,三款味道都比較濃味,蓋過咗大閘蟹嘅鮮味,所以我都係鍾意食清蒸大閘蟹多啲,不過鍾意試唔同口味嘅朋友都可以試吓 🍊蟹粉小食 有多款用蟹粉做主題嘅小食,包括食神爆汁蟹粉小籠包､食神蟹粉糯米燒賣王､食神大灌湯餃､瀑布蟹粉撈麵､蟹粉水餃､生滾大閘蟹粥等等,全部都好有創意,同蟹粉夾埋一齊嘅配搭都好好食,其中最為驚喜嘅係食神大灌湯餃,只需嗌四両或以上嘅任食大閘蟹就可以一人嗌一份,灌湯餃嘅尺寸好大,皮好薄身而又包住好大舊嘅蟹粉豬肉餡料,用一支粗飲管刺穿餃皮就可以吸啜入面嘅蟹粉清湯,非常惹味;食神蟹粉糯米燒賣王都好特別,糯米口感好煙靭,混合豬肉同蟹粉一齊食好夾｡ 任食大閘蟹嘅推廣期由即日至2024年12月10日,快d book枱預約食呢個大閘蟹宴啦! 📍九龍城福佬村道41號地舖 位置就腳:🍊🍊🍊🍊🍊 餐廳環境:🍊🍊🍊🍊 食物味道:🍊🍊🍊🍊🍊 整體CP值:🍊🍊🍊🍊🍊 #等等Hea#大閘蟹#大閘蟹放題#大閘蟹任食#等等Hea#台式美食#大閘蟹外送速遞#食神瀑布蟹黃麵#食神肥滔#蟹黃麵#waitwaithea #hkfoodie#hkfood#狂歡partytime#日玩夜玩#UCreator

Yinsharing

擦餐勁

等等hea

食神滔滔推介！爆布陽澄湖蟹黃🦀🤤

又到大閘蟹季節啦!💙等等Hea💛近來推出由食神滔滔全力推介 - 爆布陽澄湖蟹黃菜式,價錢唔貴,吸引到我去試吓~ 🍜食神爆布陽澄湖蟹黃撈套餐 $168 包括有瀑布蟹黃撈麵/飯,有180g蟹黃🦀,以黃金比例30%大閘蟹乸膏､20%大閘蟹公膏､25%身肉､25%腳肉製成｡大大碗蟹粉🧡十分足料,味道濃郁清甜,口感豐富,拌上麵或飯真係一流,香得嚟亦唔會覺得好膩😋 套餐仲有蟹黃鹽酥雞1客､蟹粉小籠包1粒､蟹粉時菜及飲品｡單點瀑布蟹黃撈麵/飯 $118,個人覺得套餐絕對更抵食!👍🏻 🥟食神爆汁蟹粉小籠包 $48 蟹粉餡料鮮甜清新,小籠包湯汁唔多,不過幾有鮮味｡ 🍢蟹粉花枝丸 $48 口感彈牙,比預期同蟹粉更夾｡ ☕️飲品揀咗 桂圓紅棗茶 及菊花茶,兩款都唔會太甜,幾好飲,配上蟹粉大餐係幾夾｡ 依排見餐廳仲推出咗大閘蟹任飲任食放題,好心動呀!😍 📍等等Hea 台式料理 地址:九龍城福佬村道41號地下 #等等hea#waitwaithea#九龍城#台式料理#大閘蟹#蟹粉#陽澄湖蟹#探店#相機食先#食物拍攝#hkrestaurant#香港餐廳#香港美食#吃貨日記#食評#香港生活#hkfoodie#hkblogger#hklifestyle#hkfoodlover#hkfoodblogger#女生好物體驗包#ok即刻有#chill賞遊世界#透亮抗敏#秋妝上陣#缺水肌必備