酒店自助餐優惠2025｜中環文華東方酒店自助餐買一送一！任食龍蝦／鮑魚／蟹腳

A美食焚化爐

擦餐勁

Clipper Lounge

載譽重來 X 殿堂級陣容 @ 快船廊 ( 中環文華東方酒店 )

大家食自助餐，不單要食物種類夠多，而且要有保夠回本位，最好係遍地開花樣樣齊。 文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。 即開法國生蠔 雖然不是當面開，但吃得出的新鮮肥美，蠔味重之餘，更喜歡邊位的爽口。 城中自助餐往往是有生蠔就無龍蝦，想不到快船廊可以把兩者並存，厲害。 龍蝦是揀手貨，好多都有膏，當然係任食啦！ 除了上述兩款回本海鮮，更有好受歡迎的鮑魚，當然又係free flow。 其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。 刺身 有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。 壽司 有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。 燒味 即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。 湯麵吧 今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。 Carving Station 文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正。 大堂一角，有即製Carbonara，尤其是al dente的質感，更是處理得宜，就算幾飽都要食返碟。 湯品 西湯是濃稠的龍蝦湯；而另一款是蟹肉粟米羹。 熱葷 麵豉蒸鱸魚伴日式燒汁 中日融和的味道好特別，鱸魚啖啖肉好啱自己這類怕碎骨的懶人。 黑椒炒大蝦 蝦殼脆卜卜又大隻，不過都幾辣下。 XO醬帶子燴粉絲 微辣的口感，粉絲炒得毫不油膩，有水準。 鮑魚豉油王炒麵 即是豉油王炒麵加入了鮑魚，畢竟是文華酒店，所有菜色都是昇華版。 臘腸叉燒炒飯 雖然看似簡單，但炒得不油膩及有油香就是功夫所在。 白酒忌廉汁煮蜆 蜆肉肥美又有酒香，尤其是個汁用來蘸麵包一流。 其他有烤美國牛柳、香草燒春雞、印式咖哩三文魚、小籠包及清蒸時菜，都是精心出品。 沙律 想食得清少少，可以選擇泰式牛肉沙律、雞肉藜麥沙律及凍肉拼盤煙三文魚，夠晒健康。 芝士 有山羊芝士、金文畢芝士、高達芝士、古岡左拉藍芝士及莫城布里芝士，喜歡芝士的朋友大可自製芝士platter。 甜品 一架Homemade雪糕車，完美展示出熱情果、朱古力、香草以及奶茶四款口味，最好當然係4款盡要，放係脆脆盞入邊，再灑上topping，然後慢慢嘆。 講到文華酒店甜品，首選一定係文華芝士蛋糕，氣味芳香，入口圓滑，最好真係配杯Earl Grey。 另外橘子Tiramisu鬆軟濕潤的口感，又是令我吃不停。 同行朋友就喜歡藍莓栗子金寶批，甜酸間平衡度拿捏得好好。 最值得推薦的，必定是維多利亞蛋糕，芳香馥郁，軟熟可口，水準極高。 加上堅果蛋糕、杏仁杏脯柚子奶凍、雜錦cupcake、紅莓朱古力紙杯蛋糕、乾果朱古力片 、核桃撻及馬卡龍，全是自家餅房出品，無得輸。 新鮮水果拼盤 色彩繽紛，種類又多。 麵包專區 城中自助餐好少有如此陣容，佔了大堂一角之餘，仲選擇多多。 有法式長麵包、多穀物麵包、意大利蕃茄香草麵包、 牛油卷、酸棗包及黑麥麵包，配以蜜糖及士多啤梨果醬，畢竟是homemade，所以都有好多人欣賞。 雖然好多人都北上消費，但香港餐飲仍有可取的地方，至少自助餐好多都減價，但質素不減反加，網上仲有不少優惠，大家要找不難。   Facebook專頁 : 文華東方酒店   地址 : 中環干諾道中5號香港文華東方酒店閣樓   電話 :  2825 4007   味道 : 4  環境 : 4  服務 : 4  衛生 : 4  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #酒店 #中環 #自助餐 #香港文華東方酒店 #美食焚化爐 #Buffet # Mandarin Oriental # Hong Kong (此文章由U Blog 同步發佈至社群)

goodfoodgoodmoodhk

擦餐勁

Clipper Lounge

📍 文華東方自助餐買一送一｜任食龍蝦生蠔+招牌蛋糕

近排見到唔少食肆都推出優惠👀 文華東方酒店都同平台合作推出買一送一/買二送二優惠!! 計落人均$500左右就可以歎酒店級buffet😯 仲要包埋即開法國生蠔同波士頓龍蝦 依加話比大家知好唔好食!! ʕ •ᴥ•ʔ 中環文華東方｢快船廊｣2024年進行左翻新 全新裝修充滿格調,枱與枱之間超寬落唔會逼坐得舒服 快船廊成個concept係將酒店內各間名店嘅signature dishes集合晒喺一個buffet入面✨ 由｢千日里｣嘅香料咖哩､｢文華扒房｣嘅炭燒肉類,到｢Café Causette｣應有盡有~ 自助餐菜式冇話好多,但我寧願依種唔多選擇但出品高質自助餐,橫店都食唔到太多XD🙂‍↕️ 🦞 海鮮區: 即叫即開法國生蠔(海水味超濃郁) 爆膏麵包蟹(爆膏) 阿拉斯加蟹腳(輕鬆一抽就成條肉出晒黎) 本地鮮鮑魚(爽口彈牙,我encore咗3次) 刺身:有油甘魚､甜蝦､吞拿魚､三文魚及鯛魚(新鮮冇雪味!! 🔥 熱食區: 文華廳海南雞飯( 由文華廳出品,有海南雞飯及油雞雞髀肉質滑嫩,搭配著特製的油香米,飯粒吸滿了雞湯的精華 ) 肉食: 牛扒､羊扒､豬( 水準不錯~ ) 麵檔專區有新加坡喇沙🍜,多款自選配料(自己係海鮮區拎龍蝦放上麵面頭, 賣相勁好) 巴馬臣芝士輪即製意粉(自助餐的亮點之一, 芝士掛滿意粉超邪惡) 🍰 甜品區(成晚最期待): 文華餅房嘅精髓搬晒過黎‼️ 尤如文華餅店迷你版 文華芝士蛋糕､維多利亞蛋糕､Tiramisu､撻､馬卡龍､雜果沙律､乾果朱古力片､乾果朱古力塊､松露朱古力等等 自己推薦松露朱古力､馬卡龍!! 另外不得不提佢地嘅熱茶,好多特別茶口味,用嘅都係靚茶杯茶壺上 解膩一流🤓 記得Send比朋友/屋企人暑期食餐好! 想知更多去邊玩去邊食嘅地方好?! 記得FOLLOW+SAVE🔔 📍 地點:中環文華東方酒店2樓｢快船廊｣ #UCreator#自助餐#火鍋#放題#chill賞同陽光玩遊戲#chill嘆旅行#chill賞放大假#chill賞staycation

asheryuen2019

擦餐勁

Pier Lounge & Pier Bar

3.5小時任食烤龍蝦自助晚餐🦞

海洋公園萬豪酒店兩間餐廳自助餐最近都推出買一送一優惠，Pier Lounge & Pier Bar燒烤自助晚餐折完連加一都只係$401/位，呢個價錢可以任食廚師即場烤製海鮮之餘，仲包括多款自助餐熱葷、凍海鮮同甜品，性價比非常高。👍🏻 無限量供應嘅燒烤海鮮當中最吸引一定係波士頓龍蝦，另外餐廳嘅西班牙燒乳豬都好出色，凍海鮮有鱈場蟹腳，甜品選擇都唔少。Pier Lounge & Pier Bar燒烤自助晚餐逢星期五至日供應，新一輪買一送一會喺9月2日中午開賣。⏰️ Pier Lounge & Pier Bar 地址：黃竹坑黃竹坑道180號香港海洋公園萬豪酒店 KKday買一送一優惠連結： https://www.kkday.com/zh-hk/product/127950?cid=16164 #KKdayHK#hongkongoceanparkmarriott#pierloungeandpierbar#香港海洋公園萬豪酒店#自助餐#燒烤海鮮自助餐#波士頓龍蝦#自助餐 #UCreator