喇沙迷注意啦！灣仔多了間新加坡餐廳「The Laksa Club」，新加坡藉主廚為大家炮製正宗東南亞菜式，例如蝦濃湯喇沙、海南雞飯、蝦醬雞翼、斑蘭芝士蛋糕等。午市期間更設抵食套餐，以優惠價食盡餐廳招牌菜，灣仔上班族放Lunch不妨一試呀～
*按圖查看The Laksa Club Menu
灣仔全新東南亞餐廳「The Laksa Club」由新加坡藉主廚Edward Voon主理，主打一系列地道新加坡菜，主廚希望將兒時味道帶入香港。裝潢設計方面，餐廳走時尚格調路線，中午時段前往，壓花落地玻璃會透出自然光線；晚間前往，稍暗的用餐環境會以裝飾燈照明，氣氛幾有情調，大家可以坐在梳發軟座上，一邊享用美食，一邊與友人摸杯底談心。
The Laksa Club午市時段特設優惠套餐，大家可以在新加坡喇沙和海南雞飯之間選其一。喇沙的湯頭熬煮超過6小時，質地較為杰身，帶濃郁蝦的鮮甜味道，麵底則由福建麵條和米暹混合而成，掛湯之餘亦幾有咬口，配料豆卜、魚蛋和鮮蝦也表現不俗。至於海南雞飯更是用上肥嫩多汁的本地三黃雞，搭配以洋蔥、蔥花及蒜頭炒成的米飯，作為午餐十分滿足。
「唔夠喉」的朋友更可以加配小食，當中必試蝦醬雞翼，以蝦醬醃製的雞翼沾上薄薄一層粉漿，再炸至金黃色，食落外脆內嫩，惹味而不感油膩。小編就私心推薦鮑魚沙律，以芝麻薑醋汁調味的沙律菜感覺清爽輕盈，切成一片片的鮑魚也鮮味彈牙。另有五香肉卷、伊比利亞黑毛豬肉串等東南亞風味餐點。
套餐最後可以甜品斑蘭芝士蛋糕作結，大家不妨一啖椰子雪糕，一啖柔軟的芝士蛋糕，為精嫩午餐畫下句點。
The Laksa Club
地址：灣仔告士打道88號其昌中心4樓
午市套餐供應時段：星期一至五中午12時至下午4時（最後點餐時間為下午3時）
訂座：WhatsApp 6629 3889｜The Laksa Club訂座網址
同場加映：【開箱速遞】最新影片
人氣餐廳排名
-
打卡熱點
位於海港城海運大廈，近玩具反斗城🏙️望西九方向海景，不過外面係車路，有機會畀貨車遮咗個view。新派裝潢🇲🇾有色彩繽紛同具馬來風格嘅壁畫🩷粉色少女風嘅座位色調，都好適合打卡。服務不錯。 午市套餐$88至$138，包冷熱飲品。下午茶約$50，另收加一及每位$8茶錢。茶係荔枝紅茶，於海港城工作嘅客人可享85折優惠。🐔海南雞飯係招牌菜之一，雞滑，油飯惹味。🦐大蝦雞絲喇沙非常濃郁，米線底，似緬甸咖喱撈麵多過湯麵，如果鍾意濃味嘅會喜歡。 #溫和身體護理三步曲
閱讀更多
-
擦餐勁
香港港麗酒店
香港港麗酒店咖啡園 X 客席星洲名廚 Edward Voon 「尋味南洋」自助午餐 @ Garden Cafe ( 香港港麗酒店 )
今次香港港麗酒店邀請了來自新加坡的溫有成師傅，「Voon招牌喇沙」限時登陸咖啡園，讓客人細嚐匠心獨運的東南亞風味。 「Voon 招牌喇沙 」喇沙摻摻湯麵 每碗都是即煮的，湯底陣陣辛香，香茅味又未至於濃烈，摻摻湯麵沾上了湯汁，惹味到一個點，有人說是全港最好食的喇沙，老實說，就算未係最佳，至少是頭幾位，必食。 參巴醬焗西班牙黑毛豬飯 豚肉很鬆軟，參巴醬的辣度已經滲入豚肉，伴隨炒過的飯底一齊食，層次分明，可口怡人。 秘製蝦醬雞 炸得好香口同乾身，雞肉帶蝦醬香味，佐酒一流。 黑胡椒蟹肉通心粉 軟殼蟹炸得啱啱好，非常乾身，配上通心粉，口感同味道都很特別，個人好鍾意的一道菜。 甲必丹咖哩牛頰肉 炆得好稔又入味，尤其是個汁最好拌白飯，無得輸。 仲有娘惹咖哩牛肉沙律、馬來家鄉炒飯、虎蝦佐海鮮蛋黃醬、福建炒麵及鱸魚炒通菜，都係充滿了特色的菜色。 甜品方面有童年回憶的「班蘭美祿 Tiramisu 」，濕潤依舊，仲多了一份美祿獨有的味道以及班蘭的香味。 至於「班蘭椰香意式奶凍」全然是南洋風味，奶凍的質感能夠再滑一點更好。 除了咖啡園，樂聚廊於3月份逢星期五及星期六之「饗樂之夜自助餐」亦將供應溫主廚各款期間限定的特色菜式，大家正好聽著悅耳的音樂，邊品嚐美食，真好。 Facebook 專頁 : Garden Café 地址 : 金鐘金鐘道88號太古廣場香港港麗酒店大堂低座 電話 : 2822 8890 味道 : 4 環境 : 4 服務 : 5 衛生 : 5 抵食 : 4 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝! http://www.facebook.com/foodiephilip #金鐘 #自助餐 #香港港麗酒店 #Garden Café #美食焚化爐 #LUNCH #BUFFET (此文章由U Blog 同步發佈至社群)
閱讀更多
-
星馬菜
Auntie MALAY
海港城海景星馬菜🤤！沙嗲雞串超正！😋
#frostie尖沙咀之旅 ✅ #auntiemalay 📍美食探險👉 @frostiewithfood - Auntie MALAY 一向都鍾意食星馬菜, 朋友話喺海港城開咗間星馬菜,一路都未食過,難得今日得閒,一於去試下先 瑪萊沙嗲雞肉串 $58 香茅椰糖烤雞全翼 $20 首先前菜叫咗兩款,分別係沙嗲雞肉串同埋香茅椰同烤雞全翼｡沙嗲雞肉全一共有3串,雞肉帶有淡淡嘅沙嗲香,配上側邊嘅濃厚醬汁更美味 香茅椰糖烤雞全翼就有兩隻, 香茅加椰糖嘅配搭令到雞翼味道隱約帶有椰糖香,難怪係餐廳嘅特色菜式之一 椰香大蝦冬陰功 $138 食星馬菜一定要叫冬陰功,冬陰功湯用酒精爐上枱保溫,入面有兩隻劏開一半嘅大蝦,仲加入咗唔少泰式香料,味道帶有冬陰功獨特嘅酸辣, 加入大蝦更添鮮味 少爺海南雞飯 $98 叫咗份例牌嘅少爺海南雞飯, 配搭清雞湯同埋油飯,海南雞切件上枱,方便食用｡側邊有3款常見嘅海南雞飯醬汁,海南雞件嫩滑,肥瘦適中,配搭粒粒分明嘅油飯及清香嘅雞湯,係一道質素好在線既主菜 香草青檸汁蒸原隻釀魷魚 $188 另一款就叫咗香草青檸汁蒸原隻釀魷魚,需時20分鐘,原條 釀魷魚其實係將肉餅放喺魷魚筒入面,切件蒸熟,底下就有香草青檸汁,魷魚整得啱啱好肉餅軟淋易咬,配搭青檸汁更帶出魷魚嘅鮮味 上湯蝦米肉末浸娃娃菜 $58 叫咗一款上湯蝦米肉末浸娃娃菜,娃娃菜切件浸喺上湯入面,口感爽脆,加上蝦米肉末,味道清爽既同時亦不失鮮味 斑蘭咖椰多士 $48 最後甜品叫咗班蘭咖椰多士, 呢款係餐廳嘅招牌菜之一, 多是一共有三件,多士中間加入滿滿嘅班蘭咖椰醬,仲夾雜咗一片牛油,外脆內軟,真係好邪惡 手標正宗泰式奶茶 $35 桂圓紅棗蜜 $35 最後亦都叫咗兩款特色飲品,分別係正宗泰式奶茶同埋桂圓紅棗蜜,泰式奶茶味道香濃, 甜度適中;桂圓紅棗蜜味道清甜 - 分數:4/5 - 🏠 Auntie Malay - #星馬菜#UCreatorHK#BESTFOODwithUCreator#TRAVELwithUCreator#新加坡必食#新加坡美食#馬來西亞#馬來西亞必食#新加坡#馬來西亞美食#冬陰功#星馬菜#海南雞飯
閱讀更多
