保留了傳統泰式經典又融合創新意念，打造新派泰菜的茶泰，滿足了港人喜歡的多元化路線美食。大廚堅持以傳統手法為基礎，搭配各款地道香料及自製醬汁烹調出新派泰菜。 除了進店必點的船粉湯河、海鮮炒金邊粉及咖喱外，更有多款人氣熱賣菜式包括泰式明爐烤魚、泰式醬烤骨及辣肉碎生菜包，在天時暑熱胃口欠佳時，絕對可以喚醒你的味蕾。
自製醬汁靈魂所在
大廚嚴選新鮮食材將泰菜重新演繹，泰式明爐烤魚以高湯、香茅等多種材料經數小時熬成香味濃郁的湯底，再配以啖啖肉的烤魚，魚肉入口鮮甜嫩滑，酸辣開胃。而另一款泰式醬烤骨就把豬骨烤得香口入味，肉質腍身，配以自製醬汁提升了烤骨的惹味。至於大人及小朋友都愛吃的辣肉碎生菜包，用上新鮮生菜包裹香辣惹味的肉碎，一口一件，味蕾被泰式香辣味道所俘虜，胃口大開！
泰式明爐烤魚
加入高湯與香茅等香料以明爐輕烤鮮魚，魚肉入口鮮香酸爽，味道豐富有層次。
泰式醬烤骨
以傳統泰菜手法烹煮，入口肉質惹味又保持肉質腍身部，配以大廚自製的醬汁同食更是一絕。
辣肉碎生菜包
肉碎香辣惹味，以新鮮爽脆的生菜包着同吃，引發食欲，開胃而不膩。
茶泰
分店資料：www.chathai.com.hk
（資料由茶泰提供）
人氣餐廳排名
-
香港攻略
泰鑫
灣仔😋足料泰菜！
同朋友去咗灣仔皇后大道東嘅呢間餐廳食泰國菜｡餐廳由參加過米芝蓮嘅廚師主理,係灣仔區都幾出名｡環境裝修以木色為主打,用餐環境幾舒服,服務也很有禮貌｡ 燒魷魚 烤得彈牙鮮嫩,表面有陣陣焦香,泰式香料同辣度調配得到位｡ 椰子雞湯 椰奶質感順滑,雞肉嫩滑,加入多種香料同蔬菜,喝落好暖胃,而且足料｡ 泰式船湯麵(豬肉碎 + 豬肉丸+炸豬皮)湯底濃郁,加入香辣汁好夾,金邊粉好彈牙,豬肉丸口感十足,豬肉份量亦很足,配上豆芽同通菜,口感很不錯｡ 黃咖喱雞髀 咖喱香濃惹味,椰奶同香料融合得剛好,雞髀肉厚實嫩滑,薯仔粉粉綿綿,配飯好夾｡ 泰式炒金邊粉 炒得有鑊氣,粉條軟硬適中,酸辣平衡,大蝦亦彈牙,不錯｡ 最後以芒果糯米飯收尾,係是晚最中意嘅一道｡芒果甜香多汁,糯米飯軟糯帶椰香,而且甜度剛剛好,不會太甜｡ PS:消費滿$400 可以於胡忠大廈or合和中心享用免費泊車三小時(開車人士最開心嘅事情發生了) 泰鑫 (灣仔) 灣仔皇后大道東222號GARDENEast serviced apartments地下2號舖
閱讀更多
-
打卡熱點
大圍的泰式餐廳泰中意綜合了泰國，中國同意大利的美食特色，泰式肉碎炒金邊粉好大碟及炒得十分乾身，辣辣的，十分開胃。冬陰功鮮蝦忌廉意粉有好濃郁的冬陰功風味，而且有很多大蝦，味道十分創新有驚喜。 #輕鬆出遊 #浪漫旅人祭
閱讀更多
-
泰國菜
Tommy Yummy（將軍澳店）
性價比高的泰菜！原來就響屋企附近🎊🎊
商場開咗間Tommy Yummy,已經有一段時間,但係網上都見到有唔同嘅劣評,所以都冇食過｡適逢有幾位朋友入嚟一齊聚舊,朋友話中環嗰間分店都唔錯,所以喺康城都可以食呢間一齊試吓!四個人,叫咗個二人餐,再額外+2杯飲品｡非常豐富,服務態度勁好,啲店員仲會同我哋一齊講吓笑,又唔會講人走｡服務態度非常好｡ 啲飲品全部都大大杯,如果細食嘅,可能飲一杯飲品已經飽咗｡冬陰功湯惹味,唔會太辣唔會太酸,味道啱啱好｡重點係飲完你都唔會覺得非常口渴,要狂飲水｡ 泰式炒金邊粉好好味,啲金邊粉唔會黐埋一嚿嚿｡炒椰菜苗係我最愛,隻雞超級滑,香料十足,青咖喱配薄餅都係一絕｡ 芒果冰非常驚豔,口感層次豐富,有椰汁可以淋上去!食完啲辣味濃味嘅嘢,再食佢即刻透心涼 四個人食個二人餐, +2杯飲品,額外加錢升級要多個甜品,每人除返開都只係百幾蚊｡我哋坐咗四個鐘,每人除開只係$40｡仲平過去Cafe飲杯咖啡坐🤣🤣 味道:⭐⭐⭐⭐⭐ 環境:⭐⭐⭐⭐⭐ 服務:⭐⭐⭐⭐⭐ 性價比 :⭐⭐⭐⭐⭐ #泰菜#泰國美食#UCreator#打卡美食#美食推介#Foodie#淨白透亮520#速速水潤奇蹟#estherbunny#打造韓系浪漫廚房#主子spatime#多重滋味享受#演唱會視角#啟德主場館視角#隱世打卡點
閱讀更多
