提起韓式料理，第一時間會想到炸雞、燒肉、拉麵等，但也未免太沒有新意吧～最近尖沙咀新開張一間韓國餐廳「Sonamu Korean Restaurant」，由韓國人主理，主打傳統韓定食，參考了韓國人婚宴4人1席的做法，在長枱上擺滿12款小菜及各樣韓式料理，更有港人最愛的醬油蟹、泡菜湯、燉牛肋骨、辣炒章魚等，非常豐富，大家經過不妨試試吧！
同場加映：【簡易廚房】最新影片
Click圖睇Menu：
Sonamu korean Restaurant 是韓國過江龍餐廳，同時由韓國人主理，主打傳統韓式家庭料理。餐廳的特色是將每碟菜式放好在木板上，由店員將木板推到客人的座位並將木板搬上枱面。枱面就像韓式宮廷宴般擺滿不同小碟的菜式，擺盤都已經眼花撩亂，食客可以一次過品嚐到不同的韓式料理，十分豐富！
食物方面，有最基本$400起的2人份姨媽套餐，到3人份媽媽套餐及4人份的婆婆套餐。每個套餐包括了養生的南瓜粥、白飯以及12道韓式風味小菜，老闆更透露小菜每日款式不同，日日有驚喜！是日伴菜有明太子、辣蘿蔔泡菜、泡菜煎餅、涼拌櫛瓜、涼拌魚糕等，每款也非常精緻。
2人份姨媽套餐的前菜可先選擇醬油蝦或燉牛肋骨。醬油蝦超級大隻，肉質爽口彈牙，喜歡海鮮的朋友必選；燉牛肋骨肉質軟腍鬆化，基乎骨肉分離。
湯品可以三選一，包括有泡菜湯、大醬湯或海鮮豆腐湯。店家推薦泡菜湯，湯入面有大量泡菜及五花肉，再加上豆腐，非常足料。而且味道酸酸辣辣，很醒胃！
主菜款式多得誇張，食客可從韓式烤牛肉、辣炒豬肉、辣炒章魚、烤鯖魚、烤黃花魚、韓式豬蹄中選擇一款。而小編私心推介坊間較少見的烤鯖魚，鹽燒原條鯖魚外脆內嫩。肉食愛好者可選擇肉量十足的韓式烤牛肉及韓式豬蹄。
想食豪一點的還可以加$180升級正宗醬油蟹。醬油蟹充滿濃郁蟹膏，值得一讚是非常新鮮，完全沒有腥味。
Sonamu korean Restaurant地址、電話及營業時間
地址：尖沙咀柯士甸道152號好兆年行 LG FLOOR
電話：6692 1233
營業時間︰星期一至日12:00 - 22:30
人氣餐廳排名
-
韓國菜
Sonamu korean Restaurant
SONAMU·正宗韓國家庭式料理
又係我同Foodie朋友仔出動搵好野食嘅時候,今次去咗尖沙咀一間人氣超高嘅韓國料理｢SONAMU Korean Restaurant｣,由主宗韓國人主理,主打傳統韓國家庭式料理,吸引之處係落完order後店員會一整桌小菜連食物上枱,小菜足足有成12碟,每日新鮮製造,所以每次去都會有啲唔同👍🏻 小菜12碟 茄子|菠菜|西芹|明太子|豆卜|雞蛋|粟米螺絲粉|芽菜|嫩豆腐|炒粉絲|泡菜 所以小菜都好啱我口味,特別鍾意係呢度嘅泡菜,酸辣味調配得啱啱好,爽脆嘅口感越食越開胃😋最驚喜係居然有明太子👍🏻咸鮮嘅味道送飯一流 海鮮嫩豆腐火鍋 必食推介👍🏻一煲有齊晒各款唔同嘅海鮮:鮑魚､大蝦､八爪魚､大蜆､青口等,等啲海鮮煮熟後,店員仲會好貼心咁將鮑魚起肉同埋將八爪魚鬚剪開一條條方便食用👍🏻湯底入邊仲加入青菜､嫩豆腐､娃娃菜､翠玉瓜,所有蔬菜都吸收晒鮮味酸爽嘅湯汁,軟腍入味😋 燉牛肋骨 套餐入面仲包括咗三款韓國料理,牛肋骨肉質鬆軟腍身,非常入味,一夾起就脫骨,咸咸甜甜嘅湯汁亦係米飯嘅最佳配搭 韓式豬蹄 豬蹄外皮QQ彈彈,滿滿嘅骨膠原,用生菜包住豬蹄再加上泡菜同辣醬,可以大大減低肉嘅膩感,所以食多幾件都唔怕啦😆 辣炒章魚 呢個二人套餐嘅份量十足,我地兩個咁大食都食到勁飽🤭用紫菜包住辣炒章魚再加入米飯,辣辣地越食越開胃,章魚爽口彈牙再配上各種嘅蔬菜令口感更加豐富 📍SONAMU Korean Restaurant (尖沙咀) 尖沙咀柯士甸路152號好兆年行LG樓 人均消費:$300-400 食物:⭐️⭐️⭐️⭐️⭐️ 環境:⭐️⭐️⭐️⭐️⭐️ 服務:⭐️⭐️⭐️⭐️⭐️ 回頭率:⭐️⭐️⭐️⭐️⭐️ #韓式料理#韓國美食#韓國#UCreator#九龍美食#Foodie#打卡美食#相機食先#港玩港食#尖沙咀美食#hkfoodie
閱讀更多
-
打卡熱點
📍尖東「韓脈」(帝國中心) 尖東超人氣爆紅韓式美食🍽️ 肉眼 + 西冷一次滿足牛迷味蕾 😋 爆膏醬油蟹打卡必食 🦀 超高人氣嘅尖東「韓脈」！餐廳環境真係勁韓式，每個角落都feel到韓國氛圍～而且場地又闊落又舒服，唔怪得咁多韓國人都來食，仲有岩晒鍾意嚟打卡的你，絕對係最近熱門韓式餐廳之選！🍽️ 烤爐嘅秋風非常好，絕對唔會令你有油煙味👍🏻👍🏻 餐廳選用高質食材，服務貼心又有水準，成個用餐體驗very good！今次我要同大家分享下今晚嘅招牌美食： ✨ 首先係超豐富前菜，居然有醃製鵪鶉蛋！味道好有層次，仲有我最愛嘅芽菜同酸蘿蔔，韓式風味十足。 🔥 烤韓牛腸，最近喺香港超流行～ 🥩 重點推介：雙拼牛肉（肉眼150g + 西冷150g） 肉眼鮮嫩多汁，油花平均，食落超香口！西冷牛味濃厚、肉質結實，有咬口啱晒肉迷！兩款牛肉一次過滿足你唔同口感追求，真係食到停唔到口。 🦀 超爆膏醬油蟹$250，蟹膏好濃郁，配埋牛油飯一齊食，非常邪惡又滿足，鮮味瞬間升級！ 🥚 韓式雞蛋餅，份量足夠又香脆，色香味俱全～ 🍲 韓式牛肋骨湯，服務員幫忙剪開，足料又入味，啖啖都係牛肋肉，湯底超濃郁！ 🥤 飲品選擇超多：推介Blue Lemon Ade、Lemon Ade、Kiwi Ade同Grapefruit Ade，全部都好清爽，食完一啲都唔膩！ 餐廳除咗BBQ、醬油蟹、海鮮，仲有韓式炸雞、傳統小炒、豬手、火鍋、湯、石鍋飯麵等超多元化選擇～每個胃口都滿足！ 不論係同朋友聚餐，情侶約會，定一家大細，韓脈都係尖東聚會食韓餐首選！有興趣一定要book位試下啦！ #甜蜜聖誕滋味
閱讀更多
-
韓國菜
韓脈
50cm長韓式雞蛋卷
終於試到尖沙咀呢間韓脈嘅招牌菜 真係冇令我失望😍 首先必點嘅係50cm長韓式雞蛋卷 $158 上枱嗰陣真係嘩一聲 超長賣相勁吸睛 蛋卷滑嫩到不得了 仲有滿滿蟹肉同芝士 切開嗰陣仲會拉絲 口感層次豐富到爆 醬油蟹真係不得了 超爆膏狀態 蟹膏多到滿瀉 橙黃色嘅膏勁甘香 蟹肉鮮甜滑溜好似Jelly咁 配埋牛油飯同紫菜一齊撈 每啖都係享受 韓牛肉眼150g同西冷150g 兩款油脂分布都好平均 肉眼肉味濃郁啲 肉汁豐富 西冷就相對實淨啲 各有特色 燒到外焦內嫩 配埋生菜同醬料 韓味十足 餐廳裝修充滿韓式燒烤店風情 七彩前菜任食 每款小碟都整得好精緻 服務又貼心 全程有人幫手燒 呢個組合真係一次過滿足晒三個願望 性價比高到不得了 一定會再encore💯 韓脈 (帝國中心) (尖沙咀) 尖沙咀麼地道68號帝國中心UG樓UG43號舖 電話: +852 25116316 (此文章由U Blog 同步發佈至社群)
閱讀更多
