荃灣美食熱香餅漢堡｜日本麥當勞大熱McGriddles是港人遊日必食早餐之一，近日荃灣泰興餅店以親民價$15推出熱香餅漢堡，吸引不少人大排長龍。餅店另有售賣各款傳統及新式麵包，更有$1蛋撻優惠，大家經過不妨試試～
《UFood》記者早前親自到荃灣泰興餅店採訪，直擊熱香餅漢堡製作過程。即刻睇片：
荃灣泰興餅店 $15熱香餅漢堡
荃灣「泰興餅店」推出爆紅熱香餅漢堡（$15），每份新鮮即製，熱香餅厚身鬆軟，帶有楓糖漿甜味，夾住的豬柳蛋煎到燶邊，趁熱食芝士半溶更好食，確實還原到McGriddles 八成味道，重點是性價比超高！熱香餅漢堡岀爐時間為星期一至五中午12:30，星期六至日為下午2:00。因反應熱烈，每人限購2個，並只限海壩街店供應，想試的朋友要mark實時間和地點啦！
荃灣泰興餅店懷舊美食
餅店的另一招牌是懷舊忌廉筒（$8），忌廉筒外層非常鬆化及香脆，咬下去為酥皮口感。內裡擠滿鮮奶油，份量十足，忌廉入口順滑。由於全人工手作，每日限量發售200件。
餅店亦提供其他平靚正的港式麵包，包括只售$3.5的傳統菠蘿包及雞尾包，亦有新式麵包，如近期大熱的開心果菠蘿包、法式布丁包、麻糬波波、紫薯麻糬包、黑芝麻醬包等等。
店內更設有茶水吧，主打以傳統茶餐廳手法沖製的港式奶茶及港式咖啡，日銷400杯。港式奶茶（$13）用上5款茶葉手沖，品嚐到茶香奶滑，大家不妨叫一杯配搭麵包或撻類。
祈德尊新邨分店更推出$1迷你蛋撻優惠，每人限購6個。蛋撻size比普通蛋撻份量少一半左右，但依然是新鮮出爐熱辣辣超搶手！迷你牛油皮蛋撻做到皮薄鬆化，蛋漿亦夠軟滑濃郁。
👇泰興餅店 分店地址：
荃灣泰興熱香餅漢堡每日出爐時間
荃灣泰興熱香餅漢堡出爐時間：星期一至五下午12時30分，星期六日及公眾假期下午2時，即叫即做。
泰興熱香餅漢堡價錢 每人限購2個
熱香餅漢堡價錢每個$15，每人限買2個，出爐後不久便告售罄及截人龍。
荃灣泰興餅店 地址交通
地址：荃灣海壩街50號地下3號
交通：乘巴士及小巴前往，也可以由港鐵荃灣站 A3 出口步行約10分鐘到達。
網民親身實試熱香餅漢堡@ULifestyle社群
ULifestyle 社群有不少網友分享親身到荃灣泰興餅店排隊購買熱香餅漢堡，紛紛大讚好味！價錢實惠兼cp值高。平日1:30pm也排了1小時15分鐘。新鮮即製熱辣辣，跟日本麥當勞McGriddles八成相似。星期六、日只出400個。熱香餅漢堡，夾豬柳、蛋和芝士，材料如麥記豬柳蛋漢堡，不過麵包變熱香餅，夠創意！夾杯招牌奶茶$14好正！想食要早啲去排隊。如不想排隊，最好等多幾個星期先去試。
相關文章：
人氣餐廳排名
-
港式美食
康甜餅店
驚喜麻糬波波😋@北角傳統餅店
到u lifestyle 領取禮物後想吃點小食，於是在鰂魚涌站附近逛逛，遇到康甜餅店，小小的餅店原來有很多口味的麻糬波波，太吸引了！有選擇困難症的我最後買了泰式奶茶和腐乳口味，泰式奶茶味不算明顯，但腐乳十分好吃，$13便有2個，手掌大的，超值！ 店內其他麵包也非常實惠，菠蘿包、雞尾包只是$5，一條瑞士卷盛惠$20，下次有機會再試～ #UCreator#香港美食#港島美食#麻糬波波#北角#BESTFOODwithUCreator #香港地道美食 #請爸爸食件cake #快閃話咁易 #夏日雙重賞
閱讀更多
-
打卡熱點
泰興餅店 (祈德尊新邨)
新鮮出爐蛋撻
泰興餅店,歷史悠久,年齡比我更大,在荃灣 薄有名氣。其位於福來邨的總店,曾以厚鬆餅堡及 開心果撻,成為人龍店,不過今次我幫襯的祈德尊 分店,唔知係時間唔岩定咩,見唔到呢兩款產品。 然而,祈德尊分店都有些較新派的出品,如布丁蛋 撻等。不過,我還是對傳統的蛋撻椰撻較有興趣, 尤其是酥皮蛋撻。 此外,店舖仲有手沖既咖啡奶茶供應,水準唔差過 茶餐廳架! #UCreator #打卡美食 #chill嘆旅行
閱讀更多
-
甜品
泰興餅店 (荃灣海壩街店)
開心果關注組大熱🙂↔️🤪
【開心果關注組大熱🙂↔️🤪】 ////// 聽講佢哋之前有$1蛋撻 大癲!!!🤣 另一間分店就賣緊熱香餅漢堡 搵日再去排 舊式麵包款式多 仲會成日新鮮出爐 今次去買開心果撻 排左15分鐘左右 每次出爐大約有二十個位置 真係好講運氣🫢 |開心果撻 ($10) 表面有好多開心果粒粒 味道好香濃♪(´ε` ) 混合北海道3.6牛乳蛋漿 反而蓋過開心果味 個人比較偏向單獨享用開心果撻或者牛乳撻 曲奇皮有牛油香 而且有鬆化口感😁 ——— 📍泰興餅店 (荃灣) 荃灣海盛路28號祈德尊新邨商場1樓2號舖 #撻#泰興餅店#荃灣美食#麵包店#bakery
閱讀更多
