荃灣燒烤海鮮烤魚餐廳「漁樂場」 藤椒烤魚／濕辣牛肉串／麻辣鴨血／鴨屎香檸檬茶

Falav

中式料理

烤魚界天花板@烤魚工房

相約表妹食飯，問佢想食咩，答案出乎意料，竟然唔係食日本菜而係想去食烤魚。   呢間就係佢帶我去的，仲話係香港最正宗，最地道最愛歡迎的重慶烤魚，長期人龍排隊!   由門口望入去，以為去咗卡啦OK，裝修風格相當特別，無諗過係烤魚專門店。   霓紅燈作為天花裝飾，主要為卡座，坐得都幾舒適。   主打烤魚，仲有串燒及乾鍋，手機落單，簡單方便   最先出場係蔥油拌麵 ($36)，材料簡單，撈好就食得。麵條幾彈牙，蔥油加上醬汁，好快食完就上主菜啦。   六款口味中，招牌必吃鮮青椒味烤魚   三款魚中選擇江團魚 ($329)，未食過就先選小麻小辣。原條即點即烤，成條魚直徑都成個盤咁大，足夠3-4個人食。插埋支廣告紅旗，幾搞鬼。   鮮青椒與辣椒碎舖係魚身上，未食已有視覺上嘅衝擊，湯底再滾起就食得。   貴些少價錢都選擇食江團魚，皆因少骨，魚肉嫩滑又多，偶然食到魚脂肪，更添點魚油香味。先煎香魚，外皮再帶點微脆，半點腥味也沒有。   湯底麻中帶小辣，賜予魚肉刺激感，滾住食，每啖魚肉入口都熱辣辣。   雖然湯底中仲有少量金菇同大豆芽，但無阻我吔再叫其他配菜嘅，鴨血，萵荀片，娃絓菜同火鍋粉 (每份$20)。   食烤魚呢類濃味食物，又點少得杯凍飲?! 除咗汽水外，仲有多款特色飲品，見水吧職員不停手調製，就知幾咁受歡迎。我都唔執輸，叫杯至尊水果茶 ($43)，多款水果混入茶中，又靚又好飲，仲可以食埋D生果，解渴又解辣。   食到咁上下就加配菜，呢度嘅鴨血入口嫩滑，好似食緊果凍口感，與麻辣湯底係絶配; 另外萵荀片要爽脆口感或腍身D都隨我喜好。   火鍋粉又係不能缺席，煮至煙韌口感，就咁加湯一齊食，要KO一碗又係無難度。   壓軸出場係厚燒牛舌串 ($36/2串)，門口師傅真係無停手咁燒，牛舌有相當厚度，又大件，燒完再灑上孜然粉，成件事即刻變得好川式。   今餐真係好味又超飽，估唔到依加食烤魚都變成年輕人嘅喜好，怪唔得整個”香港烤魚界天花板”，年青人一睇就明，哇哈哈……………… #ublog #food #foodie #foodlover #foodblog #重慶烤魚 #川菜 #旺角 #烤魚工房   #旺角 #川菜 #foodie #foodlover #foodblog #重慶烤魚 #food #ublog #烤魚工房 (此文章由U Blog 同步發佈至社群)

co co

著數報料

燒烤堂

尖咀燒烤堂🌟🍻 BOGO優惠！😍

尖沙咀《燒烤堂》果然人氣爆燈，平日夜晚都好熱鬧，好彩我哋有訂位先唔使等～今期有SAPPORO啤酒買一送一，每張枱仲好貼心有個小暖爐，保持串燒溫度夠熱！ 🐔 汁燒三黃雞氣管 $28 燒到微焦，爽脆帶汁，雞香滿滿，啖啖惹味 。 🐔雞肉軟骨棒(付月見) $28 外層焦香，內裡彈牙，骨香同肉汁齊爆 。 🐔原塊雞皮 $22 大大塊燒到脆卜卜，油香四溢，鹹鹹哋好惹味。 👅 牛舌拖羅 $48 厚切彈牙，燒到微焦帶汁，牛味濃郁，層次豐富 。 🥑 牛油果豚肉卷 $28 牛油果綿滑配豚肉油香，清新同濃郁交織 。 🦑 雞皮墨魚滑 $38 雞皮香口，墨魚滑嫩，咬落彈牙鮮甜 。 🐟 鹽燒馬友 $128 魚皮燒到微焦，肉質細嫩，鹹香突出 。 🐟 九肚魚烙 $68 煎到外脆內嫩，魚味濃厚，口感層次分明 。 🍏 焦糖青蘋果鵝肝多士 $98 厚鵝肝好香滑，配蘋果酸甜，焦糖脆口，層次感爆棚 。 🐟 焦糖鰻魚玉子卷 $48 鰻魚油香配玉子柔滑，焦糖甜香加分 。 🦀 蟹肉芝士最中餅 $42 外脆內綿，蟹肉鮮甜，芝士香濃 。 🧄 牛油蒜蓉芝士焗雜菇$18 芝士同雜菇份量多，可以輕鬆拉絲，牛油蒜香味濃烈。 🍍 蜜糖菠蘿 $20 甜香多汁，燒到微焦，清新解膩 。 🍍 黑糖菠蘿 $20 黑糖焦香，菠蘿酸甜，口感更深層 。 🥤 香水檸檬茶 $28 清香檸角滲入茶底，酸甜平衡，飲落清爽解膩 。 🥭 即打芒果乳酸 $28 果肉香濃，乳酸滑順，酸甜交融，食燒物後飲一啖超舒服 。 📍燒烤堂 尖沙咀諾士佛臺1號1樓 18:00-02:30 收咁夜，真係食宵夜嘅好選擇！ #燒烤堂 #串燒 #香港美食 #抵食 #燒菠蘿

bananahk

擦餐勁

慈雲山中心

湯加麻辣鴨血豬腩肉米線🥰

呢個麻辣鴨血豬腩肉米線幾好味,唔算太辣🌶鴨血口感細膩,腩肉片塊塊厚切,非常夠份量,我再加18蚊追加咗個小食藤椒魚皮,口感爽脆非常,有小小辣好正啊! #ai公仔創意挑戰#每日新鮮果昔 #cetaphil舒特膚肌膚關注月 #港式米線 #火鍋 #九龍美食