荃灣最平$88北海道和牛漢堡扒專門店　席前即燒！即刨半融芝士／肉汁滿瀉

Savour_Life

香港攻略

肉肉大米 (屯門)

屯門和牛漢堡扒🥳 等都值得！

今日去咗屯門一間長期人氣､要排隊嘅日式漢堡扒專門店｡好彩今日落大雨,唔使排長龍,去到啱啱剩低兩個位,超正🤭! 喺門口揀好餐點就買飛,齊人就可以入內入座!呢間店主打和牛漢堡扒,一共有三款口味:原味､芝士味､蒜香黑胡椒煙肉味,可選兩件或者三件漢堡扒套餐｡ 今次我哋點咗兩份三件裝漢堡扒,我三種口味全部試匀｡漢堡扒全部即叫即煎,套餐包一隻生雞蛋,西蘭花､日本米飯同湯品都係任添任食｡ 檯面擺有九款調味料俾你揀,檯前亦貼有提示卡,教大家最佳食法｡一開始我以為一般漢堡扒都會用牛肉頭頭尾尾絞碎,但頭先喺廚窗發現,職員係直接用靚牛肉絞碎,感覺餐廳十分有誠意｡ 原味和牛漢堡扒 漢堡扒煎至六至八成熟,外層焦香､內裡軟嫩,肉汁非常豐盈｡如果想食熟一啲,可以同店員講,或者將漢堡扒擺枱上嘅鐵板多一陣,就會更熟｡原味嘅好處係可以自由搭配心水調味料,我最鍾意佢哋嘅燒肉醬汁｡ 芝士和牛漢堡扒 漢堡扒面頭鋪一塊芝士,店員會即場刨大量芝士鋪成芝士山,濃郁車打芝士融落漢堡扒面,仲可以拉絲,味道超夾｡ 煙肉蒜香黑胡椒漢堡扒 炭燒和牛釋出嘅油脂,配埋煙肉､大蒜同黑胡椒,搭配得天衣無縫,超好食,非常送飯｡ 三件漢堡扒套餐(原味/芝士/煙肉蒜香黑胡椒)$140 三件漢堡扒套餐(原味兩件+芝士一件)$125 另加10%服務費 價錢一概以店內公佈為準｡ 餐廳:肉肉大米 地址:屯門屯順街1 號2 號餐廳屯門市廣場FOODMAZE 內1期2樓 2253A 號舗 #肉肉大米#日式漢堡排#屯門肉肉大米#屯門市廣場 #屯門美食

nicolabbyan

日式料理

肉肉大米 （德福店）

德福肉肉大米漢堡扒🤤必食！

九龍灣德福肉肉大米食評:原味､芝士､期間限定忌廉菇菌漢堡扒 九龍灣德福廣場1期1樓F23號舖的肉肉大米(Niku Niku Oh! Kome),係日式漢堡扒專門店,人氣超高,經常排長龍!用九州黑毛和牛混美國牛肉手打漢堡扒,厚度足､Juicy爆汁,配日本東北虹煌米(即磨即煮),飯香軟糯一流｡套餐仲有無限添飯､味噌湯､西蘭花,食到飽! 原味漢堡扒:最經典推介!外層微焦香脆,內裡6-7成熟嫩滑多汁,咬落牛肉鮮味濃郁､肉汁四溢｡唔加任何醬都好食到飛起,最能突出肉質本身｡加生雞蛋+醬油拌飯,滑順又邪惡,食評一致讚｢原味最正､最尋味｣! 芝士漢堡扒:芝士控必試!師傅即場刨海量芝士碎落面,熔化後拉絲超澎湃,鹹香濃郁配肉汁,層次豐富似食豪華漢堡包｡多層次口感邪惡但好好食,份量足夠滿足重口味! 期間限定忌廉菇菌漢堡扒:最新推出,熱辣辣上碟!即炒三種菇菌(雜菇豐富)配新鮮煮出忌廉汁,淋上漢堡扒,菇香淡淡滲入肉裡,creamy滑順又唔膩,襯托肉香更上一層樓｡食評話｢菇味濃郁､忌廉汁香滑,層次爆燈｣,必試限定口味! 整體環境開放式廚房,可近距離睇師傅即製,服務貼心會講解配搭｡價錢$101-200,性價比高｡缺點係高峰期等位耐,建議平日早去｡OpenRice､IG食記滿分推介,食過返尋味!鍾意厚肉漢堡扒嘅你,呢三款絕對係德福必食~ #德福廣場#漢堡扒#肉肉大米#日本

vswl vienne

打卡熱點

一輪

漢堡扒專門店😋🥰

一輪(荃灣) 呢度漢堡扒有三款味😋~原味､蕃茄🍅同芝士🧀原味就咁點少少鹽都好好食好香😍蕃茄味就酸酸地有啲似羅宋湯味唔會太膩😚至於芝士味個芝士醬都好正🤩 佢仲有配菜同埋好大碗味噌湯加無限添嘅飯🍚正~🥰😍🤩😚 #UCreator#打卡美食#好去處#全新景點#一輪#漢堡扒#荃灣#chill#隱世打卡點#打卡#chill嘆酒店旅人祭#主子spatime#懶人清潔#泡泡潔淨#別要再蝨眠#懶人養生最佳伴侶#ai公仔指令#chatgpt公仔指令#ai公仔創意挑戰