西環有一間日式串燒店「本炭火燒鳥」，主打以備長炭炮製的各款日式串燒及美食，當中包括自家製月見雞棒、雞腳筋、提燈、炙燒A4鹿兒島黑毛和牛、牛舌關東煮、慢煮雞肝及磯燒生蠔等，送酒一流！餐廳還提供各式飲品選擇，包括含酒精及非酒精飲品，大家不妨約埋朋友去試試啦~
餐廳佔地過千呎，裝潢以的傳統胡桃木為主要設計元素，極具現代日式風格，整體感覺輕鬆寫意。店內還蘊藏了大量日式裝潢細節，如清酒瓶、餐牌、掛畫及燈飾等，而店外懸掛的一排燈籠，就仿如置身於日本小街。店內除了主用餐區外，亦有兩個包廂，客人更可選擇坐在吧枱前，欣賞師傅的出色手藝。
客人一入座，侍應便會先奉上經數小時熬煮的熱雞湯一杯，配上柚子胡椒，風味十足！至於雞串燒方面，全部均採用日本雞入饌，常備部位共10多款，包括全新菜式炭火地雞（$98）、每天自家製的月見雞棒（$78）、及人氣雞腳筋（$38）等。炭火地雞的雞塊只用鹽簡單調味，再於炭火上烤熟，每件雞件都口感嫩滑同時帶陣陣炭香；而自家製月見雞棒，則以軟骨與雞脾肉每天新鮮手打製成，掃上燒汁慢烤，再配上日本太陽卵蛋黃，非常吸引！
此外，餐廳亦不時供應是日限定的特別部位，例如提燈（$88）及雞子（$48）等。
餐廳還提供其他日式下酒菜，例如炙燒A4鹿兒島黑毛和牛（$238）、牛舌關東煮（$68）及慢煮雞肝（$68）。海鮮控則可以選擇每天款式不同的是日鮮魚（$198起）及磯燒生蠔（$68）等。蔬菜方面，必試茄子田樂（$78），將原隻茄子開邊，再鋪上滿滿經自家調味的味噌於炭火上烤至軟熟，另外亦有香甜可口的粟米，以及充滿牛油香的蜜糖牛油新薯（$28）等。想更添飽腹滋味，可以試試雞湯茶漬燒飯糰（$48），口感香脆，同時帶濃濃雞湯味。
飲品方面，餐廳提供了多款選擇，包括含酒精及非酒精飲品，其中清酒全由本地唎酒師根據菜式挑選，推介口感順滑圓潤、果香豐富而甜度明顯的1.8L作雅乃智中取り純米大吟釀（$1088）和720ml田酒特別純米酒（$688）。創辦人更特地拜訪了十多家日本酒吧偷師，帶來了以日本水果為主角的雞尾酒，以日本梨混合日本酒打成沙冰（港幣138元），清新香甜，可以去除串燒的飽膩感。此外，餐廳亦備有各款威士忌梳打（港幣78元）、燒酎梳打及無酒精梳打（港幣38元）。
按細圖睇Menu+價錢：
本炭火燒鳥
地址：香港西營盤忠正街1號藝里坊2號8-11號舖
訂座 Whatsapp：+852 5596 8180
營業時間：
星期一休息
星期二至四：下午5時至晚上11時
星期五至日：下午3時至凌晨12時
同場加映：【小編開箱】最新影片
人氣餐廳排名
-
香港攻略
藝里坊
炭燒香撲鼻！🤤 燒鳥解日本「鄉愁」🇯🇵
爸爸又飛咗去日本做嘢,JJ日日講想去日本,奈何暫時未有時間飛,於是帶佢嚟西環呢間｢本炭火燒鳥｣,一解｢鄉愁｣🇯🇵 一入門,陣陣炭火香氣撲鼻而來——呢種煙燻中帶焦香嘅味道,係電爐永遠模仿唔到嘅靈魂😚 JJ望住師傅喺炭爐前熟練地轉動串燒,眼裡閃住興奮嘅光,仲細細聲同我講:｢聞到呢陣味,好似返咗去日本咁｡｣😂 厚切牛舌芯絕對係必點!外層燒得微焦,內裡粉嫩,一咬肉汁爆發,炭火將牛舌嘅濃郁油脂昇華到另一個層次🙌🏻 炭火地雞同樣令人驚艷,雞皮燒得脆薄如紙,雞肉卻保持軟嫩多汁,店員仲會叫我準備電話影相,因為係會噴火❤️🔥 我哋仲點咗明太子山藥､芝士翠玉瓜､雞皮同雞腎,每一串都燒得恰到好處｡磯燒元貝鮮甜彈牙,雞白湯烏冬濃郁暖胃,仲有牛油果豆腐沙律平衡返🥗 飲品方面,JJ叫左 晴王麝香青提梳清甜爽脆🍸 果香同炭火串燒意外地夾;我就叫左 荔枝烏龍康普茶微酸帶氣泡,發酵茶香完美解膩,refreshing得嚟又唔會搶走食物風頭🍹 最驚喜係餐單定期更新有新鮮感,店員熱情氣氛輕鬆自在｡滿意滿意🫶🏻 📍本炭火燒鳥 (西環) 西營盤忠正街1號藝里坊･2號地下8-11號舖 @yakitoriya.hon #炭火燒烤#居酒屋#本炭火燒鳥#西營盤#西環美食
閱讀更多
-
香港攻略
燒鳥鳥匠
🔥中環專食稀有部位嘅燒鳥店！
備長炭即烤,日籍師傅主理~稀有部位+月見棒必食!🍢 👉🏻 Low cook Chicken Tender Sakura marinated $78 櫻花漬慢煮雞胸刺身(一成熟🐔)配雞湯啫喱~冰爽嫩滑無腥味,淡雅花香超驚喜🌸✨ 👉🏻 Kitsune $45 腐皮包住免治雞肉+紫蘇葉🌿~紫蘇香氣解膩,食過都話正! 👉🏻 Tsukune $48 混入雞軟骨嘅免治雞肉棒,蘸蘭王蛋黃醬油🍳~軟嫩中帶爽脆,呢個必點‼️ 👉🏻 Wing $48 去骨雞中翼,鹽味炭燒到外脆內爆汁💦~｢咬落爆曬汁｣真係招牌中的招牌! 👉🏻 Liver $45 備長炭精準烤到六七成熟🔥~外層爽彈,內裡粉嫩無腥,內臟控最愛❤️ 🔪稀少部位挑戰🔪 👉🏻 Chicken Oyster $48 每隻雞只得兩粒!位於雞大腿旁,形似生蠔🦪~皮脆肉嫩超多汁,號稱｢雞身上最美味的一塊肉｣🤤 👉🏻 Engawa Part Gizzard $45 (雞腎邊) 超罕見筋膜串燒!口感極致爽脆,調味稍濃~下酒神器🍻 👉🏻 Heart Joint $48 心之血管💓~比一般雞心更煙韌爽脆,探索內臟層次必試! 👉🏻 Chicken Belly $48 (雞橫膈膜) 爽彈Juicy,嫩肉帶點筋~邪惡焦香油脂風味,配酒一流!🍷 💬總結:想試外脆內嫩､炭香爆燈嘅頂級串燒?嚟鳥匠就對喇!記得book位🔥 📍鳥匠Yakitori Torisho @yakitori.torisho.hk 中環雲咸街79號夏利里拉行地下低層 電話: 27270117
閱讀更多
-
日式料理
九鬼居酒屋 (西環)
📝西環。九鬼居酒屋
#20251104📝 📍 #九鬼居酒屋@kukiizakaya 西環西營盤高街80-86號麗賢閣地下A及B號舖 🍽️ 銅鑼灣耀華街21號華耀商業大廈地下7號舖 ➖➖➖➖➖➖➖➖➖➖➖➖➖➖➖➖ #紫薯香梨沙律配栗子乳酪醬$98 💭 呢個沙律既配搭好新穎,面頭有啲栗子碎🌰然後有一片片既紫色蕃薯同橙色蕃薯🍠口感都係粉粉地咁,但夾埋一片片爽口清甜既梨即刻唔同晒🍐最正係佢唔係好似平時既沙律咁落沙律醬,而係落乳酪醬,酸酸甜甜開胃得尼又健康🥗 . #海老三重奏$138 💭 相信每間屋酒屋都梗有自創既卷物,呢間都唔例外,佢個三重奏係首先有面頭海量既櫻花蝦,然後就係卷物上面大大隻既甜蝦,最尾係卷物中間包住左用蝦湯整既啫喱,食落蝦味濃郁又得意🦐 . #雞掌心$48 #雞腳筋$48 💭 見到menu有好多特別既雞串燒,想試下提燈但原來要預訂,於是試左另外兩款,第一次將雞腳分開咁食,雞掌心係平時雞腳果粒圓軲轆既肉,口感彈牙,雞腳筋就係雞腳後面果條筋,食落爽口,趣致🐔 . #免治雞肉棒$68 💭 除左啲特別既串燒之外,都有啲常見既,每次食串燒都必叫呢個,因為好鐘意點蛋汁果種口感,漿漿地但個雞肉棒又有啲軟骨咁爽爽地,滑身又有野咬,出色🍗 . #和風柚子脆雞皮$58 💭 炸雞皮係一款超好送酒既小食,呢度有清酒放題有好多款清酒任飲,都係$298/人咋🍶雖然無叫到酒,不過都會成日叫尼過下口癮,呢個同平時果啲唔一樣,佢唔係淨係得雞皮咁dry,仲有啲洋蔥做配菜,而且佢底下仲有啲柚子味既汁可以點,真係第一次咁食🧅 . #雞肝多士$138 💭 今餐都算得上係雞全部都係雞,唔爭在食多個雞肝,大大塊既雞肝入口即溶咁濟,好似食緊鵝肝咁,最特別係佢面頭啲梅子醬,酸酸地可以消除左雞肝個膩,中日fusion可以再encore🥪 . #立鱗燒$168 💭 食左咁多樣雞試返舊魚先,呢個將馬頭魚啲鱗炸到豎起晒,所以先叫做立鱗,平時刨走既魚鱗炸到食落脆卜卜,同底下舊滑捋捋既魚肉完全係成對比,得意得意🐟 . #甜品拼盤$98 💭 臨尾想叫個甜品做個perfect ending,太多選擇揀唔落手,叫個拼盤就可以一次過試晒,燒菠蘿暖笠笠,加熱左啲甜味出晒尼🍍又有傳統日式既紅豆蕨餅,最驚喜係個豆腐同抹茶雪糕,極度足味而又唔會死甜,太滿足🍨 . #西環美食#🐷在西環 #銅鑼灣美食#🐷在銅鑼灣 #🐷_食
閱讀更多
