9間旺角宵夜推介／附10點後宵夜時段特價優惠！

2025旺角宵夜推薦｜不論是同朋友睇午夜場逛街唱K，還是夜收工想食宵夜，不少人都會選擇去旺角！不少油麻地、太子、旺角餐廳都會營業至凌晨3時，大家10點後想找個地方覓食，旺角就是食宵夜好去處啦！今次小編為大家介紹9間旺角宵夜餐廳，由港式串燒及日式居酒屋，至到潮洲打冷、火鍋雞煲、打卡酒吧、甜品糖水，應有盡有，相信總有一間啱你心水。最重要當然是還有旺角宵夜時段優惠，即刻召集一眾愛食宵夜的夜鬼出動！

↓點擊圖片放大↓

+7

+6

旺角宵夜2024｜逾10間旺角餐廳推介！

1. 旺角宵夜：港式/中菜
2. 旺角宵夜：火鍋/雞煲
3. 旺角宵夜：日式美食
4. 旺角宵夜：西式料理
5. 旺角宵夜：甜品/糖水

旺角宵夜：港式/中菜

旺角宵夜推介｜1.「輝記雞粥檔」隱世巷仔好味雞粥

「輝記雞粥檔」創於1976年，已經有超過40年歷史，是不少搭通宵小巴的朋友回憶。馳名雞粥先用豬骨和雞骨煎香，再加入粥底及用鹽醃過的雞肉，粥底綿密而雞肉嫩滑，充滿雞的鮮味及淡淡酒香。餐廳兼賣豬肝粥、豬骨粥、即叫即造炸両等。不夠飽可以食多一碟炒麵，鑊氣十足炒得乾身，拍得住大牌檔出品。

↓點擊圖片放大↓

+4

+3

輝記雞粥檔地址、電話及營業時間

地址：旺角旺角道53A號地舖
電話：9518 5795
營業時間︰星期一至日20:00 - 06:00

旺角宵夜推介｜2.「明記潮館 」抵食潮州打冷中菜館

「明記潮館 」是一間舒適寬敞的潮州菜館，環境比一般打冷乾淨。菜式專攻潮州打冷、中式小炒、煲仔小菜，亦有新鮮游水海鮮，食物味道不錯之餘，重點是份量超多。招牌滷水拼盤有齊鵝片、鵝腸、豬大腸、紅腸、豬腩肉、墨魚等，滷水汁香濃，食材入味。另外怎少得韮菜豬紅呢？豬紅香滑，韮菜非常索湯。必試的還有蠔仔肉碎粥，粥底濃稠鮮甜，蠔仔肥美大隻。餐廳營業至凌晨03:30，是想旺角宵夜打冷的推薦餐廳！

↓點擊圖片放大↓

+9

+8

明記潮館地址、電話及營業時間

地址：旺角砵蘭街180號砵蘭180+商場3樓
電話：2485 0888
營業時間︰星期一至日17:30 - 03:30

旺角宵夜推介｜3.「安安燒」川式串燒專門店（已結業）

「安安燒」是一間串燒、小食、啤酒一應俱全的小店，而且地理位置方便。串燒款式眾多，肉類海鮮蔬菜丸類樣樣齊。招牌菜有蒜蓉燒扇貝、燒茄子、燒韮菜等。肉食愛好者就以燒牛舌及水菓牛肋條最受歡迎，女士可以食埋燒棉花糖夾餅做甜品。店家更首創三重芝士撈丁，用上車打芝士、巴馬臣芝士及藍芝士，芝士味超濃厚，還可以加蒜蓉、黑松醬或鰻魚汁，風味獨特。餐廳現進行星期五至日晚上9:30後入座88折，誰要宵夜食串串燒啤一啤佢？

↓點擊圖片放大↓

+9

+8

安安燒地址、電話及營業時間

地址：旺角彌敦道601號創興廣場18樓
電話：2617 2220
營業時間︰星期一至日17:00 - 03:00

旺角宵夜推介｜4.「人和荳品廠」老字號平民價豆腐花 24小時營業

「人和荳品廠」主打豆品類美食，價錢平民又大份，可謂打工仔的糧尾恩物。必試招牌豆腐花，口感滑溜，豆味馥郁。另外推介魚肉煎豆腐，平均只需$6件。豆腐煎得金黃香口，外脆內軟，釀入鹹香釀魚肉。另有豉油皇炒麵、油渣麵拼豬腸、煎餃子、蒸腸粉等選擇，確實是飽肚之選。最重要是餐廳24小時營業，無論甚麼時候也可以買到宵夜。

↓點擊圖片放大↓

+6

+5

人和荳品廠地址、電話及營業時間

地址：旺角旺角道28號地舖
電話：2395 9867
營業時間︰24小時營業

回目錄

旺角宵夜：火鍋/雞煲

旺角宵夜推介｜5.「為食仔海鮮火鍋專門店」卜卜蜆火鍋店專門店

「為食仔海鮮火鍋專門店」一間主打各式卜卜蜆的火鍋店，除了原味卜卜蜆煲外，還有喇沙、鹹菜胡椒豬、藥膳、冬蔭功、胡椒雞湯口味。嗜辣者必叫18禁卜卜蜆煲，由野生椒、七星椒、眼鏡蛇椒及印度椒製，辣度夠刺激。每煲卜卜蜆約3斤，蜆肉肥美鮮甜，最重要係無沙。餐廳獨有黃金系列火鍋配料，如自家黃金炸響及蝦膠奶皇包，有濃郁鹹蛋黃香味，特別受歡迎。記住晚上9:30後入座可享首1小時無限任加卜卜蜆的宵夜優惠，大家一於食盡佢！

↓點擊圖片放大↓

+9

+8

為食仔海鮮火鍋專門店地址、電話及營業時間

地址：旺角白布街4號地舖
電話：5334 8198
營業時間︰星期一至日17:00 - 02:00

旺角宵夜推介｜6.「18樓雞煲火鍋專門店」性價比高雞煲邊爐放題

「18樓雞煲火鍋專門店」提供兩小時雞煲任食及火鍋放題，客人可以按自己喜好選擇適合的套餐，平均$200就有交易。雞煲以啖啖肉的三黃雞入饌，以店主自家製的四川麻辣醬及多種香料烹煮，醬汁香辣濃郁，雞件嫩滑濃香。歎完雞煲再加入豬骨湯打邊爐。配料方面，多達80款任客人選擇，有每日精選的新鮮海鮮、花膠、雪花肥牛等都是無限任叫，加上多款汽水、飲品、雪糕及乳酪全部任食，定必回本！

↓點擊圖片放大↓

+5

+4

18樓雞煲火鍋專門店地址、電話及營業時間

地址：旺角彌敦道601號創興廣場18樓
電話：3113 8468
營業時間︰星期一至日17:00 - 02:30

回目錄

旺角宵夜：日式美食

旺角宵夜推介｜7.「大門橫丁」石鍋手打烏冬＋日式串燒

「大門橫丁」店外掛著日式紅燈籠，塑造日本居酒屋風格。餐廳主打一人一鍋石鍋手打烏冬，九款湯底任君選擇，包括鮮蕃茄濃湯、九州豬骨濃湯、辛辣沙嗲濃湯等，並自行配搭配料。日本直送手打烏冬的確非常煙韌彈牙！此外，串燒款式和居酒屋料理有過百款選擇，串燒提供多款口味，重口味人士可選擇自家製汁燒、辛辣燒、韓醬汁燒及芝士燒。整體價錢非常親民，最重要的是10點後宵夜時段有特價串燒優惠，價錢勁減！

↓點擊圖片放大↓

+7

+6

大門橫丁地址、電話及營業時間

地址：旺角山東街76號地下（麥花臣球場旁）
電話：2394 4308
營業時間︰星期一至四及日12:00 - 16:00、18:00 - 00:00；星期五至六 12:00 - 01:00

回目錄

旺角宵夜：西式料理

旺角宵夜推介｜8.「Ghetto Cafe」夜光塗鴉街頭風漢堡店

「Ghetto Cafe」以橙色同銀色為主調，由著名香港街頭噴畫藝術家設計彩色塗鴉牆，七點後會亮起橙色霓虹燈，配上牆身夜光塗鴉，更會播放HipHop音樂，搖身一變為美式街頭小酒館，超有氣氛！食物方面主打美式漢堡，漢堡包均選用新鮮食材製成，而且漢堡牛全部以手打製作，推薦美式經典滋味牛肉漢堡、新鮮粒粒蝦滑漢堡、黑松露滋味牛肉漢堡等。晚市更有特色雞尾酒供應，另外可以試到特別調製的本地手工啤。餐廳全日提供外賣自取9折優惠，大家可以買宵夜回家慢慢歎。

↓點擊圖片放大↓

+9

+8

Ghetto Cafe地址、電話及營業時間

地址：旺角黑布街13號地舖
營業時間︰星期一至四及日12:00 - 02:00；星期五至六12:00 - 03:00

旺角宵夜推介｜9.「Subtle Island」打卡摩洛哥風酒吧餐廳

「Subtle Island」佔地5000呎，全店以摩洛哥風作設計，濃濃異國風情。一進餐廳，即看到多個打卡位，如以希臘風許願池，可坐在池邊享受美食；又如以真沙打造的室內沙灘，一旁放滿仙人掌、波灘座椅等。室外露台最搶眼的是圓拱門彩磚座位，鋪上彩色地毯。晚上更加有氣氛，最適合與三五知己或閨密坐在鞦韆座椅談心，配壺花茶或者雞尾酒Chill下！食物方面主打Fusion西式料理，有前菜小食、沙律等輕食，亦有不同意粉、意大利飯、扒類、甜品選擇。

↓點擊圖片放大↓

+10

+9

Subtle Island地址、電話及營業時間

地址：旺角西洋菜南街51號友誠商業中心4樓
電話：5348 1417
營業時間︰星期一至六12:00 - 02:00；星期日12:00 - 00:00

回目錄

旺角宵夜：甜品/糖水

旺角宵夜推介｜10.「仁芝初」古法傳統中式糖水店　

「仁芝初」是一間由90後主理的手作中式糖水店，以傳統古法每日新鮮製糖水，價錢經濟實惠，最平$30就食到。必試招牌生磨糖水，尤其生磨芝麻糊稠厚綿滑，香濃足料。店中亦有中式傳統糖水甜點選擇，如白果薏米腐竹糖水、蓮子陳皮紅豆沙、木瓜燉雪耳等，甜度適中而且味道正宗。推介創新甜品法式紫米露，層層相間法式燉蛋、紫米露、芒果石榴啫喱和椰汁，味道和口感有多重層次。

↓點擊圖片放大↓

+10

+9

仁芝初地址、電話及營業時間

地址：旺角通菜街2Q-2Z號鴻輝大廈地下6號舖
電話：3111 8709
營業時間︰星期一至四及日14:30 - 00:00；星期五至六14:30 - 00:30

旺角宵夜推介｜11.「Joyful Dessert House」米芝蓮推介甜品小店 （已結業）

「Joyful Dessert House」供應多款創意西式甜品，有芭菲杯、奶凍、窩夫、刨冰等，更連續多年得到米芝蓮街頭小食的推介(2016-2023)。人氣甜品芒果拿破崙賣相精緻，三層酥皮非常鬆脆化帶牛油香，配上超甜芒果肉和吉士忌廉。最近推出的栗子拿破崙也大獲好評。綠茶心太軟伴雪糕亦是店中招牌甜品，用上日本綠茶粉，一刀切開蛋糕，濃稠的綠茶醬馬上湧出來，再沾上綠茶雪糕，體驗冷熱交融的感覺。最近餐廳推行十週年優惠，甜品買2送1，甜品愛好者切勿錯過！

↓點擊圖片放大↓

+8

+7

Joyful Dessert House地址、電話及營業時間

地址：旺角黑布街74號藝興大廈地下2及3號舖
電話：2856 1886
營業時間︰星期一至四15:00 - 00:00；星期五15:00 - 01:00；星期六14:00 - 01:00；星期日14:00 - 00:00

圖片來源：FB@Joyful Dessert House、IG@cpallfoods、IG＠art.of.dessert_、IG@foodie_candyui、IG@corgiwithfood、IG＠foodie_hkpig、IG@london.food4yallbbs、IG@foodie_bigeyesmui、IG@chopper_5959、FB@安安燒 - 川式串燒專門店、IG@kpl6be6、IG@feed_your_friend、IG@foodpinkypeach、IG＠edwardshyiu、FB@Tam WK、FB＠我叫聰聰、IG＠subtleisland_

• 尖沙咀宵夜餐廳/小食店推薦 附宵夜時段特價優惠！
• 銅鑼灣美食｜12大銅鑼灣餐廳推介 港式懷舊麵包／威靈頓羊架／鳳梨烤魚
• 逾10間尖沙咀美食推介｜尖沙咀餐廳/人氣過江龍/平價美食/日韓料理/宵夜甜品
• 逾10間觀塘美食推介｜觀塘餐廳/大熱長龍店/平價美食/日台料理/宵夜甜品
• 逾10間荃灣美食推介！荃灣餐廳精選老闆娘雲南米線／平價石燒牛／流心蛋包飯／打卡Cafe