提到夜生活深夜食堂，當然非尖沙咀莫屬。今次小編為大家介紹9間尖沙咀宵夜餐廳及小食店，下次去尖沙咀食宵夜就不用苦惱啦！不論深夜想食日式拉麵及串燒，還是火鍋、港式滷味、大排檔、日式刨冰、中式糖水，應有盡有，保證滿足到各人口味。最重要當然是還有尖沙咀宵夜時段優惠，即拉大隊約親朋好友品嚐尖沙咀宵夜餐廳各種深夜美食。
尖沙咀宵夜10大餐廳/小食店推介
- 「燒烤堂」逾100款自創串燒居酒屋
- 「大門橫丁」石鍋手打烏冬＋日式串燒
- 「拉麵來」最正宗自家製日式拉麵
- 「星鍋 火鍋•餐酒館 by VSING」唱K火鍋店 無限任換火鍋湯底＋$1火焰雞煲
- 「香香宮煮」IGable宮廷主題火鍋店＋即場變身皇上/娘娘
- 「第三代肥仔小食店」米芝蓮推介街頭港式滷味
- 「Soi 29」地道泰式大排檔
- 「Burger Mate」隱世漢堡包店
- 「SHARI SHARI Kakigori House 氷屋」爆紅日式刨冰店
- 「研香」招牌石磨開心果露/ 8小時慢磨芝麻糊
同場加映：U Food【開箱速遞】最新影片！
尖沙咀宵夜推介｜1. 燒烤堂
「燒烤堂」 裝修採用日式風格，有室內區域和戶外區域，非常適合家人朋友聚餐。餐廳主打即叫即燒串燒和居酒屋料理，而串燒絕對不是一般豬牛羊簡單，串燒涵蓋港、泰、日、川、西、台、新疆口味，種類多達100款以上，總有一款啱口味！餐廳選用高質食材，例如採用日本無激素走地雞製作各款雞肉串燒。還有售賣不少自家創意菜式，包括焦糖青蘋果鵝肝多士、雞皮墨魚滑、檸蜜牛油包等。晚市時段更有生啤買一送一優惠，誰要宵夜食串串燒啤一啤佢？
燒烤堂地址、電話及營業時間
地址：尖沙咀諾士佛台1號1樓
電話：9886 5052
營業時間︰星期一至日18:00 - 02:30
尖沙咀宵夜推介｜2. 大門橫丁
「大門橫丁」店外掛著日式紅燈籠，塑造日本居酒屋風格。餐廳主打一人一鍋石鍋手打烏冬，九款湯底任君選擇，包括鮮蕃茄濃湯、九州豬骨濃湯、辛辣沙嗲濃湯等，並自行配搭配料。日本直送手打烏冬絕非浪得虛名，的確非常煙韌彈牙！此外，串燒款式和居酒屋料理有過百款選擇，串燒提供多款口味，重口味人士可選擇自家製汁燒、辛辣燒、韓醬汁燒及芝士燒。整體價錢非常親民，最重要的是10點後宵夜時段有特價串燒優惠，價錢勁減！
大門橫丁地址、電話及營業時間
地址：尖沙咀厚福街9號豪華閣地舖
電話：2394 4335
營業時間︰星期一至四及日 12:00 - 16:00、18:00 - 00:00、星期五至六 12:00-16:00、18:00 - 01:00
尖沙咀宵夜推介｜3. 拉麵來
「拉麵來」小店面積不大，裝修以木系為主調，牆上貼滿日本舊海報和玩具，帶濃厚復古昭和氣息。招牌北海道牛乳忌廉湯雞叉燒拉麵以濃厚雞白湯配上北海道牛乳忌廉醬，再配搭順滑彈牙的拉麵。店內亦有多款店長推介，包括極上海老吟釀湯拉麵及牛舌牛尾湯拉麵。此外，傳統炸物如廣島吉列珍寶蠔、自家製餃子等酥脆不膩，是拉麵以外的好選擇。大家去到尖沙咀食宵夜，不妨來吃碗熱呼呼的拉麵，暖一暖深夜的肚子！
拉麵來地址、電話及營業時間
地址：尖沙咀加拿分道25-31號國際商業信貸銀行大廈地下8號舖
電話：2715 0811
營業時間︰星期一至五12:00 - 16:00、18:00 - 23:30；星期六至日及公眾假期12:00 - 23:30
尖沙咀宵夜推介｜4. 星鍋 火鍋•餐酒館 by VSING（已結業）
「星鍋 火鍋・餐酒館 by VSING」佔地逾2,000呎，座位寬敞闊落。以「唱K + 邊爐」組成全新「K邊」概念，店內自設專業級音響配備，加上舞台及燈光效果，食客可打邊爐同時欣賞Live Music。特別之處是新設唱k舞台，食客可以上台唱歌互動，超有氣氛！餐廳採用一人一鍋的形式，有佛跳牆、麻辣鴨血鍋、胡椒豬肚雞鍋鍋等七款鍋底選擇，而且首創「湯底任換」，可隨意轉換同價或以下湯底，一次邊爐食勻多款湯底口味。凡經 OpenRice 預訂，並於21:00 - 02:00 入座，即可以優惠價$1換購火焰雞煲（原價$268）。
星鍋 火鍋•餐酒館 by VSING 地址、電話及營業時間
地址：尖沙咀諾士佛臺1號諾士佛臺一號5樓
電話：5429 5717
營業時間︰星期一至日18:00 - 03:30
尖沙咀宵夜推介｜5. 香香宮煮
香香宮煮以清朝宮廷風主題，大門放置一大張龍椅做擺設，內部裝潢帶有中國古代建築風格，甚有特色。店內提供男女宮廷服裝，食客可以穿著打卡留念，或穿著用膳，一圓宮廷夢。火鍋湯底款式多樣，更圍繞著古代公主命名。以招牌「雍穋公主花膠雞湯」為例，湯底以新鮮三黃雞熬足三小時而成，濃郁可口之餘滋陰養顏，適合愛美的女士們飲用。火鍋配料亦相當豐富，包括來自不同產地的肉類及各種海鮮，和牛拼盤食齊十幾款部位。最重要的是宵夜時段21:30後入座有78折優惠！
香香宮煮地址、電話及營業時間
香香宮煮 (金巴利中心)
地址：尖沙咀金巴利道35號金巴利中心地下A號舖
電話：2388 8026/ 65214748
營業時間︰星期一至日16:00 - 02:00
香香宮煮 (金輝大廈)
地址：尖沙咀加拿芬道16號金輝大廈1樓
電話：2338 1515
營業時間︰星期一至日12:00 - 23:45
尖沙咀宵夜推介｜6. 第三代肥仔小食店
「第三代肥仔小食店」是旺角人氣長龍店「肥姐小食店」店主的兒子開辦，已傳至第3代，亦榮登米芝蓮街頭小食 (2016-2022)之榜。鹵水每天以新鮮香料熬製，生腸與內臟清理乾淨，所有滷味都存放在凍櫃之中，待客人點食時才拿出來，環境衛生。小編推介大皇牌套餐，可一口氣試盡大墨魚、大生腸、火雞腎三款招牌，滷味串脆彈有嚼勁，加入甜醬和芥末更為惹味，超過口癮！
第三代肥仔小食店地址、電話及營業時間
地址：尖沙咀厚福街3號華博商業大廈地下G1號舖
電話：6255 3872
營業時間︰星期一至日14:30 - 00:00
尖沙咀宵夜推介｜7. Soi 29
「Soi 29」裝潢佈置充滿泰國風情，不論裝潢、枱櫈、餐具，都十足泰國地道夜市大排檔。餐廳環境寬大，坐得舒服。由泰國大廚炮製各款正宗泰式小炒菜式，包括人氣炒金邊粉、醉貓炒河、串燒、青咖喱等。當然亦有芒果糯米飯甜品、各款特飲選擇，適合鍾意食宵夜大排檔的你，有鑊氣夠香口！最特別的是這裡有泰國夜市吃到的傳統雪條，用上泰國傳統的輪轉式冰棒爐，將不同口味的冰水倒到小圓孔內，再插進一根一根竹籤，重覆地左右轉一轉，這樣就成了雪條啦！其中自家製泰式奶茶口味是人氣款式之一。
Soi 29地址、電話及營業時間
地址：尖沙咀寶勒巷29寶昌商業大廈地舖
電話：3795 3775
營業時間︰星期一至六18:00 - 00:00
地址：灣仔譚臣道1-3號地下（新開張內接受WhatsApp 訂枱）
電話：2336 6557 (WhatsApp 訂枱）
營業時間︰星期一至六18:00 - 00:00
尖沙咀宵夜推介｜8. Burger Mate
「Burger Mate」是由外國人主理的美式傳統漢堡包店，麵包每日親自手做，而手打漢堡扒選用USDA Prime 安格斯牛肉或日本和牛製作，用料高質。所有漢堡也是即叫即整，保證新鮮熱辣辣！小編建議食客若第一次光顧，必定要試試招牌車打芝士安格斯牛漢堡，份量十足又好味，好有牛肉味超Juicy。如果不吃牛肉的話，可試試店內獨有的日式天婦羅蝦漢堡，素食人士亦可選擇素漢堡。小食方面當然不少得薯條及其他炸物。夜晚去尖沙咀宵夜來一點邪惡美食就快點來！
Burger Mate 地址、電話及營業時間
地址：尖沙咀金巴利道78號金輝閣地下A號舖
電話：6461 2771
營業時間︰星期二至日11:00 - 23:00
尖沙咀宵夜推介｜9. Shari Shari Kakigori House 氷屋
「Shari Shari Kakigori House」為人氣爆燈的日式刨冰店，由日籍北海道老闆主理，主打以純淨日本水製作的刨冰，再配上不同水果及自家製糖漿調味，刨冰口感幼滑綿密，份量巨型又足料，適合與朋友share！小編私心推介焙茶黃豆粉忌廉刨冰和抹茶紅豆白玉刨冰，茶味香濃～另有芒果椰子刨冰、士多啤梨北海道牛奶刨冰（士多啤梨Special味）等。刨冰店更定時推出期間限定新口味，可留意餐廳Instagram公佈！
Shari Shari Kakigori House 氷屋地址、電話及營業時間
地址：尖沙咀漆咸道南83-85A號金德大廈地舖
電話：6255 3872
營業時間︰星期一至四及日 13:00 - 23:00；星期五至六及公眾假期13:00 - 23:30
尖沙咀宵夜推介｜10. 研香
「研香」以自家研磨港式糖水打響名堂，曾於疫情期間創下日賣500碗的佳績。憑著坊間少見的開心果露打出名堂，嚴選意大利西西里開心果，以特製石磨低溫研磨，入口香濃幼滑，帶濃濃開心果香。還有八小時慢磨芝麻糊、合桃露、腰果露等，款款稠厚滑溜，隨意自由配搭。店內所有產品為純素。此外，各款甜品都可以選擇不同甜度，可以滿足一眾想食糖水但又怕甜的人士。餐廳更推出三款鮮果冰：芒果冰、榴槤冰和龍眼冰，可以食到啖啖足料果肉～
研香地址、電話及營業時間
地址：尖沙咀厚福街7號地舖
電話：2386 8806
營業時間︰星期一至四13:30 - 00:00；星期五至日14:00 - 00:30
圖片來源：FB@大門橫丁烏冬麵串燒店 、FB＠拉麵來 ラーメン来 Ramen Kureha 、FB@香香宮煮火鍋、Michelin Guide@第三代肥仔、Klook@第三代肥仔小食店、IG@burgermatehk_official、IG@sharishari_hk、IG@grindie.hk、Google Map
人氣餐廳排名
-
香港攻略
人生有限杯.串燒店（尖沙咀店）
人氣串燒😋尖咀好去處！
今晚終於同朋友夾到時間,去咗呢間人氣串燒店嘅尖沙咀分店食夜晚｡店內環境乾淨舒適,燈光暖黃偏暗,氣氛好relax,我同朋友坐喺吧枱位置,仲可以望住師傅燒,好正｡ 串燒種類同小食有好多款,最平$10一串,真係好抵,我哋瘋狂咁叫,爭啲都驚食唔晒｡鹽燒西班牙五花腩肥瘦均勻,燒到外脆內嫩,肉汁超juicy｡燒墨魚鬚配泰式辣醬夠惹味,墨魚彈牙新鮮｡雞腿､雞中翼同雞皮都皮脆肉滑,特別愛雞皮嗰陣香脆口感;鹽燒雞軟骨咬落脆卜卜,好過癮｡ 鵪鶉蛋豚肉卷蛋香濃郁,黑松露金菇卷松露味突出但唔搶味｡焦糖菠蘿鵝肝醬多士係甜鹹驚喜,菠蘿焦糖香甜配creamy鵝肝醬,幾正! 海鮮方面,蒜蓉粉絲蟶子､蒜蓉燒蠔同磯燒帆立貝都新鮮,蒜香濃但唔蓋過鮮味,而且帆立貝仲有特別擺盤,個底有菠菜,夾埋起嚟都幾好食｡鹽燒和牛牛小排油花豐富,入口即化｡最後流心蛋薯仔沙律清新解膩,我鍾意嘅薯蓉質地｡ 飲品手打檸檬茶酸甜剛好解渴,冷泡白桃烏龍茶清甜帶果香,兩款都好襯今晚嘅菜式｡ 原來而家尖沙咀店增設宵夜時段,星期五六同紅日前夕由晚上6點開到凌晨2:30(last order 1:30),真係夜貓子福音!呢間串燒店質素高又夠地道,深夜想食燒烤真係推介! #串燒#宵夜推介#尖沙咀美食
閱讀更多
-
香港攻略
尖沙咀70年代昭和風創作系•拉麵來
而家喺香港夜晚想食餐好少少嘅都幾難,好多食肆十點就 last order 關門,難得畀我發現到喺尖沙咀地舖嘅｢拉麵來｣｡佢哋居然營業到 11:30pm 都仲食到熱騰騰嘅拉麵,絕對係夜宵界嘅清流,深夜肚餓真係好有救星Feel🌟 入到去,舖頭裝修充滿70年代昭和復古風,好似去咗日本街角嗰啲古早味拉麵檔咁,好有暖笠笠嘅人情味｡聽講佢哋自 2012 年成立至今,一直主打創作系拉麵,喺傳統日式拉麵基礎上加入唔少驚喜元素,湯底除了傳統風味之外,仲有牛尾湯､雞湯同蝦湯等等,好有特色💛 當晚同朋友試咗兩款完全不同風格嘅創作拉麵同小食,仲點咗清酒🍶 🍜 主食拉麵 🦀 大閘蟹肉味噌雞白湯拉麵:一上枱就聞到超濃郁嘅蟹香味,再加多少少蟹醋,蟹肉嘅鮮甜味同雞湯嘅濃郁完美結合,而且叉燒熬製到好腍又入味,每一口麵都掛到濃濃嘅湯汁👍🏻 🎃 🍊 南瓜柚子雞白湯拉麵: 呢款好特別,麵上加左南瓜同柚子蓉,自然甜香融入喺雞白湯入面,令湯底口感更加濃郁幼滑;最妙嘅係加上咗柚子嘅微酸清香,完全平衡咗濃湯嘅膩感｡而且仲加咗慢煮雞胸､炸牛蒡片､蒜芯､靈芝菇同開心果碎,味道非常特別,極力推薦畀鍾意創新口味嘅朋友🫶🏻 🍢 精選小食 🦪 廣島炸蠔:炸得非常酥脆,金黃外皮包裹住肥美多汁嘅廣島蠔,完全冇腥味,配埋醬汁食好惹味 😍 🍗 百花蜂蜜芝麻唐揚雞:外皮炸得香脆,裏面嘅雞肉保持到嫩滑多汁｡外層裹上咗一層微微甜嘅百花蜂蜜同香濃嘅芝麻,甜甜鹹鹹好開胃,大人小朋友都會鍾意💛 🍶 我叫咗一支真澄清酒嚟配拉麵和小食,口感清爽順口､米香純正,正好可以解掉炸物嘅油膩感,同時將大閘蟹肉同雞湯嘅鮮味提昇到另一個層次,簡直係完美嘅搭檔! ｢拉麵來｣真係一間好有心嘅創作系拉麵小店,由環境氛圍到食物品質都感受得到佢哋嘅用心｡最重要係喺尖沙咀深夜想食熱食,唔使再去食快餐或打邊爐,來呢度食碗暖心拉麵+飲杯清酒,正💪🏻 大家經過尖沙咀都快啲過去試吓支持香港小店💛 拉麵來 (尖沙咀) 尖沙咀加拿分道25-31號國際商業信貸銀行大廈地下8號舖
閱讀更多
-
香港攻略
好燒式串燒專門店 (旺角)
高質串燒@好燒式串燒專門店 (旺角)
晚上迎來秋風，又令人想去BBQ，簡單D就可以去食串燒，經過呢間串燒專門店就去開餐。 所有串燒都可以選擇辣度，走辣都無問題。 牆上貼上特色推介，日本生啤做緊買一送一。 先出場係蒜蓉燒聖子王 ($78)，舖滿蒜蓉係聖子上蒸，未食已聞到少少香蒜味。 已切成段，底部有金菇菜，聖子肉入口爽甜， 加上蒜蓉嘅香味，點會唔好食呢?! 跟住就有即叫即燒嘅自選串燒拼盤，鷄/牛/豬都有叫，包括鹽燒牛舌芯 ($49)，日式鷄柳串 ($20)，雞腎 ($20)，豬仔髀 ($44)，厚燒玉子 ($22)及豆卜 ($20)。 推介如牛舌芯，入口內裏仲係嫩滑唔乾，食到牛舌味道。 帶骨豬仔髀，拎住食啖啖嫩口肉，點埋個酸辣醬汁，係夾嘅。 最鍾意食蒜蓉燒茄子 ($78)，原條切開一半舖滿蒜蓉拎去燒，用筷子輕輕一夾已有成著茄子肉，腍甜好食。 呢客泰式燒三黃鷄 ($108/半隻)係新菜式，另有類似沙嗲醬汁配食。 侍應介紹係以先煎後焗嘅方法去處理，令鷄肉保持嫩滑。食落果然無水我，真係嫩滑，就算鷄胸肉都係，呢隻鷄叫得過。 想實在飽肚D，就叫埋呢客鮑魚汁海鮮荷葉飯 ($108)，賣相幾別緻，份量都夠3-4人分享。 入口飯粒分明，配料有蜆肉碎，鮑片，蝦仁及翠玉瓜粒，豐富味道與口感。特別食法可加少少酸辣醬汁，撈均食又帶點惹味。 仲有呢度有宵夜時段，營業到凌晨3點，夜貓子想搵野食都無問題。 好燒式串燒專門店 : 旺角砵蘭街110號地舖 #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #社群每週活動推送 #UCommunity社群 #送禮 #一齊EatToFit #送禮 #旅遊 #hkbeauty #hkblogger #hkfoodie #打卡 #hkfoodblogger #KOL #hkfoodblog #hklifestyleblogger #hkkol #社群 #ublog #bloggerhk #ULifestyle應用程式 #ULifestyleApp #ULifestyle社群密密送 #ULifestyleApp社群 #MOMENTSwithUCreator #UCreatorHK #社群創作有價企劃 #創作有價 #UCommunity社群 #社群每週活動推送 #一齊EatToFit (此文章由U Blog 同步發佈至社群)
閱讀更多
