最近UCC COFFEE SHOP期間限定的日本甜王士多啤梨軟雪糕於香港雪糕關注組大熱爆紅，網民評價好壞參半，更有網民於銅鑼灣SOGO分店買到奇怪形狀的士多啤梨軟雪糕，所以小編決定親身到銅鑼灣SOGO分店實試！小編買到的軟雪糕形狀正常，顏色非常鮮艷。頂部有一粒甜王士多啤梨，雪糕表面灑上了白朱古力碎，食落味道清甜，口感似雪葩，但小編食完整條脷都變了鮮紅色，各位士多啤梨控又有冇興趣試呢~
日本甜王士多啤梨軟雪糕 $45
軟雪糕顏色非常鮮艷，食落口感似雪葩，表面灑上了白朱古力碎，而頂部更有一粒味道香甜的甜王士多啤梨，但小編食完後舌頭連嘴唇都變了鮮紅色。
UCC日本甜王士多啤梨軟雪糕
供應點：UCC COFFEE SHOP
供應日期：即日起至4月30日
價錢：$45 (只限外賣)
