大家平日吃粉麵、茶餐廳會多叫一碟油菜不？近日就網民就有這個習慣，會在點外賣時多叫了一碟油菜，但這盒油菜卻不是平日常見的菜心、生菜，竟然是一碟絲瓜！面對這碟如此獨特的油菜，眾網民都直呼離譜。
同場加映：U Food【開箱速遞】最新影片！
近日就網民在facebook社交群組「香港茶餐廳及美食關注組」上，分享了自己外賣叫了油菜卻來了一碟絲瓜的經歷。從照片中可見，發泡膠盒的角落有一坨蠔油，而主角「油菜」即未去皮的絲瓜外形生硬又未熟，雖然勉強裝滿了發泡膠盒，但明顯連半條絲瓜的份量也不夠。
事主附上外賣項目圖，可見油菜的價格是＄30港幣。事主補充：「外賣加$30一碟既油菜🤮食左一件即掉。我咁大個仔都未見過有人用絲瓜來做油菜。」有留言提議事主應把油菜拿去餐廳退錢，惟事主解釋餐廳太遠故沒有這樣做。
事件引起網友熱烈討論：「應該成盒拎返去，喺啲客面前問佢呢兜未去皮嘅生絲瓜出自邊位廚師之手，請佢退錢」、「講真今時今日好多餐廳出品真係明顯蝦緊啲食客」、「佢咪會答你一時拎錯 比返碟生菜就咁算」、「盒未批皮絲瓜好貼心咁落咗蠔油，即係覺得上得碟俾人食，仍是一個bug呀，呢樣冇得合理解釋架」、「真係第一見絲瓜當油菜」、「找平台客服投訴」。
亦有網友幽默指「明顯廚房已經冇菜剩，有乜就用乜。下次如果剩低幾棵蔥。可能就係水煮蔥加蠔油。」、「廚師發板」、「廚師發癲」、「手拍青瓜就見得多，手拍勝瓜第一次見」、「不如原條上算啦，夠晒郊外田園風味」
資料來源：香港茶餐廳及美食關注組
