不可以色色！尖沙咀有間AV主題拉麵店悄悄崛起，「朝日大勝AV」供應的拉麵配有AV番號，例如FSDSS系列的一斤奶貝湯拉麵、SSIS系列的巨根海老湯拉麵，也有FSDSS717 芫茜絵豚骨拉麵等特色口味。室內裝潢方面，拉麵店掛滿霓虹燈牌及日漫裝飾陳設，幾有日本歌舞妓町的感覺，好適合打卡呃Like～
*按細圖查看朝日大勝AV Menu
同場加映：【簡易廚房】最新影片
尖沙咀AV主題拉麵店「朝日大勝AV」去年9月開業，供應的每款拉麵均配有AV番款，玩味十足！餐廳的裝修佈置亦非常吸睛，比如掛有「拉麵案內所」、「閪迷迷」、「求包養」等霓虹燈牌，也有不少日漫裝飾陳設、港人AV女優絵麗奈（素海霖）攬枕與縮骨遮，就連放置餐單的筆筒都印有「有劇情 ‧ 有感情」、「好正呀」等搞鬼字樣～
FSDSS一斤奶貝湯（$118）是「朝日大勝AV」近期主打的拉麵，12隻牛奶貝舖滿整碗拉麵，每隻都大隻又飽滿，湯底更是鮮味滿！SSIS巨根海老湯（$118）是另一招牌拉麵，兩隻手掌大的鮮蝦，裹上櫻花蝦麵糊炸成，食落十分酥脆，每根麵條亦吸飽濃郁蝦湯。還有FSDSS廣島蠔湯（$128）蠔肉飽滿又新鮮，半肥瘦叉燒亦爽彈沒有膩感。
喜歡絵麗奈老師的朋友就可以試試FSDSS644 大賞絵豚骨拉麵（$88）、FSDSS645 魅黑絵豚骨拉麵（$98）、FSDSS716 火辣絵豚骨拉麵（$98）和FSDSS717 芫茜絵豚骨拉麵（$98），湯底採用20多斤豬骨每日新鮮熬製而成，飲落舒服不涸喉，厚切叉燒亦有4片，火炙過特別香口～
「朝日大勝AV」同時供應多款特色小食，例如宮崎人南蠻雞（$48）、小龬炮雞卷（$48）和卜卜脆葱花餃子（$30），南蠻雞以秘製炸粉、酢汁製成，加上自家製他他醬，味道幾正宗；雞卷由炸雞皮包著雞肉，食落幾多汁；餃子的葱花量澎湃，愛蔥人士一定會喜歡。
朝日大勝AVラーメン
地址：尖沙咀漆咸圍2-4號金時商業大廈地下5號舖
營業時間：每日下午1時至晚上11時
電話：6061 4941
授權轉載：IG@syltyc；IG@_tiffanycc；IG@luvluvhk；IG@foodie.yvonne
人氣餐廳排名
-
日式料理
尖沙咀AV主題拉麵店9月結業🥲
位於尖沙咀的AV主題拉麵店「朝日大勝A V ラーメン」宣布將於2025年9月7日結業，這間充滿特色的拉麵店於2023年9月開業，最特別的是供應的每款拉麵均以AV番號命名，例如是FSDSS一斤奶貝湯及SSIS巨根海老湯等等。店內的裝修佈置亦非常吸睛，比如掛有「拉麵案內所」、「求包養」等霓虹燈牌，也有不少日漫裝飾陳設、港人AV女優絵麗奈（素海霖）攬枕與縮骨遮等。有興趣的食客記得在結業前留下最後回憶啦🥲 朝日大勝AVラーメン 地址：尖沙咀漆咸圍2-4號金時商業大廈地下5號舖 營業時間：每日下午1時至晚上11時 電話：6061 4941 #拉麵 #日本 #結業
閱讀更多
-
日式料理
黑龍拉麵
[勞蘇食]豚骨湯同雞白湯都正到爆💣
@kokuryuramen_wanchai #豚骨拉麵 灣仔相當出名既#黑龍拉麵,出名在於正宗日本風味,過江龍2014年開,好有風味既感覺😍長期排隊店,但等位都算快,因為上菜好快👍🏻Bar枱仲有得望住師傅整 黑龍豚骨拉麵,招牌拉麵,先飲湯,湯底係豚骨湯,超濃,有辣汁加埋更濃非常好味🫶🏻軟身麵超夾,有蛋味,掛湯好正🤤必加玉子,溏心蛋加啲濃湯好好味👍🏻叉燒腍滑,招牌就係質素保證🤞🏻餃子多汁夠脆,性價比高,炸雞🍗唔油肉嫩,味道都幾唔錯😌 白雞鹽味拉麵,#雞白湯望得出好黏🥺湯底超濃香既雞湯,實在太好味😋鹽湯清澈,完全吊晒啲雞味出嚟🐣愈食愈想食既拉麵,雞肉都正,拉麵地道食標配:加飯同生啤,揀咗明太子飯,唔係用明太子醬係真係明太子💕勁鮮,帶鹹香,就咁食飯都好正,撈埋拉麵湯絕配👍🏻飲埋SUNTORY 生啤,爽😎 整體非常高質地道日本拉麵屋體驗🥳今次食既兩款都極正,招牌記得要有辣,豚骨湯同雞湯都無得輸🫶🏻連小食同個明太子飯都驚喜咁正,未食過真係要嚟試吓🙌🏻
閱讀更多
-
日式料理
通菜街73號
好食到喊嘅拉麵🍜😋
又同好姊妹👯♀️去搵食🤣 前排經過呢間拉麵見到好多人排隊,舖頭入邊好多人,今次就即管嚟試吓,睇吓係咪真係咁吸引🤣 雖然要排隊,但都唔係等太耐 排隊時店員俾定落單紙我哋點,入到去坐低就好快有得食👍🏻 牡蠣沾汁麵 🦪 $138 (必食推介👍🏻) 以日本廣島牡蠣&豚骨烹調沾汁,一入口滿滿蠔味🤤還帶一點洋蔥嘅香味😋非常濃郁,亦非常掛麵👍🏻炙燒過嘅牡蠣,慢煮雞叉燒,慢煮豚叉燒,炙赤燒豚肉,半隻半生熟糖心蛋,紫洋蔥仲有青寧,一碗麵有咁多樣餸,好豐富😋 牡蠣一啲都唔腥,慢煮雞肉豚肉肉質嫩滑,每食一啖麵都有濃濃牡蠣味,牡蠣愛好者必食👍🏻 雞白湯拉麵 $98 湯底濃郁得來又好鮮甜😋唔會過鹹 拉麵口感彈牙,慢煮雞胸肉超級鮮嫩,配上薄切叉燒,非常滿足🤤 唐揚炸雞 $35 咬落去肉汁即流出黎加上檸檬汁和蛋黃醬,絕配 煎餃子 $29 正常水準 一定會encore 🤤 @issyokemen 一生懸麵 📍地址:旺角通菜街73號地舖 #一生懸麵#拉麵#牡蠣沾汁麵#雞白湯拉麵#旺角美食#hkfoodies #親子活動#親子玩樂#假日好去處#假日好節目#親子好去處#親子#幼兒#拍拖好去處#吃喝玩樂#family#familyday#hkmama#香港媽媽#親子kol#親子blogger
閱讀更多
