香蕉煎餅店多是外賣店居多，想舒舒服服坐低食？記者推介大家來這西貢熱門店，店主把舖頭以布置成glamping cafe，大家可以坐在像 camping site 的環境內坐低慢慢歎香蕉煎餅。
text│Amy
店主之一 Fion 瘋狂愛吃香蕉煎餅，疫情期間無得飛泰國，為了止癮、crazy 到在家試做，香蕉煎餅愈做愈有水準，索性開店公諸同好。
酷愛露營的她，特意用露營椅、矮桌、露營小燈裝飾甚至峇里風草傘等布置小店，加埋設有 pet-friendly 的戶外位，環境勁 chill。
主打的香蕉煎餅不用急凍印度酥餅麵糰，而是參考不同食譜、試足近百次做出來的，夠薄又酥脆不膩。每天早上於店內鮮製麵糰，將牛油及麵粉等材料混合後經分件、搓圓、浸於油中靜置後備用，接到柯打才即包即煎。酥皮搓得又薄又均勻，很有誠意。
香蕉選用偏熟帶梅花點的，偏熟的香蕉煎後會更香甜、質地有如帶粒粒香蕉醬，每件煎餅落足一隻香蕉，切片均勻分佈在煎餅裏，每啖都食到蕉肉。
除了煎香底面外，Fion 更細心地煎封埋四邊，令煎餅 360 度也酥脆，細節位見用心。
Topping 首推邪惡的 Lotus味，厚厚的 Lotus 醬因煎餅熱力變成半融，上面還洒滿 Lotus 餅碎。另外，香蕉煎餅仲有 Nutella 煉奶、美祿恐龍、肉桂蜂蜜等 10 款口味，好想試哂佢！
Nutella 香蕉煎餅$50、泰式奶茶$50、Lotus 焦糖脆餅香蕉煎餅$55（前至後）
泰式奶茶使用泰國手標茶、煉奶及花奶沖調，風味正宗。前者配上 nutella 榛子醬與煉奶，配上酥脆煎餅及香甜香蕉，口味經典。另一款則塗上 Lotus 醬，帶焦糖甜香，還洒滿 Lotus 餅碎添口感。
美祿恐龍香蕉煎餅 $55
洒滿美祿粉再加埋大量煉奶，邪惡又叫人食唔停口。
肉鬆芝士煎蛋餅 $60
煎餅亦有鹹食版本，這款包住肉鬆、mozzarella 及雞蛋，上面還洒上紫菜碎，口感豐富又有拉絲效果。
蜂蜜斑蘭香茅花茶 $60
使用泰國直送的風乾斑蘭及香茅碎沖調，還加入少少蜂蜜，味道清香。
肉桂蜂蜜香蕉煎餅 $55
香蕉煎餅洒上肉桂粉及本地蜂蜜，香甜好吃。
店主 Fion（右一）
店子由 Fion、妹妹及婆婆等家庭式經營，偶爾金毛狗店長叉燒還會駐店。
===========================
西貢營地
地址：西貢海傍街 21 號地舖
電話：從缺
營業時間：星期一至五 12nn - 7pm，星期六及日 12nn - 8pm
